الموضوع: يعنى ايه تقفيل مصرى او المانى او مغربي

السلام عليكم ورحمة الله وبركاته
تقفيل العربية يعنى تحويلها من قطع غيار إلى منتج نهائى قابل للإستخدام
طيب ليه تتقفل العربية اليابانى مثلاً فى مصر ؟؟؟؟
بص يا سيدى:
التقفيل فى مصر صحيح إنه مش فى جودة التقفيل اليابانى لكنه أرخص.
التقفيل فى مصر معناه إنه المكونات الغير أساسية فى العربية والتى تتطلب عمالة كثيرة مثل الفرش الداخلى وصناعة الزجاج والكاوتشوك والمطاط وبعض المكونات البلاستيكية يتم تصنيعها بالكامل فى مصر فى قطاع كامل داخل قطاع صناعة السيارات إسمه الصناعات التكميلية أو المساعدة للصناعة الأم وهى السيارات.
لكن الموتور المساعدين الفيتيس الجنوط الهيكل اليايات والمكونات الكهربية والإلكترونية كلها يتم إستيرادها من المصنع الأم للسيارة فى اليابان أو أى دولة آخرى مثل كوريا أو الصين.
وللحديث بقية

لو كل المكونات المانى 100% والتقفيل مصرى بيفضل مش بالجوده المطلوبه واحيانا معيوب احيانا العامل بيحقد على صاحب المصنع(حصلت فى مصنع تلاجات)فبيحاول يبوظ ويهمل عن عمد ده غير ان مفيش مراقبه جوده ومطابقه للمواصفات ووضع اسوء الخامات لمزيد من الربح لصاحب المصنع وليس لتخفيض سعر السياره للمشترى افتكر ان اللادا المصرى بعد ما تشتريها زيرو لازم تغير الرداتير والكاوتش لان اللى فيها ردى جدا وما خفى كان اعظم

.
التقفيل المصري هو الشئ الذي يزيل دهشتك عندما تتعجب لوجود أصوات غريبة بالسيارة من الزجاج أو الأبواب أو التابلوه ...

التقفيل الأوروبي هو الشئ الذي يزيل دهشتك عندما تتعجب من الهدوء الذي يفصل مقصورتك عن العالم الخارجي ......

الفرق بينهم هو الفرق بين أي منتج طالته أيادي مصرية vs أي منتج أوروبي 100%
.