لو كلية حكومية طبعا امسك فيها بأيدك وسنانك
مش عشان الفلوس
علشان طبعا هتستفيد جدا منها وبرستيج ومستقبل
وممكن تشتغل part timer في شركتك الحالية
ولو مارضيوش
الأرزاق علي الله
وشغل الكلية هيجيبلك الف وظيفة غيرها
ربنا يوفقك
والله المستعان
،
،
عرض للطباعة
لو كلية حكومية طبعا امسك فيها بأيدك وسنانك
مش عشان الفلوس
علشان طبعا هتستفيد جدا منها وبرستيج ومستقبل
وممكن تشتغل part timer في شركتك الحالية
ولو مارضيوش
الأرزاق علي الله
وشغل الكلية هيجيبلك الف وظيفة غيرها
ربنا يوفقك
والله المستعان
،
،
السلام عليكم و رحمة الله و بركاته
ألف مبروك مقدما و ربنا يوفقك ان شاء الله.
الحاجة التانية, أن الزمن اللى احنا فيه ده عاوز الانسان ياخد قراراته بتأنى شدييييييييييييييييييد و ده معناه أنك ماتسيبش شغلك فى الشركة, و تااااااااااااخد وظيفة المعيد.
ضربة المعلم بأه اللى أنت لو عملتها تبقى عدت معاك أنت و كل الأجيال اللاحقة, أنك تتعين معيد و من أول يوم تنشن على بعثة بره, يعنى تطلع تدرس فى أحسن الجامعات فى أميركا و لا كندا -اوعى تروح المجر و لا روسيا و لا الصين و لا الكلام التعبان ده- على حساب الدولة و ده أنا شايفه من حق أى واحد متفوق فى البلد دى و أنت أكيد متفوق بدليل أنك اتعينت معيد و ده هيعطيك فرصة أنك تاخد دكتوراة على الأقل من جامعة محترمة و عالمية و ده هيفرق معاك جدا فى الCarrer بتاعك فى المستقبل و المستقبل بيد الله, لكن أنك تتعين معيد و تقضيها كده و خلاص, هتبقى موظف حكومة و خلاص , حتى بعد ماتاخد الماجستير و الدكتوراة و تبقى عضو هيئة تدريس و بعد ماتخلص شغل الحكومة الصبح, بتروح الشغل الخاص آخر النهار و خلاص.
بالتوفيق ان شاء الله.
بس القصة في حاجتين
الحاجة الاولى هي اني مش شايف اي 3 لازمة للدراسات العليا في مجالي (Software Engineer)
الحاجة الثانية هي اني بحب اشتغل بايدي كل حاجة مش حاسس ان الحياة الاكاديمية هتبقى كويسة بالنسبة ليا
انا مش عارف حاجة و تايه و خايف اخد قرار اندم عليه في اي وقت بعد كدة
لو االفلوس مش فارقه معاك روح
غير كده انا مش شايف فيها اي ميزة غير واجهة اجتماعيه
زميلي كان التالت علي الدفعه واتعين معيد وكان شغال بارت تيم في شركه وكان طالع عين اهله ولا عارف يسد هنا ولا هنا وبعد اكتر من سنتين بهدله وماستر ووجع دماغ ساب الكليه وتفرغ للشغل وبيندم انه كمل في الكليه
روح الكلية اللي مفروض هتتعين فيها وقابل المعيدين في القسم اللي هتتعين فيه وشوف أحوالهم الوظيفية وخد رأيهم
فيه أقسام ماحدش فيها بيسأل على حد ولا بيتابع دراساته العليا وممكن تقعد بالعشر سنين في الماجستير (لو عاوز والمشرف راضي عنك) ماحدش يقولك إنت فين، وفيه أقسام تانية رئيس القسم عامل زي خولي الأنفار يمضيك حضور وانصراف ويحاسبك على شغلك جوة الكلية وبره وكله بالقانون ولو عديت خمس سنين ويوم من غير الماجستير ما يخلص تلاقي نفسك متحول كادر إداري، فشوف القسم اللي هتتعين فيه ظروفه إيه
إنما هي أكبر ميزة فيها حوار المنح أو البعثات بيكون أسهل، لكن برضه الموضوع ده أهميته نسبية من مجال لآخر، إسأل نفسك: هل في مجال عملك شهادة الدكتوراة بتفرق ولا الأهم الخبرة والمهارة والشهادة مالهاش قيمة؟؟
قبل ما تاخد القرار ، حط الخبر التالى فى اعتبارك :
الأولى - في مشروع قانون الجامعات الجديد .. بداية راتب الأستاذ 25 ألفا والمدرس المساعد7 آلاف والمعيد 3 آلاف
أنا مدرس مساعد بالجامعة ...
أولا إذا كنت تفكر في الماديات فالراتب الحالي (ما مجموعة بالبدلات والحوافز وخلافة حوالي 1500 جنية) يجب أن تختار إذا كنت ستنفقه على دراساتك العليا وتنسى الزواج والمسئولية إلى أن تحصل على الدكتوراة، أو ستتزوج وتنسى الدراسات العليا إلى أن يقضي الله أمرا كان مفعولا، والخبر الذي أورده الزميل عن زيادات المرتب هذه هو اقتراح مقدم من الأساتذة أنفسهم لما يتصورونه مناسبا لهم ولو تم إقرارة سيجري ذلك بالتدريج على خمس سنوات وليس فورا.
أفضل شيء في الجامعة هو المنح والبعثات والمشروعات البحثية لأنها تضمن خبرات ودخل مادي مرتفع.
ضع في اعتبارك أنك ستقضي عمرك كله تذاكر وتقرأ وتكتب إلى أن يشيب شعرك وتصبح جدا.
الجامعة ليست يوتوبيا للأسف ومقدار الحرية الممنوح لأستاذ الجامعة يجري استخدامه استخداما سيئا للغاية من قبل الكثيريين وهناك قليلون جدا في الجامعة ممن يجدر وصفهم فعلا بالعلماء... الأكثرية يرونها سبوبة