كارثة فى نيسان صنى سوبر صالون

**Mzeid** · 02-06-2008 07:49 PM

ربنا معاك بس أعتقد إن بالنسبة لمركز الصيانة دة ضغط شغل عليهم بس بالنسبة للمصنع و الله عندك حق ..
:):)

**bmya** · 02-06-2008 08:48 PM

المشكله يا جماعه في التقفيل المصري انه ماشي بنظام انت وحظك
يعني ممكن عربيه تطلع زي الفل وخمسه يطلعوا بعيوب

انا الحمد لله معايا صني 2008 EXsalon auto
زي الفل الحمد لله

**yahyanaabil** · 02-06-2008 10:57 PM

على ما اعتقد لو كان فيه دفعه طالعه من المصنع كلها فيها عيب فى ده بيبقى عيب صناعه مش عيب تقفيل وديه تفرق كتير يعنى الخامات اللى جايه من اليابان اساسا فيها مشكله
انما لو كانت حاله فرديه فبيبقى التقفيل عامل كبير فى المشكله على العموم الحمد لله انها جت على قد كده والضمان غيرلك الحاجه المعيوبه وعلى فكره توكيل نيسان من التوكيلات المحترمه نوعا ما مقارنا بغبور

**mina_ramsis** · 02-06-2008 11:08 PM

ربنا يعينك بس اوعى تسيب حقك

**Abdelrahman** · 03-06-2008 02:29 AM

الله يعينك ويصبرك ..بجد ربنا يستر علينا جميعا ..انت خوفتي بجد ..انا كمان معايا سوبر صالون 2008 عملت بيها 100 كيلو بس وبعدين سافرت بره مصر وان شاء الله راجع بعد اسبوعين ...الله يستر ..ربنا وحده العالم الواحد جاب الفلوس دي ازاي وتعب فيها قد ايه ؟
الله المستعان
يارب يا ذا الجلال والاكرام ..إليك وحدك لا شريك لك اشكو ضعف قوتي وقلة حيلتي وهواني على الناس...انت رب المستضعفين ..وانت ربي لا شريك لك

**kuwaity** · 05-06-2008 02:39 AM

انا كنت ناوي اشتريها العربيه دي ( صني سوبر صالون 2008 ) بعد تقريبا اسبوع

ولكن دلوقتي !! بعد ما قريت المصيبه دي !! هفكر مليون مره قبل ماشتريها !!!!!!!!

رينا يكون بعونك الصراحه ..

ومشعارف دلوقتي هعمل ايه !!!

**ahmad--ezzat** · 05-06-2008 02:44 AM

اية يا جماعة العربية دى شغالة زى الفل بس مش عارف بقا اللى حصا دة هو حظ مش اكتر

**som3aa** · 09-06-2008 02:09 AM

ممكن يكون عيب فى الدفعة دى من الضفاير و الله اعلم هى مصرى و لا يابانى.
اصبر و ان شاء الله المشكلة تتحل نهائيا و متدايقش نفسك علشان متكرهش العربية و هى عربية جميلة و ممتازة.

المشكله يا جماعه في التقفيل المصري انه ماشي بنظام انت وحظك
يعني ممكن عربيه تطلع زي الفل وخمسه يطلعوا بعيوب

انا الحمد لله معايا صني 2008 EXsalon auto
زي الفل الحمد لله

أنا كنت فاكر الكلام دا فى الفرنا بس , كنت فاكر الفرنا بطيخة حمرا او ارعى.
معقول الصنى كمان ؟ معتقدش , اعتقد فعلا عيب فى الدفعة كلها.
بس اللى انا مستغربله ليه التوكيل لما يكتشف حاجة كده مبيعملش recall للعربية زى بره و يغير القطعة دى قبل تفاقم المشكلة؟
حاجة تزعل

**sab3aawy** · 09-06-2008 09:32 AM

ياريت تطمنا بالنسبة للحل النهائى بخصوص الضفيرة ، بس انا فيه حاجة عايزك تراجع عليها من فضلك

فيه جنب البطارية على اليمين (اللى هو على شمالك انت وانت وشك لكبوت العربية)علبة سوداء فيها فيوزات، فيها فيوز عمومى 100 أمبير للعربية كلها، تأكد ان هذا الفيوز راكب كويس ومربوط كويس ومش مملح ويا حبذا لو تختبر التوصيليه بين طرفينه باستخدام وحدة أفو متر(جهاز بسيط يباع فى محلات اللوازم الكهربائية المنزلية فى حدود 20 جنيه)، وبرضه يا ريت تراجع على كل الفيوزات، ولو لا قد الله العربية عملت معاك كدة تانى اول حاجة تتأكد منها الفيوز ده

بالنسبة للطقة فى الديريكسيون فأنا مش عارف مين اللى افتى لك انها مشكلة فى بلى العجل، الطقة دى نتيجة لترييح سوستة المساعد فى مكانها، وكانت موجودة فى سيارتى وهى جديدة وبرضه كل السيارات الصنى اللى كل اللى اعرفهم جابوها كانت الطقة دى مسموعة فى الألف كيلومتر الأولى ، وبتروح فى خلال الف كيلومتر او 2000 بالكتير مع اول تربيط عفشة بعد ما تكون كل اجزاء العفشة ريحت فى مكانها ، بلى العجل بتكون اعراضه ونة فى السرعة العالية ولا علاقة له بالطقة دى نهائيا