عربيتين جداد نازلين قريب فى فئة كروس اوفر suv

الاولى



http://img195.imageshack.us/img195/2...subaruxvfd.jpg

http://img201.imageshack.us/img201/5...subaruxvfd.jpg

http://img713.imageshack.us/img713/3...subaruxvfd.jpg



سوبارو XV الجديده لسه نازله من كام شهر , النسخه الكروس من امبريزا الجديده

موتور 1600 سى سى 114 حصان @ 5600 Rpm وعزم 150 نيوتن @ 4000 Rpm

اوتوماتيك CVT Lineartronic

دفع رباعى AWD وتعليق independent ادام MacPherson ورا Double wishbone

5 نجوم فى ال EuroNCAP

نسبة انضغاط 10.5 يعنى المفروض 92 شغال

تسارع المانيوال فى 13.1 ثانيه الاوتوماتيك اكيد فى وقت اكتر

وزن 1350 كجم , ارتفاع 22 سم

ابعادها طول 4450 عرض 1780 ارتفاع 1570 قاعدة عجلات 2635

نازله فئتين 190 و 215 الف معنديش فكره عن تفاصيل الكماليات



الثانيه



http://img842.imageshack.us/img842/8...1280x960wa.jpg

http://img29.imageshack.us/img29/806...1280x960wa.jpg

http://img823.imageshack.us/img823/8...1280x960wa.jpg



سكودا Yeti , نازله بره من 2009

لو هاتنزل اوتوماتيك هايبقى موتورها 1200 سى سى تربو 105 حصان @ 5000 Rpm وعزم 175 نيوتن @ 1550-4100 Rpm , دا الموتور الوحيد اللى بينزل معاه اوتوماتيك

وطبعا فتيس DSG من 7 سرعات

دفع امامى مفيش رباعى غير مع الموتور ال 1800 تربو وال 2000 ديزل

تعليق ادام McPherson وورا Multi-element axle with longitudinal and transverse links

5 نجوم فى ال EuroNCAP

نسبة انضغاط 10.0 بس طبعا لازم 95

تسارع الاوتوماتيك فى 12 ثانيه

وزن 1370 كجم ارتفاع 18 سم

ابعادها طول 4223 عرض 1793 ارتفاع 1691 قاعدة عجلات 2578

الفئات والاسعار مش معروفه حتى الان




ايه رأيكم فى العربيتين وفرص منافستهم فى السوق ؟؟؟

.

طب والميتسوبيشى asx مفيش اخبار عنها ؟

السوبارو عربيه محترمه طبعا بس مش حتنافس بصوره كبيره

السكودا طبعا الفتيس ده معروف انه كله مشاكل فى نفس الوقت موتور 1200 تربوا اكيد محتاج بنزين

95 وطبعا كده بخ

هو حضرتك يا باشا قصدك الحاجات دى نازله مصر؟

اقتباس:

---

المشاركة الأصلية كتبت بواسطة Lancer_EX

طب والميتسوبيشى asx مفيش اخبار عنها ؟

السوبارو عربيه محترمه طبعا بس مش حتنافس بصوره كبيره

السكودا طبعا الفتيس ده معروف انه كله مشاكل فى نفس الوقت موتور 1200 تربوا اكيد محتاج بنزين

95 وطبعا كده بخ

---

انا برضه رأيى كدا فرص السوبارو 5 % فرص الYeti صفر %

الميتسوبيشى لسه مفيش اخبار

اقتباس:

---

المشاركة الأصلية كتبت بواسطة Land_Cruiser

هو حضرتك يا باشا قصدك الحاجات دى نازله مصر؟

---

ايوه ان شاء الله

حلوين بصراحة - بس اية اخبار الاسعار المتوقعة ليهم؟ من هنا نقدر نقول حاوين و هينافسوا بجد ولا لأ

اقتباس:

---

المشاركة الأصلية كتبت بواسطة beeronasr

حلوين بصراحة - بس اية اخبار الاسعار المتوقعة ليهم؟ من هنا نقدر نقول حاوين و هينافسوا بجد ولا لأ

---

السوبارو 190 و 215

الYeti لسه مش معروف بس اكيد هاتخشلها فى 200 الف برضه

انا حاسس ان yeti دي صغيرة اوي

بصراحه الميتسوبيشى asx لو نزلت لا تقولى سبورتاج ولا قشقاى

عربيه تحفه فنيه

السوبارو عربيه محترمه بس مش واخده حقها فى مصر خالص و العيب على توكيلها اللى مش مكلف نفسه يعملها دعايه تليق بيها

اقتباس:

---

المشاركة الأصلية كتبت بواسطة Lancer_EX

بصراحه الميتسوبيشى asx لو نزلت لا تقولى سبورتاج ولا قشقاى

عربيه تحفه فنيه

---

اقتباس:

---

المشاركة الأصلية كتبت بواسطة Land_Cruiser

السوبارو عربيه محترمه بس مش واخده حقها فى مصر خالص و العيب على توكيلها اللى مش مكلف نفسه يعملها دعايه تليق بيها

---

بس asx لو نزلت اظن هتنزل بالماتور بتاع الشارك الجديد بس هى عيبها انها صغيرة شوية انا شوفتها على الطبيعة

السوبارو شديدة جداا وحتى فى دول الخليج مش واخدة حقها خالص بس العربية الجديدة دى هتعمل شغل كويس متهيألى

طيب بالمرة والشئ بالشئ يذكر ...

عايز آراء حضراتكم في المقارنة بين السوبارو الجديدة دي وبين الإكس تريل ...... يعني الواحد يتكل على الله ويجيب أنهو فيهم لو الاتنين محل اختيار ... مع الأخذ في الاعتبار ان موتور الاكس تريل 2500 سي سي وترخيصها طبعا أغلى .. بس لو فرضنا ان الموضوع ده وإن كان مشكلة بس مش حتبقى عويصة ومش حتبقى لوحدها الدافع لصرف النظر عن الاكس تريل .. إنما في الامكانيات والاحتمالية والاستخدام داخل المدينة وفي السفر كسيارة عائلية وأحيانا في الطرق الوعرة لو استازم الأمر ... مين فيهم الأفضل ؟

مع أحترامي لكل الأراء ، ومن وجهة نظري المتواضعة
[overline]سكودا : [/overline]
وكيل لا يتادرك المشاكل من أول زيارة - اسعار قطع غيار عالية - قلة عدد مراكز الخدمة اللي تخدم سكودا بالرغم من اتشار السيارة - فتيس مليئ بالمشاكل dsg- بنزين 95 ودي تكلفة عالية - سعر مبالغ فيه - شكل من وجهة نظري غير مقبول مقارنة بالقشقاي والسبورتاج ولا أتوقع لها المنافسة حيث أن الأوكتافيا سيكون لها نصيب الأسد من حصة سكودا في السوق نظراً للأتساع والشكل الجمالي ولإمكانيات وعوامل الأمان والموتور القوي وسمعة أوكتافيا في مصر منذ 1997
[overline]سوبارو:[/overline]
وكيل ربنا يكفينا شره - قطع غيار غير متاحه بسهولة - ارتفاع اسعار قطع الغيار - بنزين 95- مافيش مراكز خدمة تقريباُ غير الوكيل - عربية مش منتشرة في مصر بالرغم من أنها عربية جيدة - شكل متوسط في التصميم من حيث اللمسات الجمالية بيفكرني بالعربية الأيسوزو الsuv موديل 2000- ولكن لا نستطيع أن ننكر قوة سوبارو كسيارة ولكن لا اتوقع المنافسة القوية لها كحال الإمبريزا في مصر تقريباً مش منتشرة.

قشقاي:
وكيل محترم - قطع غيار متوفرة - شكل جيد - اجماع عالمي أنها من أفضل سيارات العام منذ ثلاث سنوات - سمعة جيدة على مستوي العالم - الشكل الخارجي الجميل - يعيبها فقر التصميم الداخلي في التابلوه يبدو وكأنه صمم عام 1992 - موتور وفتيس متوازن مع حجم السيارة - سيارة يابانية تقفيل إنجليزي يعني جودة تقفيل واعتمادية مكونات وتوفير في استهلاك الوقود كعادة الياباني - بنزين 92 - ارتفاع عن الأرض - سيارة مليئة بالإمكانيات - أمان - اتساع داخلي - تكاليغ تشغيل معقولة على مدار العام - نجاح متوقع للسنوات القادمة لإصرار نيسان على إنجاح هذا الموديل بالأخص وهي السيارة اللتي حققت مبيعات لمليون و100 الف سيارة في يناير 2012 وهي لم يمر على أنتاجها أكثر من 3 سنوات وهو معدل رائع _ أقبال الأنجليز خاصة على هذه السيارة وانتو عارفين ألإنجليز مبيطلعوش الفلوس بالساهل وبيحسب العملية بدقة جداً قبل ما يحط فلوسه في حاجة وخاصة أن أنجلترا هي بلد السيارات الفارهة بمعنى أصح لما سيارة زي دي تغزو سوق زي أنجلترا معنى كده أنها سيارة تميل للأجود والأفضل.

سبورتاج:
وكيل معقول - قطع غيار معقولة هي أقل المستويات بينهم من حيث الجودة والقوة والسمعة من حي ان أحنا بنتكلم على عربية كوري (مع احترام الصناعة الكورية ونجاحها في الفترة الأخيرة) بس لما نقارن مع عربية سكودا ألماني تجميع التشيك يعني أتحاد أوروبي ومملوكة لأكبر مصنع سيارات في أوروبا (فولكس فاجن) - ونقارنها مع عربية ياباني 100 % (سوبارو)ونقارنها مع سيارة جمعت بين الحسنيين يعني ياباني وتقفيل أوروبي يعني تقريباً المنافسة أتحسمت لصالح الأخيرة
ألا وهي قشقاي ياباني تجميع أوروبي أقل سعر - أكثر إمكانيات - عوامل أمان - شكل عام جيد جداً - أرتفاع عن الأرض - نعومة الياباني المعهودة - مصاريف تشغيل أقل - وكيل محترم - تقريباً جمعت بينهم كلهم بس بسعر أفضل وأعتقد أنها ستكون الحصان الرابح الفترة القادمة

اقتباس:

---

المشاركة الأصلية كتبت بواسطة zangry

بس asx لو نزلت اظن هتنزل بالماتور بتاع الشارك الجديد بس هى عيبها انها صغيرة شوية انا شوفتها على الطبيعة

---

علي فكره ال asx واسعه من جوه جدا
انا طولي 182 و كنت قاعد قدام و ورا مستريح جداااااا

و هي فعلا بتنزل بالمتور ال 1600 مايفك بس المشكله انها مانوال بس
و اعتقد ان ده اللي اخر نزولها خصوصا من نزول القاشقاي و السبورتاج بنسخ اوتو

اقتباس:

---

المشاركة الأصلية كتبت بواسطة zangry

انا حاسس ان yeti دي صغيرة اوي

---

فعلا هى اصغرهم

اقتباس:

---

المشاركة الأصلية كتبت بواسطة lancer_ex

بصراحه الميتسوبيشى asx لو نزلت لا تقولى سبورتاج ولا قشقاى

عربيه تحفه فنيه

---

هى جامده فعلا ومن جوه مساحتها حلوه رغم انها كطول وعرض اصغر من سبورتاج

بس المشكله مفيش غير 1600 مانيوال حاليا لسه مفيش اوتوماتيك ونسبة انضغاط الموتور 11 يعنى زى السبورتاج 95 واكيد هاتنزل غاليه

اقتباس:

---

المشاركة الأصلية كتبت بواسطة zangry

بس asx لو نزلت اظن هتنزل بالماتور بتاع الشارك الجديد بس هى عيبها انها صغيرة شوية انا شوفتها على الطبيعة

السوبارو شديدة جداا وحتى فى دول الخليج مش واخدة حقها خالص بس العربية الجديدة دى هتعمل شغل كويس متهيألى

---

مش صغيره اوى هى من بره اصغر لكن مساحتها من جوا حلوه

والسوبارو فرصتها صعبه

اقتباس:

---

المشاركة الأصلية كتبت بواسطة yehia

طيب بالمرة والشئ بالشئ يذكر ...

عايز آراء حضراتكم في المقارنة بين السوبارو الجديدة دي وبين الإكس تريل ...... يعني الواحد يتكل على الله ويجيب أنهو فيهم لو الاتنين محل اختيار ... مع الأخذ في الاعتبار ان موتور الاكس تريل 2500 سي سي وترخيصها طبعا أغلى .. بس لو فرضنا ان الموضوع ده وإن كان مشكلة بس مش حتبقى عويصة ومش حتبقى لوحدها الدافع لصرف النظر عن الاكس تريل .. إنما في الامكانيات والاحتمالية والاستخدام داخل المدينة وفي السفر كسيارة عائلية وأحيانا في الطرق الوعرة لو استازم الأمر ... مين فيهم الأفضل ؟

---

السوبارو لسه جديده ومش متجربه , الاكس تريل بقالها فتره بس معنديش معلومات كافيه عنها

اقتباس:

---

المشاركة الأصلية كتبت بواسطة houseiny

مع أحترامي لكل الأراء ، ومن وجهة نظري المتواضعة
[overline]سكودا : [/overline]
وكيل لا يتادرك المشاكل من أول زيارة - اسعار قطع غيار عالية - قلة عدد مراكز الخدمة اللي تخدم سكودا بالرغم من اتشار السيارة - فتيس مليئ بالمشاكل dsg- بنزين 95 ودي تكلفة عالية - سعر مبالغ فيه - شكل من وجهة نظري غير مقبول مقارنة بالقشقاي والسبورتاج ولا أتوقع لها المنافسة حيث أن الأوكتافيا سيكون لها نصيب الأسد من حصة سكودا في السوق نظراً للأتساع والشكل الجمالي ولإمكانيات وعوامل الأمان والموتور القوي وسمعة أوكتافيا في مصر منذ 1997
[overline]سوبارو:[/overline]
وكيل ربنا يكفينا شره - قطع غيار غير متاحه بسهولة - ارتفاع اسعار قطع الغيار - بنزين 95- مافيش مراكز خدمة تقريباُ غير الوكيل - عربية مش منتشرة في مصر بالرغم من أنها عربية جيدة - شكل متوسط في التصميم من حيث اللمسات الجمالية بيفكرني بالعربية الأيسوزو الsuv موديل 2000- ولكن لا نستطيع أن ننكر قوة سوبارو كسيارة ولكن لا اتوقع المنافسة القوية لها كحال الإمبريزا في مصر تقريباً مش منتشرة.

قشقاي:
وكيل محترم - قطع غيار متوفرة - شكل جيد - اجماع عالمي أنها من أفضل سيارات العام منذ ثلاث سنوات - سمعة جيدة على مستوي العالم - الشكل الخارجي الجميل - يعيبها فقر التصميم الداخلي في التابلوه يبدو وكأنه صمم عام 1992 - موتور وفتيس متوازن مع حجم السيارة - سيارة يابانية تقفيل إنجليزي يعني جودة تقفيل واعتمادية مكونات وتوفير في استهلاك الوقود كعادة الياباني - بنزين 92 - ارتفاع عن الأرض - سيارة مليئة بالإمكانيات - أمان - اتساع داخلي - تكاليغ تشغيل معقولة على مدار العام - نجاح متوقع للسنوات القادمة لإصرار نيسان على إنجاح هذا الموديل بالأخص وهي السيارة اللتي حققت مبيعات لمليون و100 الف سيارة في يناير 2012 وهي لم يمر على أنتاجها أكثر من 3 سنوات وهو معدل رائع _ أقبال الأنجليز خاصة على هذه السيارة وانتو عارفين ألإنجليز مبيطلعوش الفلوس بالساهل وبيحسب العملية بدقة جداً قبل ما يحط فلوسه في حاجة وخاصة أن أنجلترا هي بلد السيارات الفارهة بمعنى أصح لما سيارة زي دي تغزو سوق زي أنجلترا معنى كده أنها سيارة تميل للأجود والأفضل.

سبورتاج:
وكيل معقول - قطع غيار معقولة هي أقل المستويات بينهم من حيث الجودة والقوة والسمعة من حي ان أحنا بنتكلم على عربية كوري (مع احترام الصناعة الكورية ونجاحها في الفترة الأخيرة) بس لما نقارن مع عربية سكودا ألماني تجميع التشيك يعني أتحاد أوروبي ومملوكة لأكبر مصنع سيارات في أوروبا (فولكس فاجن) - ونقارنها مع عربية ياباني 100 % (سوبارو)ونقارنها مع سيارة جمعت بين الحسنيين يعني ياباني وتقفيل أوروبي يعني تقريباً المنافسة أتحسمت لصالح الأخيرة
ألا وهي قشقاي ياباني تجميع أوروبي أقل سعر - أكثر إمكانيات - عوامل أمان - شكل عام جيد جداً - أرتفاع عن الأرض - نعومة الياباني المعهودة - مصاريف تشغيل أقل - وكيل محترم - تقريباً جمعت بينهم كلهم بس بسعر أفضل وأعتقد أنها ستكون الحصان الرابح الفترة القادمة

---

اسمح لى اعلق على كام نقطه

الشكل اذواق طبعا بس السوبارو الجديده شكلها جامد جدا مش عارف ازاى حضرتك شايفها ايسوزو 2000

القاشقاى برضه مش عارف حضرتك عرفت منين ان قطع غيارها متوفره ومصاريف تشغيلها السنويه رخيصه هى العربيه لحقت تبيع ؟ فى 2011 القاشقاى باعت 74 عربيه فى مصر كلها مقابل عربيه زى سبورتاج نزلت بعدها باعت 808 , لسه هانشوف السنه دى ايه اللى هايحصل بعد نزول القاشقاى الاوتوماتيك

بخصوص المليون عربيه فهى عدت المليون و 100 الف واكتر حاليا بس هى وصلت للمليون بنهاية يناير 2011 وهى بتتباع من 2007 يعنى فى 4 سنين وشهر بمعدل ربع مليون فى السنه تقريبا وهو رقم عادى , السبورتاج السنه اللى فاتت بس باعت 331 الف

اما السبورتاج فانا مش هاعلق عليها كفايه زى ما حضرتك قولت دى عربيه كورى

اقتباس:

---

المشاركة الأصلية كتبت بواسطة horas3000

علي فكره ال asx واسعه من جوه جدا
انا طولي 182 و كنت قاعد قدام و ورا مستريح جداااااا

و هي فعلا بتنزل بالمتور ال 1600 مايفك بس المشكله انها مانوال بس
و اعتقد ان ده اللي اخر نزولها خصوصا من نزول القاشقاي و السبورتاج بنسخ اوتو

---

تمام ياباشا

هى واضح ان الموضه السنه دى هى ال suv و معظم صناع السيارات منزلين موديلات suv زى رينو و نيسان و كيا و بيجو و سكودا و سوبارو و البقيه تأتى و اعتقد ان اى حد ناوى يشترى اليومين دول الافضل انه يستنى لحد ما يشوف الاختيارات كلها

اقتباس:

---

المشاركة الأصلية كتبت بواسطة Land_Cruiser

هى واضح ان الموضه السنه دى هى ال suv و معظم صناع السيارات منزلين موديلات suv زى رينو و نيسان و كيا و بيجو و سكودا و سوبارو و البقيه تأتى و اعتقد ان اى حد ناوى يشترى اليومين دول الافضل انه يستنى لحد ما يشوف الاختيارات كلها

---

:plusone1::plusone1:

اقتباس:

---

المشاركة الأصلية كتبت بواسطة Land_Cruiser

هى واضح ان الموضه السنه دى هى ال suv و معظم صناع السيارات منزلين موديلات suv زى رينو و نيسان و كيا و بيجو و سكودا و سوبارو و البقيه تأتى و اعتقد ان اى حد ناوى يشترى اليومين دول الافضل انه يستنى لحد ما يشوف الاختيارات كلها

---

بصراحة أة - و انا كمان عايز اغير من اللانسر لعربية suv و استقريت بنسبة كبيرة على الداستر مش علشان هى الاحسن على الاطلاق بس علشان سعر مع امكانيات تعتبر مقبولة جدا
فعلا التغيير لل suv مطلوب و بالذات فى مصر.

اقتباس:

---

المشاركة الأصلية كتبت بواسطة beeronasr

بصراحة أة - و انا كمان عايز اغير من اللانسر لعربية suv و استقريت بنسبة كبيرة على الداستر مش علشان هى الاحسن على الاطلاق بس علشان سعر مع امكانيات تعتبر مقبولة جدا
فعلا التغيير لل suv مطلوب و بالذات فى مصر.

---

مبروك مقدما لحضرتك وهى فعلا من الاختيارات الكويسه فى الفئه دى , بس مشكلتها المانيوال بصراحه صعب الواحد يستحمله , اتمنى وكيل رينو ينزلها اوتوماتيك هى والستيب اواى

اقتباس:

---

المشاركة الأصلية كتبت بواسطة hosam_optrawy

مبروك مقدما لحضرتك وهى فعلا من الاختيارات الكويسه فى الفئه دى , بس مشكلتها المانيوال بصراحه صعب الواحد يستحمله , اتمنى وكيل رينو ينزلها اوتوماتيك هى والستيب اواى

---

اعتقد انه فى ظل ظروف المنافسه مش بعيد ابدا ان الداستر تنزل اتوماتيك زى ما اللوجان نزلت اتوماتيك بس لو نزلت هتبقى الدفع. الثنائى هى اللى اتوماتيك (زى فكره التيجو كده) و يبقى الاختيار دفع رباعى مانيوال او ثنائى اتوماتيك و بكده تظل البديل الارخص للقاشقاى و الاسبورتيج و اتوماتيك برضه

اقتباس:

---

المشاركة الأصلية كتبت بواسطة beeronasr

بصراحة أة - و انا كمان عايز اغير من اللانسر لعربية suv و استقريت بنسبة كبيرة على الداستر مش علشان هى الاحسن على الاطلاق بس علشان سعر مع امكانيات تعتبر مقبولة جدا
فعلا التغيير لل suv مطلوب و بالذات فى مصر.

---

لو عايز رايي استنى شويه لحد ما نشوف ايه الجديد. الداستر حلوه جداً و سعرها مشجع جداً فى ظل ارتفاع الاسعار لكن فيها كام حاجه محتاجين يتظبطوا و كمان مين عارف احتمال حاجات تانيه تنزل تكون كويسه مش محتاجه تظبيط و لا حاجه و سعرها معقول

اقتباس:

---

المشاركة الأصلية كتبت بواسطة hosam_optrawy

مبروك مقدما لحضرتك وهى فعلا من الاختيارات الكويسه فى الفئه دى , بس مشكلتها المانيوال بصراحه صعب الواحد يستحمله , اتمنى وكيل رينو ينزلها اوتوماتيك هى والستيب اواى

---

اللة يبارك فى حضرتك - هى بصراحة حققت معايا شخصيا لحد دلوقتى معادلة السعر مع الامكانيات و موضوع الاتوماتيك مش مهم لية قوى لان اغلب استخدامى ليها هيبقى سفر و انت عارف فى السفر بيبقى الاتوماتيك زى المانيوال.

اقتباس:

---

المشاركة الأصلية كتبت بواسطة land_cruiser

لو عايز رايي استنى شويه لحد ما نشوف ايه الجديد. الداستر حلوه جداً و سعرها مشجع جداً فى ظل ارتفاع الاسعار لكن فيها كام حاجه محتاجين يتظبطوا و كمان مين عارف احتمال حاجات تانيه تنزل تكون كويسه مش محتاجه تظبيط و لا حاجه و سعرها معقول

---

فعلا فيها حاجات بسيطة محتاجة تظبيط بس انا مستنى و اللة بقالى اكتر من 6 شهور

اقتباس:

---

المشاركة الأصلية كتبت بواسطة beeronasr

فعلا فيها حاجات بسيطة محتاجة تظبيط بس انا مستنى و الله بقالى اكتر من 6 شهور

---

معلش تعالى على نفسك شوية حضرتك استنيت 6 شهور مش هتيجى على شهر ولا اتنين كمان

لو على شهر تبقى بسيطة - انا مش ناوى اصلا قبل نصف ابريل و ربنا يكرم الجميع ان شاء اللة

حسام باشا ، ربنا ميحرمناش من حصرياتك ، بس هو فعلاً زي ما حضرتك قولت الشكل ده أزواق ووجهات نظر أكيد ، يعني أنا من وجهة نظري السبورتاج أحلى ما فيهم في الشكل وأقلهم كسيارة ممكن تشتريها وانت حاطط في بطنك بطيخة صيفي ، ولكن أنا بتكلم عن قشقاي بحكم ان أنا جربتها في السعودية كسيارة فعلاً حلوة من حيث الثبات والميكانيزم زائد ان أنا قريبي في أنجلترا اشتراها ، بيشكر فيها جداً وموضوع توافر قطع الغيار دي عادة نيسان انها فعلاً بتوفر قطع الغيار في اقرب وقت وقليل لما تلاقي حاجة مش موجودة ، وعلى فكرة هي فعلاً عربية ناجحة عالمياً والدليل على كده غزوها للألمانيا وفرنسا وأنجلترا وإيطاليا اللي هم أصلاً ملوك صناعة السيارات في أوروبا والعالم ، معاك أن هيونداي كمان غزت العالم بنفس القوة وغزت الدول دي كمان ، بس الفرق بين العربيات الكوري والعربيات الياباني اللي هتتصنع في أنجلترا أن أنجلترا بتصنع العربية بمستوي واحد سواء لأوروبا أو لغيرها ممكن تشيل أوبشن أو تزود أوبشن ، لكن الجودة واحدة ، أنما بقى الكوري حدث ولا حرج عامل زي الترزي ابو زمتين يصنع لمصر بمواصافات وللخليج بمواصفات ولأوروبا بمواصفات ولأمريكا حبيبة الجماهير بمواصفات تانية خالص، لدرجة ان الواحد بقي بيثق في قطع غيار العربية الأستيراد افضل من الجديد اللي جاي لمصر عشان فرق الجودة ، أتمني أكون وضحت وجهة نظري وربنا ميحرمناش من مواضيعك الشيقة يا جميل ، وأنا مش متحيز لنيسان والله خالص بس أنا بفضل الياباني بقوتة والتسارع بتاعه وبفضل الأوروبي بجودته والتكنولوجي العالي لما عربية تجيبلك الأتنين مع بعض ، يبقى كده انتي معاك عربية أوستيك ، شغل فنادق يعني ، بالعكس أنا محتار أجيب إيه من الفئة دي لما ربنا يكرم أن شاء الله واقدر أغير لأن فعلاً المقارنة صعب دلوقتي

متابع الموضوع ان شاء الله

اقتباس:

---

المشاركة الأصلية كتبت بواسطة houseiny

حسام باشا ، ربنا ميحرمناش من حصرياتك ، بس هو فعلاً زي ما حضرتك قولت الشكل ده أزواق ووجهات نظر أكيد ، يعني أنا من وجهة نظري السبورتاج أحلى ما فيهم في الشكل وأقلهم كسيارة ممكن تشتريها وانت حاطط في بطنك بطيخة صيفي ، ولكن أنا بتكلم عن قشقاي بحكم ان أنا جربتها في السعودية كسيارة فعلاً حلوة من حيث الثبات والميكانيزم زائد ان أنا قريبي في أنجلترا اشتراها ، بيشكر فيها جداً وموضوع توافر قطع الغيار دي عادة نيسان انها فعلاً بتوفر قطع الغيار في اقرب وقت وقليل لما تلاقي حاجة مش موجودة ، وعلى فكرة هي فعلاً عربية ناجحة عالمياً والدليل على كده غزوها للألمانيا وفرنسا وأنجلترا وإيطاليا اللي هم أصلاً ملوك صناعة السيارات في أوروبا والعالم ، معاك أن هيونداي كمان غزت العالم بنفس القوة وغزت الدول دي كمان ، بس الفرق بين العربيات الكوري والعربيات الياباني اللي هتتصنع في أنجلترا أن أنجلترا بتصنع العربية بمستوي واحد سواء لأوروبا أو لغيرها ممكن تشيل أوبشن أو تزود أوبشن ، لكن الجودة واحدة ، أنما بقى الكوري حدث ولا حرج عامل زي الترزي ابو زمتين يصنع لمصر بمواصافات وللخليج بمواصفات ولأوروبا بمواصفات ولأمريكا حبيبة الجماهير بمواصفات تانية خالص، لدرجة ان الواحد بقي بيثق في قطع غيار العربية الأستيراد افضل من الجديد اللي جاي لمصر عشان فرق الجودة ، أتمني أكون وضحت وجهة نظري وربنا ميحرمناش من مواضيعك الشيقة يا جميل ، وأنا مش متحيز لنيسان والله خالص بس أنا بفضل الياباني بقوتة والتسارع بتاعه وبفضل الأوروبي بجودته والتكنولوجي العالي لما عربية تجيبلك الأتنين مع بعض ، يبقى كده انتي معاك عربية أوستيك ، شغل فنادق يعني ، بالعكس أنا محتار أجيب إيه من الفئة دي لما ربنا يكرم أن شاء الله واقدر أغير لأن فعلاً المقارنة صعب دلوقتي

---

ياحسينى باشا كلك ذوق ووجهة نظرك وصلت واحترمها طبعا وربنا يهديك للاصلح ان شاء الله

نورت الموضوع

يا باشا طبعا انا لو اختار لنيسان القشقاى لسعره الرخيص ولجودته العالية من وجهة نظره ولا يعيبه الا انه ثقيلة فى البيع حبيتين ولكن ملحوقة هى كفاية شكله يضع فى الجراج وتبص عليه كل يوم واللى محتاج الفئة دى لابد ان يكون مقتدر ماليا

ليه محدش بيسأل على toyota fortenure عربية محترمة جدا على شاسيه ال toyota hilux التي هي نص نقل تويوتا منتشرة في شوارع مصر

النيسان قشقاى افضل منهم وارخص بكتير 175 الف جنيه

الكروس اوفر او compact suv هو الحصان الرابح فى سوق السيارات السنوات القادمة

انا شوفت النهارده السوبارو ال xv ماشيه فى الشارع و معلقه نمر و كان لونها فضى. الملاحظ ان فوانيسها الخلفيه صغيره قوى و حجم العربيه صغير مقارنه بالاسبورتيج و القاشقاى

اقتباس:

---

المشاركة الأصلية كتبت بواسطة houseiny

حسام باشا ، ربنا ميحرمناش من حصرياتك ، بس هو فعلاً زي ما حضرتك قولت الشكل ده أزواق ووجهات نظر أكيد ، يعني أنا من وجهة نظري السبورتاج أحلى ما فيهم في الشكل وأقلهم كسيارة ممكن تشتريها وانت حاطط في بطنك بطيخة صيفي ، ولكن أنا بتكلم عن قشقاي بحكم ان أنا جربتها في السعودية كسيارة فعلاً حلوة من حيث الثبات والميكانيزم زائد ان أنا قريبي في أنجلترا اشتراها ، بيشكر فيها جداً وموضوع توافر قطع الغيار دي عادة نيسان انها فعلاً بتوفر قطع الغيار في اقرب وقت وقليل لما تلاقي حاجة مش موجودة ، وعلى فكرة هي فعلاً عربية ناجحة عالمياً والدليل على كده غزوها للألمانيا وفرنسا وأنجلترا وإيطاليا اللي هم أصلاً ملوك صناعة السيارات في أوروبا والعالم ، معاك أن هيونداي كمان غزت العالم بنفس القوة وغزت الدول دي كمان ، بس الفرق بين العربيات الكوري والعربيات الياباني اللي هتتصنع في أنجلترا أن أنجلترا بتصنع العربية بمستوي واحد سواء لأوروبا أو لغيرها ممكن تشيل أوبشن أو تزود أوبشن ، لكن الجودة واحدة ، أنما بقى الكوري حدث ولا حرج عامل زي الترزي ابو زمتين يصنع لمصر بمواصافات وللخليج بمواصفات ولأوروبا بمواصفات ولأمريكا حبيبة الجماهير بمواصفات تانية خالص، لدرجة ان الواحد بقي بيثق في قطع غيار العربية الأستيراد افضل من الجديد اللي جاي لمصر عشان فرق الجودة ، أتمني أكون وضحت وجهة نظري وربنا ميحرمناش من مواضيعك الشيقة يا جميل ، وأنا مش متحيز لنيسان والله خالص بس أنا بفضل الياباني بقوتة والتسارع بتاعه وبفضل الأوروبي بجودته والتكنولوجي العالي لما عربية تجيبلك الأتنين مع بعض ، يبقى كده انتي معاك عربية أوستيك ، شغل فنادق يعني ، بالعكس أنا محتار أجيب إيه من الفئة دي لما ربنا يكرم أن شاء الله واقدر أغير لأن فعلاً المقارنة صعب دلوقتي

---

القاشقاي قطع غيارها غالية