شد حيلك يا فارما اهه خلاص هانت ولو الموضوع مشى كويس معاك انت تتح مركز دهانات اسطوره تيم الصنايعيه ف البيت كلهم بس لو انا مش شريك معاك فيه هصحيهملك من الفجر انت حر
عرض للطباعة
شد حيلك يا فارما اهه خلاص هانت ولو الموضوع مشى كويس معاك انت تتح مركز دهانات اسطوره تيم الصنايعيه ف البيت كلهم بس لو انا مش شريك معاك فيه هصحيهملك من الفجر انت حر
بتقول فيها يازميلي
لو عربيتي طلعت(تحفة) زي مانا - إن شاء الله - متوقع
صدقا
هجيب جوز عيال يصنفروا .. وهفتح ورشة في الزقازيق
وأكون هناك الصبح.. وبالليل في الصيدلية
ومش هشتغل بإيدي
.
العيال تعمل..وأنا أوجههم
وخد بالك..أنا إشتريت العدة
ناقص الكومبروسور بــ 500 ج .. صغنون كده
وتبقا الورشة كاملة
دي صورة الرفرف إلي إتعمل إمبارح...
زي ماهو واضح
كان فيه عالي وواطي كتير
علشان البوهية الي قبلها باللون الي قبله ماتشلش كويس.إتسنفر بس وإترش عليه
http://im19.gulfup.com/2012-03-01/1330604780181.jpg
مش هكمــل الشغل لمدة يومين تلاتة.. بسبب الطين والمطرة
.
عزيزي د احمد..
وانا بتجول في موضوع عن الدهانات في منتدي اخر استفدت كتير من الموضوع واحب الخص لحضرتك اللي عرفته علشان ان شاء الله ربنا يعينك ويساعدك.
-العربيه بتاخد كيلو وربع بويه طبعا ماط وزيهم ورنيش للتلميع
-في ناس بتخلط البويه بالورنيش مره واحده وده مش مستحب رش البويه اول علشان لو في عيوب تتعالج وبعدين الورنيش اخيرا..
-احسن بويات في مصر (جلازوريت-سيكنز-ستاندوكس)ولكن رشهم صعب ومحتاج محترف,الاسهل (كابسي)
لو عاوز بيانات موزع (جلازوريت) ابعتلي ع الخاص احتراما لقوانين المنتدي..
-كيلو البويه الماط الالماني+التنر=250ج
كيلو ورنيش+مصلب+التنر=270ج
ورنيش مضاد للخدوش=300ج
-نسبه خلط الدهان
البويه 100جم-المصلب50جم-التنر30جم
-يقضل استخدام الفيلر الرصاصي
علبه الفيلر واحد لتر يضاف اليها نصف لتر تنر نوع كويس زي تنر( الدبابه) اعتقد ده اللي بيتباع في جراكن .
تقبل تحياتي يا دكتره وربنا يوفقك..
والله معلومات قيمه جدا
بجد إستفدت جدا
hellboy
ربنا يكرمك... أنا همشي على الطريقة العادية
يعني بوهية كابسي.. بكل حاجتها الإتنين كيلو بــ 400 ج
علشان دي أول تجربة .. فمش هكلف بوهية سكينز أو أي نوع غالي
...
..
.
الحاجة التانية
أنا مش هرش بإيدي نهائي
أنا كل إلي هعمله كالأتي
1. سنفرة خشنة .. نشيل بيها معظم طبقات البوهية القديمة
2. سنفرة أنعم شوية وليكن 120 لتجهيز العربية للفيلر
3. فيللر .. ويتسنفر بطريقة الساند بلوك .. تديك سطح مستقيم
4. أغسل العربية .. وأدي فيللر تاني.. وأسحق بسنفرة انعم وليكن 180
5.أغسل العربية .. وأدي فيللر تاني .. وأسحق بسنفرة أنعم وليكن 320
6.أغسل العربية .. وأدي فيللر تاني .. وأسحق بسنفرة أنعم وليكن 320 .. وبعدها سنفرة 600.. وبعدها سنفرة 1000 .. وبعدها سنفرة 1500
تتغسل العربية .. وأوديها الفرن
.
بس
أنا مش هرش بإيدي غير طبقات الفيللر .. ولو كان عندي مكان أرش فيه.. زي الفرن
كنت رشيت بإيدي
ماتتخيلش أنا دماغي عاملة إزاي.. كله عندي عادي ومحصل بعضه
وربنا يكرمك على تعبك
أنا هوقف الموضوع يومين تلاتة.
لحد مالمطر يخلص.. والطين والعك الي عندنا ينشف
علشان أشتغل بمزااااااج
فيييييييين الباقي يا دوك دانا بقيت بتابع موضوعك دا ولا اللي بيتابع مسلسل تركي ( مع اني مبحبش المسلسلات التركي ) بس القافيه حكمت بقي ههههههههه
أبو حميد
حبيبي
أنا موقف الموضوع بسبب التراب والمطرة...
إمبااااااااااااااااارح
بدأت تاني
إمبارح بالليل .. ساعتين متواصلتين سنفرة .. الرفرف جبت على الصاااااااااااااج
سنفرة اللون الأخضر الفسدقي .. واللون الأزرق..واللون الرصاصي
الرفرف دلوقتي على الصاااج بيلمع
.
في دماغي حاجة كنت عاوز أعملها في الرفرف .. عاوز سمكري نظيف ينفخ الرفرف صاااج .. علشان ياخد شكل رفرف الايفوووو
في دماغي كام فكرة كده.. أخلي السمكري يعملهم .. علشان ينفخ الرفرف من غير دق
الله المستعان
كده الرفرف خلص.. وشلت طبقات البوهية بسنفرة 80
النهاردة بعد ماشغل الصيدلية يخلص..هلبس الجونتي وأعيش أنا والعربية شوية لحد الفجر
هعمل الرفرف التاني .. والإكصدام الامامي....................
والصور إستنوها بكره بإذن الله
بالتوفيق يادوك والله انت شكلك هتخلي البوهيجيه يا يفلسوا يا يراعوا ربنا فشغلهم بعد ماتخلص الموضوع دا هههههههههه وربنا معاك فباقي العربيه والفكره بتاعت النفخ دي جامده بس خليها مفجاه فالاخر
محمد
إللي اعرفه إن في تصميم أي عربية
لو اتعمل فتحة تانك البنزين في ناحية يبقى فتحة الشكمان الناحية التانية
عشان لو لا قدر الله كان غطاء التانك مش محكم كويس و العربية عملت باك فاير أو الشكمان طلع شرر
العربية ماتنفجرش
فأنت لما تعمل فرعين يمين و شمال للشكمان
كده أنت بتزود الاحتمال ده
و ربنا يوفقك
و أنا متابع معاك حتى النهاية