الموضوع: دوكووووووو

ان شايف ان اللون الابيض هيبقى توحفه

جاااااااااامد
مع انه هيبقي متعب بس أكيد هتطلع حاجة كويسة في الأخر
انت عندك كذا لون بتوع الأيفو
فيه ال weightless white
و ال tarmac black ... اللي هو الأسود بتاع الأسفلت
انا شايف دول حلوين قوي
غير الأبيض الكريمي كمان
ربنا معاك

المشاركة الأصلية كتبت بواسطة A7MED_PHARMA

جووو حبيبي
كل سنة وإنت طيب يامعلم

ماتديني كده شوية صور للألوان دي
عاوز أشوفها الأول .. وأشوف هعمل إيه

وانت طيب يا فارما :)
ده ال weightless white


وده ال tarmac black



باين الدرجة في الحتة اللي فيها أضائة

دايما كل مواضيعك واستفساراتك وتفكيرك رائع يا دكتور احمد بصراحه انت فنناااااان
واستاذ ورئيس قسم

انا زمان لما كان معايه المكوة كنت عامل فيبر وتنفيخ وكده وبرش العربيه كلها
اولا لبسوني ارش السقف علشان ميبقاش في فرق لون مع اني طبعا واخد كود اللون من حوض المكنه والمفترض لو البيه الي رشها قبلي م الزيرو يكون راشش العربيه بكود اللون من حوض المكنه يعني مفيش فرق لون
ده اولا ثانيا اتفقت ف البدايه هتاخد كام هاخد كذا والخامات معايه من ضمنها يا بيه وكله علياه هتاخد كام طبعا متعرفش كانت سكرة انا اتشطرت عليه قالك 700 جنيه بكل المكونات من فلر وصنفرة وكل كل حاجه
اسمع بقا يا سيدي منتهي قله الادب الا منتاهيه قعدني جمبه شهر كامل يمطوح فياه ويجيبني اليوم الي بعده وهكذا طبعا ده كله ليه لان البيه معرفش يعمل علياه سبووبه صح زي ما بيقولوا فبالتالي كنت بروح اول اليوم يشتغل شويه لا استني كده كفايه بكرة علشان المعجون ينشف اروحله يوم يقولي ملحقش ينشف ويلقط تاني ومنتهي قله الادب ف الاخر اتخانقت معاه وبهدلته وف الاخر خلصها ومعرفش يطلع مني بمصلحه برضه زي ما بيقولوا لانه كان اتفاق من الاول


انت صح هتعمل كل حاجه علي مزاجك وصح الصح
شغل السمكرة هيتعمل صح عند صنيعي صح وانت واقف علي قيده وتظبط الدنيا هترتاح في شغلك انت بقا لما تيجي تعمل الدوكو ف اكد قوي وخد بالك شغل السمكرة لو فيها سمكرة هيريحك وهيخليك متهدرش ولا تستخدم معجون كتير علشان العربيه تطلع فبريكه مش شيله معجون كتير
والفلر في الاخر في مرحله التجهيز قبل الفرن وهتفرش معجون ع الحتت الي محتاجه تلقيط وتظبط الصاج ولو في سوك هتترسم ولا حاجه هترسمها برده وتصنفر

انا مستنييييك تعملنا تقرير بالصور هتبقي اول مرة حد يجرب وهيبقي اتجاه
والاستفاده الاكبر ان الناس هتعرف متطلبات الدوكوو وهيفهموا ان الموضوع مش غالي اوي زي ما كل الناس فاكرة وهيبقي كل الاسعار معروفه

ربنا معاك يارب ويوفقك يارب في مشروع رش العربيه ده وانا اكاد اجزملك انها هتطلع احسن مليون مرة من الرشه دي الي انت رشتها في تغيير اللون اخر مرة من شغل الي بيطلق علي نفسه صنايعي ع الفاضي ده

انا عشت مع البوهيجيه في رش يجي 3 عربيات وكان واحد معرفه وابن خالتي بيعيش برده ف الحاجات دي زيك وبيحب يعمل الحاجه بايديه ويفهم وكده ف اعتقد
ومن معلوماتي المتواضعه ان الصنفرة الناعمه دي في التفنيش
لما يكون عايز يساوي المعجون الي حطه وينزله ويخفه ويرسم ف الاواخر يعني قبل ما تخلص وتكون بتفنش وهتدي الفلر زي ما قلت يا فنان
علشان المعجون كله مينزلش لو عمل بالخشنه ويضطر يحط معجون تاني ويصنفر تاني
وياريت لو غلطان حد يصححلي