بخصوص باقه موبينيل موبايل انترنت 10 جنيه

**DreAmO** · 22-02-2012 09:24 PM

السلام عليكم ورحمة الله وبركاته

انا اشتركت في باقه انترنت موبينيل اللي ب 10 جنيه في الشهر على خط التليفون بتاعي

بوصل التليفون كمودم باللاب توب وبفتح النت عاللاب عادي تليفوني NOKIA C6-01

عن طريق برنامج نوكيا او عن طريق اختيار اوبش من التليفون مودم او انا اعمل كونفجريشن اتصال جديد على اللاب ديل اب عن طريق التليفون

المهم كانت سرعة الاتصال 3.6 ميجا والدون لود بيعمل 320 كيلو بايت في الثانيه تقريباً .. وممكن تترفع ل 7.2 ميجا

لما ال 55 ميجا بتوع الباقه انتهوا .. السرعة نزلت ل 64 كيلو

لكن التحميل بقى شبه معدوم والتصفح كذلك ..

المفروض سرعة 64 كيلو تديك تحميل بسرعه 8 كيلو

انا بحمل بالبايت .. يعني 60 بايت مثلا .. مش محصل نص كيلو ولا تمن كيلو حتى

والدون لود مش بيكمل كمان وبيقف .. والتصفح طبعا ميت ميت

لما بشغل برنامج openvpn بلاقي التحميل بقى 9 او 8 كيلو .. اللي هو الطبيعي بتاع سرعة 64 كيلو

سرعة التحميل البطيئه دي بتبقى على الكمبيوتر و التليفون .. والشبكه عندي فوق الممتازه على ال GSM و ال
3.5g

فعايز حد يقولي دة ايه دة بقى وحله ايه ؟

على ما ابقى اعرف اكلم خدمه العملاء

لأني مكلمهم تلات مرات النهاردة .. وكل مره كلمنا كمان ساعه بنعمل تحديث للسيستم

وطبعا تمن المكالمه ينخصم

**member** · 22-02-2012 10:21 PM

غالبا هتلاقي السرعة بتقل لأقل من 64Kbps

عندك البرنامج بتاع الإتصال بيكون فيه السرعة اللي انت شغال بيها على شكل chart، شوف السرعة واقفة عند كام في التحميل

**DreAmO** · 22-02-2012 10:32 PM

اخيرا خدمه العملاء ردوا عليه

الاستاذ اللي رد عليه في موبينيل .. واضح انه معندوش اي فكره عن اختراع النت

بقوله سرعة 64 كيلو بيت تديني ريت تحميل حوالي 8 كيلو .. ولو في مشاكل وضغط ممكن السرعة تقل ل 5 كيلو ريت

او 4 او حتى 2 .. ياعم خليها كيلو في الثانيه

ملحوظه : سرعة الديل اب 56 كيلو بيت ..

قالي لأ مش 8 كيلو .. ودخل معايا في جدال كبير عن الموضوع دة .. وهو مش عارف يعني ايه 64 كيلو بيت والريت بتاعها يتحسب ازاي

وفي النهايه قالي هي الباقه كدة .. بعد مال 55 كيلو ينتهوا .. السرعه تقل لدرجه ان النت يبقى شبه معدوم وصفحة جوجل تفتح في عشر دقايق

بقوله التحميل بالبايت .. ومش بيكمل .. والصفات شبه مش بتفتح واللي بتفتح مش بتكمل

يقولي ضغط شبكة وحسب المنطقه

جدال جدال جدال

وطبعا كل الكلام اللي بيقوله دة مش مظبوط ولا صح .. ومخالف لنظام الباقه اللي عارضينه

لذا بكره ان شاء الله اشتكيهم في تنظيم الاتصالات علشان دة نصب وربنا يستر وماقعش مع موظف بردو حافظ مش فاهم

وكدة كدة هلغيها الباقه .. لأن عالنظام دة ملهاش اي اربعين لازمه