أبشروا .. ايران ستعيد انتاج سمند ..

**amigooo** · 22-02-2012 10:18 PM

هل تذكرون السيارة " سمند " التى روج لها مجموعة وجية اباظة ( بيجو ) فى مصر ولم تلاقى اى نجاح ؟؟؟ سيحضر وفد من رجال الاعمال والمستثمرين الايرانيين لمقابلة رئيس الوزراء الاسبوع المقبل للاتفاق على اقامة مشروعات فى مصر (بحث عن الغاز والبترول فى الصحراء الغربية و وصنع لتعبئة البوتاجاز فى بنى سويف و وصنع لتجمد وحفظ اللحوم السودانية و تقديم 10 قطارات للسكة الحديد على ان تقوم الشركة بتصنيع وادارة وتشغيل القطارات ) والمفاجأة .... انة بالاتفاق مع شركة ايران خودرو .. سيعاد تجميع السيارة سمند فى مصر .... علما بان هذة السيارة فشلت فشلا ذريعا حين طرحتها مجموعة وجية اباظة من قبل .... فلماذا يعاد انتاج سيارة سبق وفشلت ولم تحقق مبيعات تذكر ؟؟؟ ولم يقتنع بها المصريين ؟؟؟؟؟؟؟؟؟؟؟؟؟؟؟؟؟؟؟؟؟؟

**Kareem Fawzy** · 22-02-2012 11:01 PM

اكيد متأكدين المرة دى انها هتنجح
شكراً على الخبر

**Al-Farooq** · 23-02-2012 09:03 AM

وليه مصر مبتعرفش تعمل بحث عن الغاز والبترول فى الصحراء الغربية و مبنعرفش نعمل مصنع لتعبئة البوتاجاز فى بنى سويف و مصنع لتجمد وحفظ اللحوم السودانية و القطارات للسكة الحديد على ان تقوم الشركة بتصنيع وادارة وتشغيل القطارات!!
عيب اوي فى حقنا اللى بيحصل دة!!

**Land_Cruiser** · 23-02-2012 09:20 AM

الناس دى جايه علشان يعطوا انطباع ان فى تعاون و اتفاقيات مع مصر و معروف طبعا موقف العالم من ايران و اكيد مش هناخد من وراها غير وجع الدماغ مع العالم بالاضافه الى اننا عندنا نسبه بطاله كبيره طيب ما نعمل احنا المشروعات و نشغل شباب بدل ما نبقى خسرانين من كل ناحيه و لا احنا لازم فى اى مشكله فى العالم اسم مصر يجى فيها و خلاص ؟

**amdd** · 23-02-2012 09:35 AM

الناس دى عايزه تشترينا وتتحكم فى مواردنا وتبقى زى السوس فى طاقاتنا علشان يجى يوم ومنعرفش نتكلم ولا ناخد حقنا بعد كده
الامريكان كانوا بيرمولنا شوية فلوس علشان البيه ميفتحش بقه ويفضل موطى راسه عن اى حاجه بتحصل بحجة حماية الامن القومى ونسى كرامة وعزة شعب بأكملة
ايران عايزه تستثمر فى بلادنا .....مش هما دول اللى مقويين منشارالاسد علشان يعدم شعبه
خلى ايران كده تحط صباع من رجليها فى مصر بغية الاستثمار وهتعرفوا وقتها ان شعب مصر وقتها عظيم وفيه رجاله قد ايه

**tiger76** · 23-02-2012 11:18 AM

المشاركة الأصلية كتبت بواسطة mount

وليه مصر مبتعرفش تعمل بحث عن الغاز والبترول فى الصحراء الغربية و مبنعرفش نعمل مصنع لتعبئة البوتاجاز فى بنى سويف و مصنع لتجمد وحفظ اللحوم السودانية و القطارات للسكة الحديد على ان تقوم الشركة بتصنيع وادارة وتشغيل القطارات!!
عيب اوي فى حقنا اللى بيحصل دة!!

+1 معاك حق فى كل كلمة

بس أعتقد انهم هيجوا بإستثمارات (يعنى بفلوسهم) و الحكومة تستفيد من
1-فلوس تدخل البلد
2-صناعات جديدة
3-فرص عمل جديدة

بس ياريت يكون الحكومة قصدها كدة فعلا