انا اول مره اسمع عن تصليح الكبالن والي قالي ميكانيكي عندنا هنا بيقولي بيفكهم ويصلحهم الواحد بـ 40 جنيه
طبعا انا اتنين يمين بيظين واحد بتاع الفليشيا والتاني بتااع السيفيك ايه رأيكم اروح اجرب
الراجل دا عندنا في الزقازيق عند طريق هريه ؟!؟!؟
عرض للطباعة
انا اول مره اسمع عن تصليح الكبالن والي قالي ميكانيكي عندنا هنا بيقولي بيفكهم ويصلحهم الواحد بـ 40 جنيه
طبعا انا اتنين يمين بيظين واحد بتاع الفليشيا والتاني بتااع السيفيك ايه رأيكم اروح اجرب
الراجل دا عندنا في الزقازيق عند طريق هريه ؟!؟!؟
كوبلن بيتصلح؟؟؟؟ ازاي بس اعرف الفكره ايه بس لاني مستغرب زي زيك
بص هقولك حاجه انت جرب على وحده و امشي بيه فتره لقته كويس يبقى اعمل التانيه
و برضو في الاول و في الاخر القرار قرارك
انا هجرب في السيفيك وربنا يسترها
برده كذلك لسا من 3 ايام بالضبط سمعت انها بتتصلح بس مش بتتصلح بالمعني الدقيق بمعني اخر بتخليها تتطول شويه
هجرب وانقل التجربه وربنا يقدم الي فيه الخير
ايوة الكبالن بتتصل عن طريق اللحام بيفك الكبلن و بيزود لحام في من جوة مكان رولمان البلي كدة و بعد كدة بيجلخو تاني علي الموتور و بيركب يعني عملية زي الحشو كدة بس برضو بيكون عمرو قصير
أنا سمعت فعلاً عن تصليح الكبالن و أنهم بيتملوا
بس برضه سمعت ان الحكاية دي مش بتعيش و الله أعلم !
بتمد عمرالكوبلن شويه ويتهيالى فاكس وهتروحله تانى بمصنعيه جديده فعلى ايه ده كله هات جديد ولا استيراد وركبهم مره واحده واشترى دماغك
فعلا بيتعمل ملو باللحام مكان النتؤات في مجاري رمان البلي بس نتيجه اختلاف المواد بين الجسم الاصلي للكوبلن و ماده اللحام النتؤات دي بترجع تاني بسرعه
فالافضل علشان المصنعيات و العطله انك تشتري جديد حتي لو فئه متوسطه يعني مش لازم الاصلي
ماده الملو(اللحام) اضعف كتير من الماده الاصليه ,البلي هياكلها بسرعه
احيانا بيحطوا مع الشحم ماده(القار) علشان تكتم الصوت بتاع الطقطقه
يعني الكوبلن يبقي بياكل بعضه وماتسمعش حاجه عنه وده خطر طبعا
هات راس كوبلن جديد ووفر حتي وقتك ومصنعيه الفك والتركيب
بلاش
انا جربتها كذا مره موضوع فكسان هو عباره بيفك الكوبلن ويزود شحم ويشوف البلى والحاجات الى جوه
بس طبعا اى كلام
انا فى سنه غيرت 3 كبالن
بس كانوا فى البيجو 504 كبالن خلفيه ومع اى امركه تلاقى الكوبلن سقط منك وشكلك وحششششششششششش
ههههه
انا زمان صلحت كوبلين لبيجو 305 و أستمر معايا 3 سنيين زى الفل
بس الرك على الصنايعى إلى بيصلحهم دول ليهم ناس متخصصين
اذن وبناء عليه
هنجيب كبالن جديده وبلاش الاستيراد مش بضمنه
بالظبط الاستيراد ما ينفعش في نواقل الحركة ابدا
عن تجربة
اياك وتصليح الكوبلن هيكلفك في حدود 100ج
صلحتهم قبل كده بعد التركيب فك واحد وانا ماشي على الصحرواي - غلطة صنايعي وقت التركيب
مقعدوش معايا اكتر من شهر ونص وتسمع احلى طرقعة
في الاخر رحت جيبت الصيني قعدوا معايا سنة وغيرتهم بصيني برضه
سعر الصيني 150 ج (كده غالي على فكرة بسبب ان عربيتي ريو) لكن مثلا بالنسبة لفرنا كانت ب 80 ج جديد صيني وده احسن الف مرة من تصليح وعك
بلاش تلصم او تسترخص في حاجة ممكن تلبسك في الحيط
الكوبلن لو فك منك و انت ماشي في حتة مقطوعة او على طريق سفر هتلعن الفكرة السودة اللي فكرتها و هتصرف على قطر العربية او الونش + اعادة التصليح مبلغ و قدره غير القلق ان لو معاك اهلك في مكان مقطوع
انا ممكن استرخص في فانوس ...... رفرف ...... الخ ...... بس الات جر و موتور و فتيس لالالالا
الموضوع مش موضوع استرخاص بس كال الي حصل ان كنت عند ميكانيكي بالفليشيا بحب كل فتره اربط علي العفشه واظبط الهوي ولو كان فيها حاجه اعملها
لان العربيه طول اليوم مركونه في البيت ومحدش بيركبها وبخاف يحصل حاجه واكون مضطر اركبها وتعملها معايا
فبقوله الكوبلن بيطقطق قالي بسيطه روح صلحه قولتله ازاي قالي روح وهيعمله ليك بـ 40 جنيه فك وتركيب وتصليح
انا مش اقتنعت بس لما قولت الكلام دا في البيت قالو روح اعمل العربيتين
وانا عمال اطول في الموضوع لحد عشان اشتري كبالن واريح دماغي
عن تجربة في هيونداي إكسيل (بلااااااااااااااااااااش)
اذن و بناء عليه انا كمان هشتري كبالن جديده و اريح نفسي
التصليح دة حاجة تمشى بيها حالك شغل تاكسيات
الصح تغير الجنبين مع بعض حتى لو التانى لسة سليم شهر والتانى وهيحصل اخوه
الكوبلن بيكون خارجى وداخلى الافضل الاصلى تغيرة كامل او تغيره بواحد استيراد كامل وبلاش التايوانى 100 الى 150 الراس الخارجى بس ومن غير ضمان ولخرة سنة وبيطقطق لاكن الاستعمال بتاخدة على تجربة انا لسة مغيرهم الجانبين كاملين بحالة زيرو وعلى التجربة لمدة شهر ب450 الاتنين و40 جنية مصنعية وكيلو زيت باور ب10 جنية وانسى الكلام
الكبالن الصيني بعيش