الشرطة المصرية الجديدة و دورها الايجابي

الاخوة الكرام أعضاء نايل موترز المحترمين ....

أسعد الله أيامكم بكل الخير ...

كنت قد كتبت عن موقف حدث معي شخصيا منذ يومين علي طريق القاهرة / الأسماعيلية من رجال الشرطة و قمت بتوجيه الشكر لهم

و اليوم شاهدت موقف اخر و لكنه مختلف لرجال المرور علي طريق السويس

لذا فكرت ....
لماذا لانخصص موضوع عن ذكر أيجابيات الشرطة المصرية و تحديدا المرور و تأمين الطرق بما انهما أكثر جهتين نتعامل معهما بصفتنا ملاك و قائدي سيارات علي أن نوجه لهم التحية و التقدير اللذان يستحقانهما

كما اقترح علي ادارة المنتدي أن تصدر خطاب شكر الي أدارات المرور المختلفة وفق مايأتي في تقريرنا هذا كي يعلم رجال الشرطة أننا معهم و ندعمهم طالما يؤدون واجبهم دون أخلال بالقانون أو أخلال بمبدا أحترام و ادمية الانسان المصري

فنحن نريد شرطة مصرية جديدة و عصرية تحترم القانون و تحترم حق المواطن و أدميته

الله يفتح عليك
موضوع فى الجون
على الاقل عشان الثقة ترجع ليهم تانى

يا باشا الاسماعليه والسويس وخط القناه كله هتشوف فيه دا لان الدنيا مقلوبه هناك من ساعة الماتش
وبانتظار باقي الاخوه الاعضاء نشوف رأيهم ايه في الكلام دا بس يا ريت الي يدخل يشكر يذكر المكان

فكره حلوه تستحق التحيه

فكرة حلوة ولو انى مش شايف اى تغيير بس كلام حضرتك ثقة
واكيد يستحقوا التقدير بس ياريت يبقى سلوك عام لجميع ظباط الشرطة

فكرة ممتازة ومحتاجينها بشدة

الفكرة فى حد ذاتها ممتازة
ولكنى لم اقيم تعامل الشرطة بعد الثورة بنفسى
واراهم يحرصون على عدم الاحتكاك بالشعب
أنا اؤيد فكرة التغيير من انفسهم وبأنفسهم
وعندما نشعر بأن الرشوة لم تعد موجودة
وان ادمية الانسان المصرى لاتنتهك باقسام الشرطة او خارجها
ساعتها فقط ..... ارفع لهم القبعة
واحيى كل شرطى شريف يحمى المواطن الشريف
شكرا لكم

رجال الشرطة هم مواطنون شرفاء يتم قيادتهم من قبل قيادات داخلية فاسدة

شباب رجال الشرطة و حتى نقيب هم انزه و اشرف من سابقيهم

شكرا لكل مصري شريف يريد الأرتقاء ببلده ويعمل جاهدا علي خدمة وطنه وابناء هذا الوطن

كلنا نكمل بعض
اتمني الموضوع دة يكون دعوة لنا جميعا الأخلاص في العمل
فما الفائدة من ضابط مجتهد وهناك عناصر خارجة عن القانون تعرقل عجلة تقدم المجتمع

شكرا لصاحب الموضوع

والله المستعان
،
،

اقتباس:

---

المشاركة الأصلية كتبت بواسطة el_nahal2004

الله يفتح عليك
موضوع فى الجون
على الاقل عشان الثقة ترجع ليهم تانى

---

+11111111111111

موافق طبعاً ، زي ما السلبيات تتقال وبيتهاجموا عليها
الإيجابيات تتقال ويتشكروا عليها
هو لو كان بيبذل 1% مجهود علشان يأمن مكان معين قبل الثورة دلوقتي هيحتاج 100% مجهود علشان الدنيا تتظبط تاني ،
والدعم المعنوي مطلوب ونظرة الإحترام ترجع لهم "مش نظرة خوف منهم ولا نظرة استهانه بهم".

و الله لو أحسنوا فدى وضيفتهم مش بيمنوا علينا دا شغلهم |
و موضوع رفع الروح المعنوية دا انا شايفة موضوع مفرغ من موضوعيتة يعنى إية ,,,,, |
هوا لو بتاع الزبالة ماأشتغلش كمان حنرفع من معنويتة ... و طبعا هما الاتنين موظفين و مايصحش اننا نحقر من وظيفة حد او نرفع من شأن وظيفة آخر فكلنا موظفين لدى الدولة ( او من دخل إلى الوظيفة العامة )|
و كمان مش ناقص إلا اننا نرفع برقية تهنئة للسيد وزير الداخلية لأننى وجدت ظابط مرور بينظم المرور فى الشارع
إلا إذا الموضوع دا بقا ذو توجهات أمنية

أكيد مش كل الشرطة وحشين بس أغلبهم سئ
وأذكر أحد المواقف السلبية ليهم
وهوا إنهم بيعملوا لجان سرعة على بعض الطرق السريعة المعروف تجاوز العديد من السائقين للسرعة عليها في أيام ومواعيد بيكون فيها الطريق تقريباً فاضي وفي أيام في وسط الأسبوع عشان يكون ضامن إن أي حد هيمشي على الطريق هيكون متجاوز .. ويوقف الجميع ويحصل منهم مخالفات على أساس تجاوزهم للسرعة .. ومفيش رادار أصلاً .. وده حصل معاياً على طريق القطامية العين السخنة .. وطريق الغردقة .. فنصيحة مش أي حد يوقفك في لجنة سرعة يقولك إنك متجاوز تصدقه .. عشان بيسرقونا رسمي .. مش عايزين يتغيروا

اقتباس:

---

المشاركة الأصلية كتبت بواسطة hosar

و الله لو أحسنوا فدى وضيفتهم مش بيمنوا علينا دا شغلهم |
و موضوع رفع الروح المعنوية دا انا شايفة موضوع مفرغ من موضوعيتة يعنى إية ,,,,, |
هوا لو بتاع الزبالة ماأشتغلش كمان حنرفع من معنويتة ... و طبعا هما الاتنين موظفين و مايصحش اننا نحقر من وظيفة حد او نرفع من شأن وظيفة آخر فكلنا موظفين لدى الدولة ( او من دخل إلى الوظيفة العامة )|
و كمان مش ناقص إلا اننا نرفع برقية تهنئة للسيد وزير الداخلية لأننى وجدت ظابط مرور بينظم المرور فى الشارع
إلا إذا الموضوع دا بقا ذو توجهات أمنية

---

أتفق مع حضرتك في أن تلك هي وظيفة رجال الشرطة و لكن ....
- ياسيدي لماذا نستكثر علي بعضنا البعض ان نقول كلمة شكر حتي و ان كانت علي واجب عليهم أدائه
- لماذا لاتكون كلمات الشكر هي وسيلة للتصالح بيننا جميعا فقد أفتقدنا كلنا لمشاعر الود و الألفة و اصبحت لغة العنف و النقد هي السائدة الان في مجتمعنا

و اود أن أسالك و أسال الجميع : منذ متي شاهدنا دوريات متحركة لتأمين الطرق في مصر ؟
و هل سبق أن تعرض أحد منا لعطل في الطريق و جاءته سيارة دورية لتساله عما اذا كان يحتاج الي المساعدة ام لا ؟

علي ما أذكر طوال سنين عمري التي تعدت ال 40 بقليل أني لم أشاهد مثل ذلك في مصر سواء قبل الثورة أو بعدها ألا في بعض افلامنا المصرية القديمة بالابيض و الاسود

أذا ماحدث و يحدث تلك الايام يعد طفرة و نقلة نوعية بحق من قبل وزارة الداخلية يجب أن نقابلها نحن بالترحاب و التشجيع
صحيح نحن نختلف مع وزارة الداخلية في كثير من الامور و لكن الا يوجد الأن نقاط نتفق عليها ؟
اليس هذا ماكنا نرجوه منهم و نعتبره حلما بعيد المنال ؟

موضوع رائع وجميل ، والشرطة المصرية دول مش جايين من المريخ ، دول عيالنا وقرايبنا وأخوتنا وولاد عمنا وولاد خلنا .

دمهم من دمنا ... ولا يكاد في اسرة مصرية الا وفيهم ضباط شرطة ... او تلاقي جارك في السكن في الشرطة ... بشكرك جداً على الموضوع ... وياريت فعلا نديهم الدعم لأن احنا المواطنين في أمس الحاجة ليهم ... ولا نستطيع العيش بدون رجل الشرطة شئنا ام أبينا ... وعفا الله عما سلف لأن العفو من شيم الكرام ، وأن كانو غلطوو ، فلنسئل أنفسنا سؤال ... هل هم أنبياء ؟؟؟ كل أبن أدم خطاء وخير الخطائيين التوابيين ... ولنسئل ايضاً أنفسنا سؤال ثاني هل نحن شعب عدل قووووي وماشيين على السراط المستقيم .

رجل الشرطة مهم جداً في حياتنا ومفيش مواطن مصري شريف ، الا وبيدعمووو ، ومحدش يريد كسر عين الشرطة غير المجرمين والمخالفيين مش عاوزين يكون في البلد رجل شرطة او قانون علشان يعيشو في البلد براحتهم ويعثوو فيها فسادا تحية لكل أعضاء المنتدى الشرفاء وتحية لصاحب الموضوع وتحية لكل رجل شرطة شريف .

اقتباس:

---

المشاركة الأصلية كتبت بواسطة se_coralsea

أتفق مع حضرتك في أن تلك هي وظيفة رجال الشرطة و لكن ....
- ياسيدي لماذا نستكثر علي بعضنا البعض ان نقول كلمة شكر حتي و ان كانت علي واجب عليهم أدائه
- لماذا لاتكون كلمات الشكر هي وسيلة للتصالح بيننا جميعا فقد أفتقدنا كلنا لمشاعر الود و الألفة و اصبحت لغة العنف و النقد هي السائدة الان في مجتمعنا

و اود أن أسالك و أسال الجميع : منذ متي شاهدنا دوريات متحركة لتأمين الطرق في مصر ؟
و هل سبق أن تعرض أحد منا لعطل في الطريق و جاءته سيارة دورية لتساله عما اذا كان يحتاج الي المساعدة ام لا ؟

علي ما أذكر طوال سنين عمري التي تعدت ال 40 بقليل أني لم أشاهد مثل ذلك في مصر سواء قبل الثورة أو بعدها ألا في بعض افلامنا المصرية القديمة بالابيض و الاسود

أذا ماحدث و يحدث تلك الايام يعد طفرة و نقلة نوعية بحق من قبل وزارة الداخلية يجب أن نقابلها نحن بالترحاب و التشجيع
صحيح نحن نختلف مع وزارة الداخلية في كثير من الامور و لكن الا يوجد الأن نقاط نتفق عليها ؟
اليس هذا ماكنا نرجوه منهم و نعتبره حلما بعيد المنال ؟

---

قد لا أختلف مع فكرتك كثيرا فمن لا يشكر الناس لا يشكر الله .....،،
بس احنا عايزيين أكتر و أكتر لنشكرهم

فكرة رائعة

انا عمال ادخل الموضوع علشان اشوف موقف واحد حد من الزملاء كتبه حصل له و يظهر الصورة الجميلة للشرطة مفيش!!!!



يا شباب شيروا اي موقف الشرطة عملت معاك فيه واجب او شافت شغلها صح

اقتباس:

---

المشاركة الأصلية كتبت بواسطة mmffor

انا عمال ادخل الموضوع علشان اشوف موقف واحد حد من الزملاء كتبه حصل له و يظهر الصورة الجميلة للشرطة مفيش!!!!



يا شباب شيروا اي موقف الشرطة عملت معاك فيه واجب او شافت شغلها صح

---

معاك حق

تحيه شكر واجلال لكل رجل شرطه شريف يقدر البدله الي لابسها


وانا مع صاحب الموضوع ياريت يتعمل جوابات شكر لادارات الشرطه في مختلف المحافظات وياريت لو باسماء الضباط او الافراد كمان الي عملوا الموقف الايجابي

اقتباس:

---

المشاركة الأصلية كتبت بواسطة hosar

و الله لو أحسنوا فدى وضيفتهم مش بيمنوا علينا دا شغلهم |
و موضوع رفع الروح المعنوية دا انا شايفة موضوع مفرغ من موضوعيتة يعنى إية ,,,,, |
هوا لو بتاع الزبالة ماأشتغلش كمان حنرفع من معنويتة ... و طبعا هما الاتنين موظفين و مايصحش اننا نحقر من وظيفة حد او نرفع من شأن وظيفة آخر فكلنا موظفين لدى الدولة ( او من دخل إلى الوظيفة العامة )|
و كمان مش ناقص إلا اننا نرفع برقية تهنئة للسيد وزير الداخلية لأننى وجدت ظابط مرور بينظم المرور فى الشارع
إلا إذا الموضوع دا بقا ذو توجهات أمنية

---

والله انت برنس.

انا مش فاهم هو احا اللى لازم نبدا ونتحايل عليهم علشان يشتغلوا ؟!!!!
يا ريت صاحب الموضوع يجرب ينزل اى منطقة عشوائية فى الجيزة ولتكن فيصل علشان يشوف هما يستحقوا الشكر ولا لا؟ مصر مش الطريق الصخراوى وبعدين هما اللى اخترعوا السيئة تعم والحسنة تخص!

انا بستغرب جدا من المواضيع اللى بالشكل دة.