قولولى اية رايكو فى الى حصل

انا كنت حاجز جين 2 2012 من المصرية وكنت حستلم النهاردة وكان الميعاد الساعة 7 وكنت حاخودها ب 91.5 بعد خصم 1.5 المهم كلمونى الساعة 4 قالولى معلش العربية غاليت بقت ب 92 قولت مش مشكلة قولتلة الوراق كلة موجود قالى اة روحت الساعة 7 استلم بصيت على العربية وكلة كان تمام جيت ادفع قالى العربية غاليت تانى وبقيت ب 93 قولتلة خلاص مش حاخدها قاعد يقنع فيا مفيش قولتلة عايز العربون المهم قالى خلاص 92 قولتلة و الورق قالى كمان اسبوع قولتلة لا مش عايزها قالى خلاص كمان يومين بس برضوا انا مردتيش اخدها اية رايكو فى الى حصل دة وياريت ياجماعة حد يقولى انزل اجبها منين كاش واستلم عالطول عشان انا مستعجل ارجو الافادة

اية الاستهبال دا
الناس دى بتهرج ولا اية
وبعدين انت اتفقت ودفعت عربون على سعر معين هو اللى يمشى انت مالك العربية غليت ولا لا

مانا مش عارف غير كدة كل شوية بكلمة وبعد كدة رجع على السعر القديم بس انا موافقتش قلقت الصراحة بس ودلوقتى مش عارف اجبها منين عشان عايز استلم عالطول

ده ايه الاستهبال ده هوا هيمشي السعر ب مزاجه ولا ايه
لكن المكان البديل مش عارف بصراحه بس انت كان المفروض تتمسك ب حقك للاخر و لو مرضيش قوله انسى مش عايز

خليك مع التوكيل اضمن, حتى لو هتستنى.

انا الناس مخوفانى من التوكيل فى ناس تقولى شهر وبتاع وانا مش حقدر استنى الفترة دى كلها

اقتباس:

---

المشاركة الأصلية كتبت بواسطة amr_raid

انا الناس مخوفانى من التوكيل فى ناس تقولى شهر وبتاع وانا مش حقدر استنى الفترة دى كلها

---

لأ هم أسبوعين بس إن شاء الله, كلم بس أستاذ محسن صالح مدير المبيعات بتاع فرع الصحراوي وهو يقولك بالضبط.

01005119209

واضح انها ناس مش محترمة ، لازم تعلمهم الادب و احترام كلمتهم و تصمم انك تاخد فلوسك و تسيبك منهم

اشترى اضمن من التوكيل ان اخر كلام سمعته ان فيه عندهم عربيات حاضرة و هيعملو لك نفس الخصم ( بس حسس مدير المبيعات انك متردد و لسا بتفكر علشان يحاول يغريك بالخصم )

انا خت فلوسى فعلا بس عايز اعرف فى فعلا فى التوكيل عربيات موجودة ولا لسة حستنى ؟

العربية موجودة فى التوكيل أتصل وأتاكد

انا اتصلت قالولى تعالى ونتكلم ونشوف وكدة

كويس خليك معاهم أ/محسن صالح مدير مبيعات الصحراوى او أ/أحمد مجدى فرع العجوزة محترم جدااا

الحمد للة حجزت النهاردة فى عز العرب وحستلم يوم السبت انشاء اللة باركولى

اقتباس:

---

المشاركة الأصلية كتبت بواسطة amr_raid

الحمد لله حجزت النهاردة فى عز العرب وحستلم يوم السبت إن شاء الله باركولى

---

مش قلتلك؟ ألف مبروك, وتستلم على خير إن شاء الله.:camera2:

اللة يبارك فيك

الف مبروك مقدما وربنا يباركلك فيها ويكفيك شرها
http://img707.imageshack.us/img707/2106/myaccent10.jpg

انا برضه كنت حاجز البيرسونا من المصرية و كان قايلي على خصم 1500 و الاستلام بعد 3 ايام
اتصلت بيه بعد ال 3 ايام قالي السواقين راحو يجيبوا العربيات من المخزن
كلمته تاني بالليل قالي ده العربيات لسه بيتعملها pdi و معلش الاستلام بعد اسبوع
قفلت معاه و اتصلت بالخط الساخن بتاعهم سألتهم على العربية ممكن استلم امتى قالولي بعد 24 ساعة من الحجز
انا طبعا اتغظت جدا وكلمت الراجل اللي بتابع معاه سمعته كلام زي الزفت
و بعد اسبوع اتصلت قالي كمان اسبوع
قولته انا سألت في التوكيل قالولي موجوده
قاللي يا باشا اتحداك لو عز العرب عنده عربية واحده
قولتله انا هاستنى لغاية بكرة لو مستلمتش هاسحب العربون
قاللي و الله العربيات مش هاتبقى جاهزة قبل اسبوع
قولتله انا جاي اسحب العربون
قاللي براحتك
كلمت التوكيل قالولي العربية موجوده ممكن تستلم النهارده
روحت دفعت و استلمت فنفس اليوم و انا مروح عديت عليه ووريته العربية و خدت من العربون و مسحت بيه بلاط المعرض و مشيت
فكويس ان انت خليتك مع التوكيل عشان الجماعة بتوع المصرية دول ناس مش محترمة
ربنا يديك خيرها و يكفيك شرها و الف مليون مبروك مقدما

المصريه
زباله زباله اسؤا مكان ممكن حد يشتري منه عربيه

فعلا اسوء مكان حد يجيب منو او يفكر يشترى منة واللة يبارك فيكوا :)

مبرووووك

الحمد للة استلمت العربية النهاردة :)

الف مبروك ياعمرو ربنا يباركلك فيها ويكفيك شرها متنساش ترفعلنا صور الجميله بقى ولونها ايه؟!

الف مبروك مقدما وربنا يباركلك فيها ويكفيك شرها

لونها اسود وحاضر حرفع الصور

السلام عليكم و رحمة الله و بركاته

هو ال91.5 و ال92 و ال93, ده السعر يا باشا, صح سيادتك يا فندم و لا أنا غلطان ؟؟؟؟

ممكن لو سيادتك فاضى خمسة كده, تحط صور للعربية ؟؟؟

شكرا و جزاك الله كل خير .

مبروووووووووووووووووووووو ووك