-
تكييف الاوبترا - استفسار
احلى مسى على احلى شباب
عربيتى اوبترا اوتوماتيك 2008 عاملة 50000 كم والدى لسه مديهالى وكان التكيف ضعيف روحت قست الفريون لقيت فيها فريون بس الكهربائى قالى الفريون لازم يتغير كل سنتين او تلات سنين و غيرتة عتد طارق صلاح كهربائى فى طنطا بجهاز غريب كده المهم و انا بتفرج علية و هو شغال لقيته بيظبط الجهاز تقريبا على شيفروليه سبارك علشان مفيش اوبترا على الجهاز و كله تمام و غيرت الفلتر كمات و مشيت و كله كان تمام شهرين كده و لقيت التكيف باظ روحتلو لقى خرطوم تحت المروحة مسرب زيت و قالى انو بيضرب على طول و غيرهولى بواحد بتاع عربية تانية و ورالى الاتنين فبصراحة شكلة لقوى بس اكبر سنة صغيرة اوى اوى نكاد لا تبان و كله تمام و مشيت و شهرين لقيت التكييف باظ روحتلو ملقاش فريون و عملى حا جة اسمها طقم اصلاح للكمبروسو و مشحنتش فريون قولت ابقى اشحنو لما الصيف يجى و انا ناوى اعملة ايه رايكم و اعمل ايهاشحنو احسن فى التوكيل ولا برا و هل فريون التوكيل بيفرق و لو حد عارف بكام .. هو بيشحن ب 200 جنيه(الكهربائى) و هل لو طول الخرطوم الجديد ده اطول بسنة من القديم هياثر على التكييف او كدههو الكهربائى قالى انو احسن من بتاعها علشان ميبوظش منك تانى و اجمد و تقريبا بتاع ليجانزا اسف للاطالة بس ارجو المساعدة ضروووورى
-
ياريت حضرتك منعممش
اسمحلي اذا كان عند حضرت مشكله خاصه بعربيتك فاحنا هنا حنساعدك علي قد ما نقدر
لاكن اسمحلي بلاش استخدم صفات سيئه
لانه بلذات تكييف الاوبترا الكل شهد له
عشان احنا هنا بنحب عربياتنا
وشكرا
-
انصحك بالتوكيل وهو هيظبطلك الدنيا
وبالتوفيق
-
انا اسف جدا و بعدين برضو انا بحب عربيتى جدا جدا انا كمان و تقبلو اسفى كمان مرة بس ياريت لو حد عنده اى مساعدة ليا علشان حاسس انى بيتنصب عليا
-
اولاً الكهربائي ده متروحش ليه تاني خالص
الفريون لا يتم تغييره ابدا لان اسمها (( دورة مغلقة ))
هوا فتح شغل في عربيتك بتغيير الفريون
المهم الفريون في منه انجليزي وامريكاني وصيني
مش هقولك تستعمل ايه
و 200 جم كتير اوي علي الشحن الشحن من 120 الي 170 جم بالكتير اوي
-
أنصحك تروح لواحد متخصص فى التكيف و هات الخرطوم الاصلى بتعها و الفريون مش بيتغير دى أشتغاله و على فكرة تكيف الاوبترا قوى جدا ومفيش فيه اى عيب شائع وفى معلومة انا استفتها من اعضاء المنتدى المحترمين ممكن ترش برفان او زيت معطر على فلتر التكيف ممتاز لما تشغل المروحة و اتمنالك التوفيق
Content Relevant URLs by
vBSEO 3.6.0 PL2