الموضوع: ميكانيكي مصري يبتكر جرار زراعي يعمل بضغط الهوا بدل الوقود

المشاركة الأصلية كتبت بواسطة m_elkhishin

أنا كان في فكرة مسيطرة على دماغي من أكتر من 22 سنة وانا في الصف الاول الاعدادي
وهي ازاي نعمل سيارة تمشي بالكهرباء بدون شحن

وكانت الفكرة ببساطة اننا نوصل محرك كهربي مع دينامو(مولد كهربي) عن طريق سير أو ترس، وتوصيل الكهرباء المولدة من الدينامو مرة اخرى بالمحرك. وبكدة يبقى المحرك حيشتغل بالكهرباء الناتجة من الدينامو

بحيث بداية التشغيل تبقى عن طريق بطارية أو مصدر كهرباء خارجي لغاية لما الموتور ياخد سرعته، المولد حيبدأ يولد طاقة تغذي الموتور وساعتها نفصل المصدر الخارجي ويستمر الموتور في العمل بالكهرباء الذاتية. وكنت حاسس اني بالاختراع ده ممكن أغير وجه العالم( شغل عيال بقى)

لما كبرت شوية عرفت عدة أشياء:
1- الطاقة لا تفنى ولا تستحدث من عدم
2- مفيش حاجة اسمها كفاءة 100%، وبالتالي تحويل الطاقة من صورة الى أخرى يصحبه فقد في الطاقة وبالتالي كلما قلت مراحل التحويل قل الفقد وزادت الكفاءة.

النظريتين دول نسفولي حلم حياتي لأن معناهم كان ان الموتور نتيجة الفقد في الطاقة أثناء التحويل من الطاقة الحركية الى كهربية والعكس حتبدأ سرعته تنخفض تدريجيا لغاية لما يقف.

على فكرة نفس الفكرة دي تم استخدامها في السيارات الكهربائية عشان تحسن من كفاءتها عن طريق تحويل بعض الطاقة المفقودة في الحركة الى كهرباء مرة اخرى لشحن البطارية

وأيضا استخدمت في السيارات الهايبرد.

لا ياباشا
حلمك ممكن تحققه
اتفضل الدليل اهوه
[mshosh1]http://img845.imageshack.us/img845/2879/small1m.jpg[/mshosh1]