التوفيقيه فيها كل حاجه هتحتاجيها
طالما انت تحت شريحه ال 500 جنيه
لكن لو فوق ال 500 فى حاجات كتير اوى كويسه
بلضمان بتاعها
عرض للطباعة
يبدو من اراء لاعضاء ان ميتسوبيشى mc 81 الى رشحة الاستاذ مودى ، انه مناسب وبدون مشاكل
قبل ما اشترى اتمنى لو فى اى ملاحظات ما تبخلوش عليا
يعنى ايه RCA ؟
وايه فايدة AUX ؟
بيستخدموا فى ايه ؟
ال aux دا مدخل للأى بود او لو معاك mp4 او موبايل كدة يعنى و دا طبعا مش هتحتاجية لأنك عندك مدخل usb &mmc
و بالنسبة لل rca و دا مخرج علشان لو حبيتى توصلى جى ام على السماعات
و بجد الكاسيت دا تحفة و لذيذ جدا و كمان عندك فية مخرج لشاشة عرض لو حبيتى توصلى علية شاشة عرض
و بيدعم mp3& mp4 & wma ودى الامتدادات اللى بيقراها
و لو فى اى سؤال تحت امرك ممكن لو الأزهر قريب منك ممكن تجيبة من هناك بردو
نزلت اشترى الكاسيت
اول محل صدفنى قالى مش موجود وهيوصل بكره
ورشحى لى نوع اسمة CitiSound
ايه رائيكم ؟ المتسوبيشى ولا سيتى ساوند
لو اخدتى بالك انا رشحتلك بردو السيتى ساوند بس هو اغلى من 200 جنية
أفهم من كلام حضرتك أن سيتى ساوند أفضل من متسوبيشى
الى عرفته من المحل ان السيتى ساوند اسعاره متفاوته من 250 الى 450 (عادى ممكن ارفع الميزانية شويا)
وفى موديلات منه بشاشة tft تلاته بوصه بس اغلى
ممكن حضرتك ترشح موديل معين فى سيتى ساوند ؟ وتكون امكانياته مقاربة لمتسوبيشى 81
عشان انا معنديش اى خبره خااااالص
بصراحة انا مش اعرف موديلات السيتى ساوند بس على العموم هو كاسيت محترم بردو
الاسعار الى لقيتها النهاردة
متسوبيشى MC81 السعر 250 جنية (180 وات + فلاش + كارت ميمورى + FM + AUX + RCA + مخرج لشاشة عرض)
سيتى ساوند 555 السعر 290 جنية (280 وات + فلاش + كارت ميمورى + FM + AUX + RCA + اكوليزر + مخرج لشاشة عرض)
سيتى ساوند 222 السعر 300 جنية (280 وات + فلاش + كارت ميمورى + FM + AUX + RCA + اكوليزر + مخرج لشاشة عرض)
سيتى ساوند 8100 السعر 475 جنية (300 وات + فلاش + كارت ميمورى + FM + AUX + RCA + اكوليزر + مخرج لشاشة عرض + بلوتوث)
سيتى ساوند 9100 السعر 590 جنية (320 وات + فلاش + كارت ميمورى + FM + AUX + RCA + اكوليزر + مخرج لشاشة عرض + شاشة عرض 3 بوصة)
الاسعار متقاربة بين ستى ساوند ومتسوبيشى الى بنفس الامكانيات ، وبقيت فى حيره مش عارفة اختار ايه؟
والراجل بيأكد لى ان سيتى ساوند بيطلع الى مكتوب
بوجة عام ايهم افضل سيتى ساوند ولا متسوبيشى ؟
بصراحه انا شايف ان لو كاسيت سونى gt500 (بسعر 550جنيه )فى التوفقية يبقى هو ده اللى يستاهل ويستحق عن جدارة ودون تردد اما الصينى فاعتقد انه لا يستحق السؤال عليه اصلا لان بصراحه الصينى انت وبختك
والله انا شايف انهم زى بعض و بالنسبة لو الميزانية ممكن تعلى ل 500 او 600 يبقى تخليكى فى البايونيير او السونى او الكينوود