ارجو المساعده بخصوص شركه برمجيات

سلام عليكم اولا
حاليا في شغلي بنزل شغل عالكمبيوتر فواتير وبيانات عملاء وكده والمفروض ان البرنامج متكامل من حيث طبع الفواتير وعمل جرد للمخزن والكلام ده كله

مشكلتي حاليا ان البرنامج بيحصل فيه ايرورز كتير اوي
ومبيطبعش فواتير
والشخص اللي عمل البرنامج وده مشكلتي الرئيسيه عامل البرنامج من الباطن
بمعني انه واخد الشغل لحسابه
ومنعرفش مقر شركته ايه عشان اشتكيه
وطبعا اطلبه ييجي ميجيش
ويديني مواعيد ويخلفها
وتعامله بصراحه اخر قرف

المهم
السؤال حاليا

1- حد يعرف شركه محترمه نستعين بيها في عمل برنامج جديد يسهل علينا الشغل شويه ويكون محترم
ولو حصل عندي مشكله الاقي شركه اتكلم معاها مش واحد شغال بالحته يتنطط عليا

2- هل كده الداتا اللي دخلت كلها حتدخل تاني عالبرنامج الجديد ولا ممكن ياخدوها ويحطوها عالبرنامج الجديد

3- البرنامج شغال علي sql dev 2005
معرفش ده ايه
بس هوا حطهولي علي الكمبيوتر عشان ينزلي البرنامج عندي

ارجو الافاده عشان خلاص جالي تخلف :)

اه طبعا ان اعرف شركه محترمه جدا وجايب منها سيستم لشركتى راااااائع

لدرجه انه بيطلع الاقرار الضريبى جاهز بدون تدخل منك عايز اكتر من كده !

واستابل وسهل جدا

بالنسبه للمريجريشن او عمليه النقل فديه سهله بدل الداتا بيز واحده مفيهاش مشكله وشركه محترمه وهتابع معاك كل شيىء

أما كمان أعرف ناس كويسة جدا وعملين برنامج شغال في قطر من سنة 1998 (طبعا بيطوروه كل فتره:)) وممكن أعملك معاهم اتفاق حلو انك متدفعش ولا مليم لال لما تجرب شهر وتتأكد منه تماما:)

الف شكر يارجاله
طب يارجاله ابعتولي اسامي الشركات دي
ولو فيه موقع ليهم

اعتقد يا استاذ صبحى من تخمينى
ان ما تحتاجه مجرد قاعده بيانات لمنتجاتك و يتم فيها عمليه الصرف و الجرد و البيع
مع عمل و طباعة التقارير اللزمة لذلك
و على ما اتذكر انك بتعمل من البيت او بمعنى ادق ليس لك شركة منشأة

لذا فمع برامج الشركات اظن انك ستدفع كثير فى موضوع شبه عام
اى انك لا تحتاج مواصفات خاصه دقيقه

ممكن حضرتك تدور شويه ببرامج التورنت او مواقع التحميل على برامج جاهزة لمثل تلك الاغراض

و لو عندك معرفه بسيطه بالاكسس مثلا ممكن تدور فى المنتديات هتلاقى نماذج كتير

انا ليس لى فى السوفت وير اوى بس عن تجربه

استعمل ابسط ما يمكن ان تستعمله طالما يؤدى غرضك

يعنى مثلا لا استعمل sql server , و ابنى واجهات ببراج تانيه و انا كل الداتا بيز عندى ماجبتش الف ريكورد
او لا يوجد الا فرد على جهاز واحد يستعملها

مثل ما تكون ساكن فى وسط البلد و بيتك فى عابدين و تشترى عربيه فيرارى علشان تروح الشغل

----
دى امثله جبتها على السريع ارجو انها تنفعك
Asset Tracking Software. Asset Tracking & Inventory Software with Barcodes & Depreciation

Invoice Manager. Invoicing Software, Billing and Accounting Software for small business

inFlow Inventory Software | Inventory System - Features Overview

لو عايز اوراكل قولي وانا هضبطلك اسعااااااااااااار معقوله جداااااااااااااااااا

اقتباس:

---

المشاركة الأصلية كتبت بواسطة mtak

اعتقد يا استاذ صبحى من تخمينى
ان ما تحتاجه مجرد قاعده بيانات لمنتجاتك و يتم فيها عمليه الصرف و الجرد و البيع
مع عمل و طباعة التقارير اللزمة لذلك
و على ما اتذكر انك بتعمل من البيت او بمعنى ادق ليس لك شركة منشأة

لذا فمع برامج الشركات اظن انك ستدفع كثير فى موضوع شبه عام
اى انك لا تحتاج مواصفات خاصه دقيقه

ممكن حضرتك تدور شويه ببرامج التورنت او مواقع التحميل على برامج جاهزة لمثل تلك الاغراض

و لو عندك معرفه بسيطه بالاكسس مثلا ممكن تدور فى المنتديات هتلاقى نماذج كتير

انا ليس لى فى السوفت وير اوى بس عن تجربه

استعمل ابسط ما يمكن ان تستعمله طالما يؤدى غرضك

يعنى مثلا لا استعمل sql server , و ابنى واجهات ببراج تانيه و انا كل الداتا بيز عندى ماجبتش الف ريكورد
او لا يوجد الا فرد على جهاز واحد يستعملها

مثل ما تكون ساكن فى وسط البلد و بيتك فى عابدين و تشترى عربيه فيرارى علشان تروح الشغل

----
دى امثله جبتها على السريع ارجو انها تنفعك
asset tracking software. Asset tracking & inventory software with barcodes & depreciation

invoice manager. Invoicing software, billing and accounting software for small business

inflow inventory software | inventory system - features overview

---

لا ياباشا ده غير موضوع المشايات
وطبعا محتاج شركه هيا اللي تقوم بده عشان يطوروا البرنامج حسب احتياجات الشركه
والشركه فيها بتاع 1000 صنف
فكتير اوي

اقتباس:

---

المشاركة الأصلية كتبت بواسطة nomercy22

لو عايز اوراكل قولي وانا هضبطلك اسعااااااااااااار معقوله جداااااااااااااااااا

---

ايه الفرق بين الاوراكل والبرنامج اللي عندنا

متابع بأهتمام

بعد اذن صاحب الموضوع

انا كمان عايز برنامج زي كده مع كمان اسكانر وطابعة
بالظبط زي بتاع الصيدليات
عايز اطبع اسم وسعر المنتج والزقه علي العلبة
ولما اجي ابيع اضربه علي السكانر
يعملي الفاتورة
وينزل من الرصيد المخزن

برجاء الأفادة

والله المستعان
،
،

اقتباس:

---

المشاركة الأصلية كتبت بواسطة FunnyMickey

ايه الفرق بين الاوراكل والبرنامج اللي عندنا

---

دي database ودي database تانية
واحدة تبع اوراكل والتانية تبع مايكروسوفت

والله المستعان
،
،

اقتباس:

---

المشاركة الأصلية كتبت بواسطة funnymickey

سلام عليكم اولا
حاليا في شغلي بنزل شغل عالكمبيوتر فواتير وبيانات عملاء وكده والمفروض ان البرنامج متكامل من حيث طبع الفواتير وعمل جرد للمخزن والكلام ده كله

مشكلتي حاليا ان البرنامج بيحصل فيه ايرورز كتير اوي
ومبيطبعش فواتير
والشخص اللي عمل البرنامج وده مشكلتي الرئيسيه عامل البرنامج من الباطن
بمعني انه واخد الشغل لحسابه
ومنعرفش مقر شركته ايه عشان اشتكيه
وطبعا اطلبه ييجي ميجيش
ويديني مواعيد ويخلفها
وتعامله بصراحه اخر قرف

المهم
السؤال حاليا

1- حد يعرف شركه محترمه نستعين بيها في عمل برنامج جديد يسهل علينا الشغل شويه ويكون محترم
ولو حصل عندي مشكله الاقي شركه اتكلم معاها مش واحد شغال بالحته يتنطط عليا
دا مجال شغلي وأعرف كتير
2- هل كده الداتا اللي دخلت كلها حتدخل تاني عالبرنامج الجديد ولا ممكن ياخدوها ويحطوها عالبرنامج الجديد
لأ طبعا كل الداتا القديمة هتضاف على الجديدة
3- البرنامج شغال علي sql dev 2005
معرفش ده ايه
بس هوا حطهولي علي الكمبيوتر عشان ينزلي البرنامج عندي
ده ال database بتاعتك اللي عليها كل الداتا بتاعتك
ارجو الافاده عشان خلاص جالي تخلف :)

---

باشا ممكن تديني شوية تفاصيل وأقولك تعمل إيه بالضبط

انا شغال في البرمجيات
و في عندي ناس ثقة اعرفهم بيعملوا الكلام ده كله باسعار حلوة و اضمنهم برقبتي

كلمني لو حابب افهمك و اعرفك تفاصيل عموما تفيدك :)
لسه معاك رقمي علي الرسايل

اقتباس:

---

المشاركة الأصلية كتبت بواسطة mailo

باشا ممكن تديني شوية تفاصيل وأقولك تعمل إيه بالضبط

---

الفكره كالاتي
عندي بضاعه كتير
عاوز برنامج

يكتب فواتير
ارصده عملاء
يعملي جرد اخر السنه
يطبع كل حاجه انا بعملها عالبرنامج
يقدم تقارير
والاهم بقي

كود للبضائع زي اي سوبر ماركت هل ممكن يتعمل
هوا كفكره
بس لسه معرفش دي حتبقي صح ولا لا لان عندي بضاعه كتير بدون كراتين ولا اي حاجه

بس ده حيسهل عليا كل حاجه ويطبع الفواتير اوتوماتيك ومفيش بقي اي احتمال للغلط

طبعا المهندس لما ييجي يقابل اصحاب الشركه ويعرف هما عاوزين ايه والبرنامج القديم حيسهل كتير اللي احنا عاوزينه
والبرنامج كويس
بس التطوير زفت
ومهندس مواعيده بايظه
والاهم بقي
الانتر فيس بتاع البرنامج تحس انه عاوز احمد زويل عشان يفهمه
انا عاوز برنامج سهل وبسيط وميتعبش الموظف وهوا بيدخل المعلومات
واما صاحب الشغل يطلب حاجه معينه الاقي البرنامج بيلبي طلباتي
مش ارجع امسك دفاتر تاني

اقتباس:

---

المشاركة الأصلية كتبت بواسطة opelawy

انا شغال في البرمجيات
و في عندي ناس ثقة اعرفهم بيعملوا الكلام ده كله باسعار حلوة و اضمنهم برقبتي

كلمني لو حابب افهمك و اعرفك تفاصيل عموما تفيدك :)
لسه معاك رقمي علي الرسايل

---

تسلم ياباشا
حكلمك ان شاء الله

باشا انت مش محتاج اي حد يعملك اي حاجه
في برامج كتيير جدا فيها كل اللي انت محتاجه بس دور علي Point of Sale (POS)
Accounting
Inventory Management

خلي بالك السوفتير وشغله غالي ولو لقيت شركه كويسه هتبقي غاليه ولو رخيصه غالبا هتبقي اي كلام

ياهيثم باشا احنا دافعين 2000 جنيه ومخدناش حاجه
نعرف حتتكلف كام وحتي لو غالي نعمل حسابنا بس نبقي عارفين احنا بنعمل ايه

اقتباس:

---

المشاركة الأصلية كتبت بواسطة FunnyMickey

ياهيثم باشا احنا دافعين 2000 جنيه ومخدناش حاجه
نعرف حتتكلف كام وحتي لو غالي نعمل حسابنا بس نبقي عارفين احنا بنعمل ايه

---

كنت هاقولك على البرنامج بتاعنا بس السعر كده مش هايعجبك
Standard Sales (Basic Billing with Stock Control and Payments):13000 ريال
و موديول المشتريات Procurement بـ 2000 ريال

2000 جنيه يدوب يجيبوا الشغل اللى عندك
يعنى اللى عمل البرنامج اشتغل باكتر منهم وبعد كده الموضوع بقى مش نافع فخلع

الشركه هتدفعك اكتر بكتير واى تغيير بفلوس محترمه

شوف الاست تراكنج لو يحللك المشكله
غير كده شوف برنامج اسمه المخازن من مايكروتك تقريبا ان لم تخنى الذاكرة او شوف برنامج جاهز تانى

ايوه يعني المفروض بردو عشان ابقي عارف
لو شركه كويسه جت مسكت الموضوع ده عندي في الشركه وعملولنا برنامج جديد وخدوا الداتا القديمه حطوها فيه
يتكلف كام
؟؟؟

اقتباس:

---

المشاركة الأصلية كتبت بواسطة m.zaher

كنت هاقولك على البرنامج بتاعنا بس السعر كده مش هايعجبك
standard sales (basic billing with stock control and payments):13000 ريال
و موديول المشتريات procurement بـ 2000 ريال

---

والله ممكن بس عاوز اشتريه وهوا يشتغل لوحده بقي :)

فيه سؤال تاني عاوز اسأل عليه
لو مثلا صاحب الشركه في العين السخنه مثلا او في اي حته بره الشغل
وعاوز يعرف رصيد مثلا المنتج كذا كام في المخزن يدخل عالنت ومنه عالبرنامج عن طريق سيرفر مثلا ويشوف الكميه اد ايه
او يضيف حاجه او يشيل حاجه
من الاخر حيشغل البرنامج من اي حته

هل فيه حاجه كده ولا انا بألف
:)

اقتباس:

---

المشاركة الأصلية كتبت بواسطة funnymickey

ياهيثم باشا احنا دافعين 2000 جنيه ومخدناش حاجه
نعرف حتتكلف كام وحتي لو غالي نعمل حسابنا بس نبقي عارفين احنا بنعمل ايه

---

ياباشا 2000 جنيه يعني حوالي 338 دولار يعني دوول ميعملوش كام سكريين من المشروع اللي انت عايزه ويادوب يخلو واحد هندي يعملك شوية حاجات شغل اي كلام

لو انت عايز تعمل مشروع زي اللي انت عايزه ده ويكون كويس وليه سبورت محترم يبقي مش اقل من 2000 دولار لو بنتكلم علي شخص منفرد يعملهولك لكن لو شركه يبقي اضرب الرقم ده في رقم تاني يختلف علي حسب اسم الشركه وشغلها

اقتباس:

---

المشاركة الأصلية كتبت بواسطة shaddadfalcon1

ياباشا 2000 جنيه يعني حوالي 338 دولار يعني دوول ميعملوش كام سكريين من المشروع اللي انت عايزه ويادوب يخلو واحد هندي يعملك شوية حاجات شغل اي كلام

لو انت عايز تعمل مشروع زي اللي انت عايزه ده ويكون كويس وليه سبورت محترم يبقي مش اقل من 2000 دولار لو بنتكلم علي شخص منفرد يعملهولك لكن لو شركه يبقي اضرب الرقم ده في رقم تاني يختلف علي حسب اسم الشركه وشغلها

---

الله ينور عليك يا باشا
برضه الخبره لها دورها

علشان كده انا قولت

اقتباس:

---

مكن حضرتك تدور شويه ببرامج التورنت او مواقع التحميل على برامج جاهزة لمثل تلك الاغراض

و لو عندك معرفه بسيطه بالاكسس مثلا ممكن تدور فى المنتديات هتلاقى نماذج كتير

انا ليس لى فى السوفت وير اوى بس عن تجربه

استعمل ابسط ما يمكن ان تستعمله طالما يؤدى غرضك

يعنى مثلا لا استعمل sql server , و ابنى واجهات ببراج تانيه و انا كل الداتا بيز عندى ماجبتش الف ريكورد
او لا يوجد الا فرد على جهاز واحد يستعملها

---

بالمناسبة يا باشا لو وضع ما يريده على مواقع فرىلانس ممكن يبقى الثمن اقل شويه
و ممكن يدور على سورس فورج

اقتباس:

---

المشاركة الأصلية كتبت بواسطة FunnyMickey

والله ممكن بس عاوز اشتريه وهوا يشتغل لوحده بقي :)

فيه سؤال تاني عاوز اسأل عليه
لو مثلا صاحب الشركه في العين السخنه مثلا او في اي حته بره الشغل
وعاوز يعرف رصيد مثلا المنتج كذا كام في المخزن يدخل عالنت ومنه عالبرنامج عن طريق سيرفر مثلا ويشوف الكميه اد ايه
او يضيف حاجه او يشيل حاجه
من الاخر حيشغل البرنامج من اي حته

هل فيه حاجه كده ولا انا بألف
:)

---

لو البرنامج web based وموجود على سيرفر اونلاين تقدر تعمل كده

بص يا صبحى باشا على البرنامج ده

ده وصف مختصر له و اظنه سوف يفى بغرضك
برنامج المحاسب المسلم الاصدار الثانى عشر بعد انتظار طويل
لادارة حسابات و مخازن و مستودعات أى شركة أو محل تجارىمن فواتير مشتريات و مبيعات
و متابعة العملاء و الموردين باستخدام الباركود أو بدون أستخدام الباركود
و يمكنكم من متابعة المخازن و المستودعات و اظهار نتيجة العمليات من حسابات الارباح
و الخسائر و الميزانية و كذلك مجموعة كبيرة من التقارير التى تخدم الادارة
فى تحليل نشاط الشركة و تساعد على اتخاذ القرار
و أتمنى من الله العلى القدير أن يجعل فيه الفائدة للجميع

www.neklawysoft.com/vb/showthread.php?t=79

والله ياجماعه ما عارف اشكركو ازاي
فعلا ونعم الاخوات

حعرض عليهم الاسعار دي وربنا يسهلها ان شاء الله
المشكله ان التوقيت نفسه ميساعدش اي شركه انها تدفع اي حاجه دلوقتي
حيقولك انا بكسب كام عشان ادفع مبلغ زي ده في برنامج
اللي فيه الخير يقدمه ربنا
وجزاكم الله خيرا كلكم والله