ازاي كده .. ولا انا الي مش متابع بقي ؟؟!!!

**Ramyhamdy** · 23-02-2012 12:08 PM

يا جماعه انا انشاء الله نويت ابيع عرربيتي النيسان و هشتري عربيه بنفس سعرها يعني في حدود ٥٠ كده انشاء الله دي كانت رغبه والدي في اني اجيب موديل اعلي بسنه او اتنين و تكون انجيكشن و انا بايد فكرتوا بصراحه .... فا دورت شويه علي عربيه تكون عائليه و في نفس الوقت تستحمل الاستعمالات الشاقه و تكون عاليه برضوا عشان ظروف كليتي و تدريباتي الي بتبقي في مواقع زي الزفت .. المهم لقيت ادامي الدايهاتسو تريوس موديل ٩٩ و ٢٠٠٠ بتلعب في رينج ال ٤٥ عاده و ٥٠ اوتوماتيك و معظمهم فبريكه بره و جوه و في نفس الوقت موديل. ٢٠٠٢ و ٢٠٠٧ نفس السعر بس حاجه اسمها اكسبلوجن و حالتهم كويسه برضوا مش عارف ايه الفرق برضوا بصراحه دي حاجه غريبه جدا فرق موديل اكتر من ٥ سنين و بنفس السعر !!!!!!!!!!! و علي فكره دي مش حاله واحده دي كذه واحده !!!!
ياريت تفيدوني يا جماعه !؟؟؟؟

و كنت عايز اعرف رايكم في التريوس حلوه ولا اي كلام هي مع ابن خالي الشكل الجديد و ركبتها مره جميله جدا مع انها ضيقه شويه من ورا .. و هل قطع غيارها متوفره ولا ايه في موديلات ال ٢٠٠٠ ده
يلا مستني رايكم ؟!!!

**hanyemad123** · 23-02-2012 12:22 PM

الاكسبلوجن دى تقليد التريوس مش دايهاتسو

دى ماركه صينى اسمها زوتى اكسبولجن

**MohssenRashed** · 23-02-2012 12:30 PM

المشاركة الأصلية كتبت بواسطة hanyemad123

الاكسبلوجن دى تقليد التريوس مش دايهاتسو

دى ماركه صينى اسمها زوتى اكسبولجن

+1111111

**amigooo** · 23-02-2012 12:31 PM

أوعى تفكر فى الاكسبلوجن .. اولا صينى .. وعالية لكن ثباتها ضايع فى الملفات .. وفى نقص فى قطع الغيار .. ولايمكن مقارنتها بالتريوس ولا بالنيسان الياباننننننننننننى .. انت عايز تعلى ولا ترجع للخلف ... ؟؟؟؟ وافتح على السيارات الصينى هنا فى المنتدى واتأكد .. التريوس طبعا حلوة لكن الاهم حالة السيارة واكشف عليها بدقة ..وربنا معاك .

**SASA3** · 23-02-2012 12:37 PM

التريوس حاجه و الاكسبوجن حاجه

التريوس دى دايهاتسو و يابانى طبعا

انما الاكسبلوجن ده ماركتها زوتى او زيتونة :)

بس كله قطع غياره موجود و لو بتفكر طبعاا خليك فى اليابانى

**mstool** · 23-02-2012 03:32 PM

يا راجل يا طيب نصيحة من واحد اشترى مستعمل كتير و باع خليك فى عربيتك لو يابانى لو ناقصها حاجة صلحها لكن متبعش عربية انتا حطيت ايديك فيها و عارفها و بتاعتك و ااكد على كلمة بتاعتك دية الف مرة و فكر كويس جدا فى الكلام دة انا اشتريت عربيات كتير مستعملة انا و اصحابى و بنفهم و بنقى صح بس كل ما الواحد يبيع عربية يابانى كان راكبها حتى لو اشترى حاجة اعلا بس مستعملة بيكرة اليوم اللى عمل فية كدة اسمع منى العربية المستعملة عمرها ما هتبقى زى الجديدة مهما الراجل صاحبها اللى بيبعها عمل فيلم ليها و انا مش بركبها و الكلام دة و حتى لو كانت حالتها نضيفة اوى مش هيبعها و اوعى تبيع الا لو هتجيب جديد يا راجل انتا باين عليك اصلا مش حاسس بقيمة النيسان صنى اللى معاك

**BESO516** · 23-02-2012 05:47 PM

المشاركة الأصلية كتبت بواسطة amigooo

أوعى تفكر فى الاكسبلوجن .. اولا صينى .. وعالية لكن ثباتها ضايع فى الملفات .. وفى نقص فى قطع الغيار .. ولايمكن مقارنتها بالتريوس ولا بالنيسان الياباننننننننننننى .. انت عايز تعلى ولا ترجع للخلف ... ؟؟؟؟ وافتح على السيارات الصينى هنا فى المنتدى واتأكد .. التريوس طبعا حلوة لكن الاهم حالة السيارة واكشف عليها بدقة ..وربنا معاك .

لا حول ولا قوه الا بالله

بالله عليك يااستاذى سيب العربيات الصينى فى حالها لأنى على استعداد انى اجيبلك 60 او 70 موضوع مشاكل فى عربيات المانى وفرنسى مش يابانى فعشان خاطر ربنا بلاش الكلام اللى من غير تجربه وكأن العربيات الصينى دى زى فانوس رمضان او لعبه وخلاص

فخد جوله كده فى المنتدى واتفرج بضمير على المصايب اللى فى الكورى واليابانى وكل العربيات والماركات لأن الكمال لله وحده
ولو ملقتش قولى وانا اجيبلك شويه مواضيع من هنا من المنتدى وتتفرج على احلى شغل لكنى مش عايز اخرج عن الموضوع الأساسى اللى صاحب الموضوع بيستفسر من خلاله