السلام عليكم ياافاضل منتدانا الاعزاء.... ايهما افضل الكروز ام الفلوانس من ناحيه كل شيء...افادكم الله لكى اشترى السياره...طبعا زييرو
عرض للطباعة
السلام عليكم ياافاضل منتدانا الاعزاء.... ايهما افضل الكروز ام الفلوانس من ناحيه كل شيء...افادكم الله لكى اشترى السياره...طبعا زييرو
بص يا باشا الكروز افضل من ناحية سعر اعادة البيع و الصالون الواسع
الفلوانس افضل من ناحية الاداء ك موتور و عفشة مريحة و كماليات
كروز توكيل منصور و ده اسوأ توكيل عربيات ممكن تتعامل معاه هو و غبور ده كام مفروض يفتح محل سمك مش يمسك توكيل عربيات
يعيب الفلوانس تدنى سعر اعادة بيعها و قطع غيارها غالية شوية زيها زى البيجو و السيتروين شوف انت اولوياتك و قرر على هذا الاساس بس نصيحة منى يعنى لو انت مش شاب يعنى راجل كبير و عاوز عربية عائلية اظن الكروز افضل اختيار
و حاجة تانية اعتقد ان ثبات الكروز احسن من الفلوانس عشان العربية حجمها تقيل و عشان كده تحس ان تجميعها مش حلو بس هى بتستجيب معاك ع السرعات العالية و ياريت طبعا لو جبت كروز اوعى تقطع فى ضفيرة الكهربا لاى سبب من الاسباب (زينون او سرينة مثلا) لان الكمبيوتر بتاعها شديد الحساسية و لو ضرب منك هتزعل جامد
انا كنت واقع فى نفس الحيره وكنت حاجز الكروز وعلى وشك الاستلام لكن على اخر وقت غيرت وجيبت الفلوانس وكان السببين الرأيسيين فى تغير فكرى هما التوكيل لأن منصور محدش بيشكر فيه خالص ومن الناحيه التانيه توكيل رينو بيعتبر من افضل التوكيلات فى مصر,السبب التانى فرق الفخامه والكماليات اللى الفلوانس بتكتسح فيه الكروز مع الوضع فى الاعتبار انهم نفس الشريحه السعريه
الفلوانس تعتبر صفقه رابحه فى الشريحه السعريه دى وبقت منتشره جدا جدا وافتكر ده هيعالج موضوع انخفاض سعر اعاده البيع
انا شايف ان المقارنه بين الفلوانس والكروز هتكون فى صالح الفلوانس لكن لو فعلا طلع خبر ان الكروز هيتغير فيها الموتور وهتنزل بموتور الاسترا هيبقى الموضوع ده هيقلب الموازين
تحياتى
على فكرة موضوع موتور الكروز الجديد ده مش حقيقى الموتور هو هو بتاع ال2010 هو بتاع ال 2011
عموما كله هيبان لما يجى معاد فورميولا الاهرام
بالعقل كده يا باشا ده منصور يعنى عمره ما يدخل على قلب عملاؤه اى بهجة او سرور ده لو طال يحطلها موتور فزبة ديليفرى هيعملها هههههههههههه
فلوانس
انا شايف فلوينس ... و كنت هاجبها بس فضلت الكارنز عنها علشان الوسع و الحجم و كنت بعمل زيك بظبط المقارنة بيهم بس فعلا الفلونس تكسب بكتير ..عربية حلوة اوي و كفاية انها فرنساوي و تقفيل تركي لا يعيبها إطلاقا .
منصور حيكرهك فى العربيه حتى لو انت حاببها خليك فى الفلوانس
غريبه ان مفيش اى حد من مالكى الكروز اتكلم عن عربيته كطرف فى مقارنه مع عربيه تانيه
من الاخر فلوانس
رينوووووووووووووووووووووو وو
انا ركبت الكروز ... ولكن مركبتش الفلوانس ...
لكن هتكلم عن تجربة صديق ليا ... معايا كروز واخوه معاه فلوانس وركب الاتنين ...
اولا الكروز .... اول فئة اوتو فيها كل حاجة ماعدا الجنوط وفتحة السقف ....
العربية طلعتها مش قوية وبيكون صوتها عالى فى الطلعة .. ولكن معناها انها بردوا مش وحشه ... وعلى فكرة انا معايا لانوس والنترا ... ولو هنقارن بين التلاتة ( الالنترا - الكروز - ال لانوس ) من الاقوى للاضعف فى الطلعة ..
بعد كدا على السرعات العالية استجابة العربية جمميلة وواسعة من جوه عزلها ممتاز ... ولكن عند الكبس جامدد على الموتور بيكون صوت الموتور مسموع بوضوح ... لو هنقارنها بالعربيات اللى معايا .. العزل الصوتى ( كرزو - النترا - لانوس )
نيجى على عزل موتور العربية عن الموتور ... الالنترا حاسس انها انعمهم فى الموتور وبالتالى افضل فى العزل وبعدها الكرزو وبعدها ال لانوس ...
استهلاك البنزين ... يعتنر علاى بالنسبة لعربية 1600 فى نفس شريحتها .... بالمقارنة بالعربيات اللى معايا ... اقلهم استهلاك النترا ..
نيجى للنعومة بتاعت العربية ... الالنترا تكسب لان الباور كهربا وناعم جدا غير انها تعتبر غير محسوسة على الارض ... يليها الكروز باور زيت وبردوا ناعمة جدا على الاسفلت ...
بالنسبة للوسع الداخلى ... كروز وبعدها النترا ....
شكل التابلوة ... كروز و بعدها النترا ...
-----------------------------------------------
نيجى للفلوانس .... عربية جميلة جدا بحجم رائع وقاعدة عجل عربضة ...
نفس الثبات .... بين العربيتين ..
العزل .. الفلوانس افضل من الكروز ..
قطع الغيار . الكروز تكسب
سعر البيع .... لم اختبره مع الفلوانس .. لكن الكروز معقولة ..
النعومة .. فلوانس افضل ....
وسع العربية ... مش عارف ابالنسبة للفلوانس ....
فى النهاية ... انا حبيت القارنها بالالنترا مش عشان اخرج برة الموضوع ... لكن عشان تبقى عربية عامة فى المقارنة ..
مع كل احترامي و تقديري لكل مالكي الكروز .... أنا مش عارف إيه الميزة اللي ممكن تخلي أي حد يشتريها غير إن فيه ناس بتحب شكلها أوي .. فقط لا غير ..
قطع غيار في التوكيل ( عن تجربه ) رينو أفضل .. و ده اللي كل الناس مش مقتنعه بيه ... ادخل على قسم رينو و شوف بنفسك أسعار التوكيل في قطع غيار الفليوانس ..
أداء الرينو أفضل .... راحة الرينو أفضل .. أمان في الرينو أعلى طبعا .. أوبشنز و كماليات الفليوانس وهمية ...
إزااااااااااااااااااااااا اااااااااااي تقارن فليوانس بكروز ....!!!!!!
هو علشان اكون امين انا الفلونس بالنسبالى عربيه بتفرج عليها واحلم وكنت وانا واخوى بنشترى الوجان قعدين فى التوكيل جو العربيه بنحلم بالمستقبل المبهر الممكن ربنا يكرمنا فيه ونركب عربيه بالجمال ده
ولما كنت بلف فى المعارض واشوفها القى كل كلامهم مزياها عن االاوكتافيا ومزياها عن البسات وازاى بسعرها ده مليانه كمليات كده لكن عمر محد قارنها بالانترا ولا بكروز
فبرغم انى مسقتش الاتنين لكن انا صوت لفلونس بكل قوه انا فى راى ان من بعد 130 لحد 160 مفيش عربيه تقف قدام فلونس اله لو كانت suv او المانى
ولمعلومه علشان فى ناس مستغربه من هوجة الرينوا رينوا يجماعه بقالها 5 سنين عايزه تاخد مكانها فى السوق فبتدور ازاى تنزل فئات مقابل سعرها جيده جدا ومتفوقه على خيرها فى الكماليات والجمال
وبتقدم خدمة فى التوكيل اكثر من رائعه وبتحاول تنافس باسعار قطع غيارها
ويرت تشوف اسعار قطع غيارها فىا لتوكيل وتقارنه بغيرها
فانا قدام كروز قدام الانترا هقول فلونس
يمكن الحاجه الوحيده التخلينى اتردد فى التفكير هو حاجه يبانى زي الشارك او كرولا وهتفوق الفلونس فى الامكانيات والشكل
ربنا يوفقك فى اختيارك ويعمل الفيه الخير ليك
تحياتى
محمد رسمى
ياباشا ماتزعلش او كدا :) هى وجهات نظر طبعا بس لو حسبتها كويس هاتلاقى ان الفلوونس فيها اوبشنز اكتر , واوسع شويه , بس كدا مفيش مميزات تانيه كمقارنه على الورق
كتجربة سواقه ممكن حد يكون ركب الاتنين يقيمهم
لكن الكروز بشهادة ملاكها ثبات ممتاز ( زى الفلوونس ) موتور ضعيف فى الطلعه وبعد كدا كويس ( زى الفلوونس ) عفشه متوسطه ولا ناشفه ولا ناعمه , فتيس 6 سرعات مش 4 , واخده 5 نجوم فى ال EuroNCAP و 16 من 16 فى التصادم الامامى و 15.4 من 16 فى الجانبى , الفلوونس ZE ( الكهربا ) واخده 4 نجوم اصلا و 9.8 من 16 فى التصادم الامامى
الكروز لو بتنزل بالموتور الايكوتيك ( قريب ان شاء الله ) تبقى افضل بفارق
ياباشا بتقارن ايه بايه بس.....فلونس طبعااااااااااااا....
انت كلامك مظبوط .. فعلا الكروز في اليورونكاب واخده تقييم ممتاز في التصادمات و الثبات .. و أنا أشهد إن الكروز أحسن عربية كوري في مصر من ناحية الثبات .. و على فكرة انا بتكلم عن العربيتين مش من بعيد أوي .. لا اصحابي معاهم كروز كتير ... و أنا سوقت الميجان كتير جداو عارف تفاصيل الفليوانس كويس و قعدت فيها أكتر من مرة ...
لكن ليه أشتري عربية كوري موتورها ضعيف بتكنولوجيا قديمة و ضيقه من جوه و مش مريحة أوي و كمالياتها مش كتير ، كل الميزة اللي فيها فعلا إن ثباتها حلو أوي ... في حين إني بنفس السعر ممكن أشتري أوروبي تقفيلها تحفه بكماليات وهمية و توكيل محترم جدا و قطع غيار أرخص و أوسع من جوه و شكلها فخم و أدائها حلو و عالية عن الأرض و برضه ثباتها أكيد عمره ما هيكون أقل من الكروز ؟؟؟؟
أساسا عربيات شيفورليه فى مصر مفيش ولا واحدة داخلة دماغى عربيات حتى الكروز دى
الفلوانس تكسب طبعا
شكل وسعر وتوكيل أفضل
وواسعة من جوا واللى بيقول الكروز واسعة مين قال كدا الكروز مش واسعة قوى من جوا
سعر أعادة البيع للفلوانس هيبقى معقول بالنسبة لانتشارها السريع وقطع غيارها متوفرة فى التوكيل بأسعار مش عالية قوى زى
فلوااااااااااااانس أكبر من إنها تتقارن بكروز
فلوينس
فلوينس
فلوانس تعتبر احسن اختيار فى فئتها كشكل و موتور و كماليات و توكيلو امان ووسع داخلى و سعر اعاده البيع بتاعها ابتدى يتحسن قوى خاصه مع انتشار العربيه
الرينو دى بتعمل عربيات تحفه ومواتير قويه فعلا حتى لو الحصان متواضع