عرض للطباعة
السلام عليكم انا محتاج من الاعضاء الكرام الراي والمشوره بس مستعجل شويه انا معروض عليا فيرنا 2010 مانيوال كامله عامله 30000 كم وصاحبها طالب 55000 ايه رايكم في السعر ده العربيه فابريكه بره وجوه هل السعر ده مناسب انا قدامي يومين بالكتير ومحتاج افاده بسرعه
اتفرج على العربية كويس جداجدا واتاكد من الرخصة وقارن رقم الموتور والشاسية ولو ورقها مظبوط توكل على الله
انا كان امامى واحدة 2010 لونها اسود كاملة مانيوال ورشة بالخارج حزام ماشية 55000 كيلو وصاحبها طالب فيها 52000 جنية
عشان كدة لو دى شركة بالكامل وعداد الكيلومترات 30000 كيلو بس يبقى جميل عليها السعر دة
ياريت تكشف علي رقم الرخصة في المرور لو ماتعرفش صاحبها كويس علشان ماتكونش مسروقة
أما بالنسبة للموتور و الحالة الفنية فممكن تكشف عليها في أي مركز معتمد من هيونداي غبور و هايديلك تقرير فني كامل عنها و تقييم للسعر بشكل مبدئي
و برضه انتظر رأي الخبراء في الفيرنا و الذي اتمني أن يفيدوك بالسرعة المطلوبة
اسال ا/شريف وهبه فى تسعير السيارات هو معانا هنا فى المنتدى او ممكن تشوفه على الفيس بوك اكتب تسعير السيارات شريف وهبه واكتب الموصفات وهو يقول لحضرتك على السعر المناسب
السعر حلو جدا بس أتأكد إنها فبريكة برة وجوة والعداد صحيح.
متشكر على الردود المفيده دي وعايز اتقل عليكم شويه انا اخدت معايا ميكانيكي كل اللي عمله فتح كبوت العربيه وبص من بره وقفله ولف على العربية وبص عليها من تحت وقاللي العربيه فابريكه هل كده كفايه للحكم على العربية؟
لأ برضهاقتباس:
المشاركة الأصلية كتبت بواسطة dr_x_man
1- أعمل كشف كامل علي العربية في أي مركز خدمة معتمد من غبور يشمل الاتي :
(كبس المحرك - كشف علي العفشة - حالة البطارية - الاطارات - كشف عام علي الشاسيه)
2- زي ماسبق و قولت لك لو العربية من حد انت مش عارفه كويس أكشف علي رخصة العربية في أقرب وحدة مرور علشان تتأكد انها مش مسروقة
و ربنا يوفقك لما فيه الخير أن شاء الله
+111اقتباس:
المشاركة الأصلية كتبت بواسطة egy77
فعلا سعرها كويس جدا لانها 2010 و عداد كيلو قليل و فول اوبشن, توكل على الله سعرها فعلا جميل
اهم حاجة حضرتك تروح المرور التابع لها وتجيب شهادة بيانات علشان متكونش مسروقة فى الايام السودة اللى احنا فيها دى
وبعد كدة روح على اى مركز خدمة غبور او اى محطة بنزين وطنية واعمل كشف على العربية
بيعمل لحضرتك كشف على كبس الموتور والشاسية وبيطلعلك بيان بكدة
ولو طلعت كويسة اتوكل على الله بس استخير ربنا الاول
وربنا يقسملك بالخير
وكلنا بندعيلك ربنا يباركلك فيها يرزق حضرتك خيرها ويكفيك شرها
خلي بالك سعر العربية مقلق لانها تقريبا ارخص 5000 جنيه من السوق اتأكد ان العربية متسجلة ونفس رقم الماتور والشاسيه هوهو اللي متسجل في الرخصه وكمان اكشف عليها في اي مركز معتمد من غبور أمنلك من اي ميكانيكي ممكن يخدع بشغل كويس في العربية
سعر كويس بس حاسب تكون مسروقة
اعمل الى الاخوة الاعضاء قالوه
والسعر مش مقلق ولا حاجة سعرها مناسب وحلو
متسناش الاستخارة وتوكل على الله
سعرها كويس جداً مقارنة ً بالموديل وعدد الكيلو مترات
بالنسبة لحالة العربية بقى دى ترجع ليك انت والسمكرى والميكانيكى اللى هيشوفوها
خلى سمكرى شاطر يبصلك ع العربية ويرفعها وتشوفوها من تحت واتأكد ان ورقها سليم من المرور ورخصتها تمام ... وتوكل على الله