1.السادة الاعضاء الرجاء المساعدة حول تعديل فرامل الفيرنا حيث انى علمت انة يمكن تعديل فرامل الفيرنا بفرامل الالنترا ارجو الافادة
2.تركيب ultra racing bars
علما بان السيارة فيرنا اوتوماتك موديل 2007
عرض للطباعة
1.السادة الاعضاء الرجاء المساعدة حول تعديل فرامل الفيرنا حيث انى علمت انة يمكن تعديل فرامل الفيرنا بفرامل الالنترا ارجو الافادة
2.تركيب ultra racing bars
علما بان السيارة فيرنا اوتوماتك موديل 2007
متضامن معاك وان شاء الله الناس تفيدنا في الموضوع ده بالذات موضوع الفرامل اللي انا بعاني منه معاناه شديدة لدرجة اني قريب لبست في عربية قدامي مع ان كان في مسافة كبيرة كافية لتوقف العربية
سؤال هام ..و انا نفسي كمان في اجابتة من الخبراء
متابع
وخصوصا ultra racing bars
؟؟؟؟؟ فين خبراء هيونداي وخصوصا الفيرنا
؟؟؟؟؟ فين خبراء هيونداي وخصوصا الفيرنا
سيدي الفاضل ...
عذرا فلم أر موضوعك قبل ذلك
المهم اثناء بحثي الاولي وجدت موضوع مشابه لموضوعك هنا بالقسم أقتبست لك منه هذه المشاركة لأخونا (أشرف أبراهيم)
[frame="1 80"]
*للأسف يا شباب بنظلم الفيرنا بقصة الفرامل دي
ايه مواصفات الفرامل القوية؟!
انك لما تضغط الفرامل لحد آخرها العربية تزحف منك ويحصل انغلاق تام complete blocking
طب هل دا بيحصل في الفيرنا؟!
ايوة بيحصل ودا ان دل بيدل على ان منظومة الفرامل قوية
طيب ايه المشكلة بقا؟!
المشكلة ان وزن العربية خفيف فمع قوة الفرامل دي بتخليك تشعر ان الفرامل مش فعالة اوي وطبعا هتقولولي ازاي فرامل قوية وعربية خفيفة يعني المفروض تقف اسرع !
الكلام دا سليم عمليا طول مانت موصلتش لدرجة الفرملة اللي تخلي الكاوتش يقفش منك او يزحف
كدة عربيتك تقف اسرع
لكن اللي بيحصل في المواقف المفاجئة اننا بنكبس فرامل للنهاية فالكاوتش بيقفش والعربية تزحف في الاسفلت ونلاقينا هوب قمنا لابسين في اللي قدامنا ونيجي نشتكي ونقول فيرنا !
مع ان العيب مش في العربية العيب في اللي سايق انه معرفش يطلع أقصى استفادة من الفرامل
استخدام الفرامل مهارة زيها زي السواقة ويمكن اهم من مهارة السواقة بكتير لأنك لو بتعرف تستخدم الفرامل كويس هتعرف امتى وازاي تقف
طيب عايز استفيد من الفرامل اعمل ايه؟!
*أولا لما تيجي تفرمل متضغطش دبرياج عشان متفصلش منظومة الفتيس وتخلي التروس متعشقة ودا هيساعدك انك تقف اسرع ولو لقيت ان دا مش هيسعفك تقدر تسقط نقلة عكسية يعني تنزل نقلة من الخامس للرابع او للتالت حسب سرعتك وترفع رجلك مفاجيء من على الدبرياج وانت ضاغط فرامل هتلاقي انخفاض كبير في سرعة العربية
*ثانيا متفرملش لنهاية الفرامل عشان متوصلش ان الفرامل يحصلها انغلاق تام
ولكن اوصل لل threshold بتاع الفرامل والللي عندها بتخلي الفرامل بتاعت عربيتك تشتغل كأن فيها ABS نظام مانع انغلاق ! طب ازاي؟!
وظيفة نظام مانع الانغلاق ان الكاوتش ميقفشش وبالتالي العربية متزحفش ولو انت في موقف صعب تقدر تحرك الدروكسيون بكل سهولة وانت متحكم في العربية وهو بكدة بيوصل أقصى قوة فرملية ومبيعملش انغلاق تام
هل نقدر نعمل دا في عربياتنا بصورة مانيوال؟! -يدوية-
ايوة طبعا نقدر بس محتاجة شوية تدريب وتبقا عارف النقطة دي في عربيتك امتى وفين!
فرمل وجرب انك تفرمل بأقصى حاجة بس الكاوتش ميقفشش وشوف هتقف في قد ايه وعلى نفس السرعة فرمل تاني وخلي الكاوتش يقفش وشوف هتقف في قد ايه !
قطعا في حالة ان الكاوتش ميقفشش هتقف اسرع
يبقا :-
*نخلي الفتيس معشق
*منوصلش للانغلاق التام في الفرامل ولكن نوصل لأقصى استفادة منها بدون ما تكسح معانا
*نسقط نقلة عكسية لو كان الموقف مستدعي
*نضبط النفس عشان منتصرفش تصرف غلط يخلينا نخبط في المواقف الحرجة !
وربنا يوفقكم جميعا
[/frame]
و ده رابط الموضوع المأخوذ منه الاقتباس يرجي قرائته لمزيد من الاستفادة :
http://www.nilemotors.net/Nile/264445-a.html
شكرا لـ م/سمير على الاهتمام بالرد
ولكن عربيتى اوتومتيك ولا ينطبق عليها هذة المشاركة
مش عارف تقصد ايه بفرامل النترا ... هو اي نوع فرامل كويس واصلي هيسد معاك في موضوع الفرامل زي مثلا الجولد الكوري لان زي ما م/ سمير كان كاتب في المشاركه بتعته ان المشكله مش في الفرامل وبس
بالنسبه للبرات ودي فكره روعه جدا لو عاوز فعلا تظبط الفيرنا .... انا دورت فيها كتير للأكسنت ولقيت التوكيل بتاعها ultra racing عند عادل وجدي في الحرفيين بس كمان مش كل البرات وقلي انه ممكن يشترلي الكيت كامل استيراد ....لو هتركب الكيت كامل الموضوع مش هيقل عن 2000 ج