اخر كلام كروز 2012 موتور جديد ولا لا

**midobond** · 23-02-2012 08:47 PM

محدش عارف حقيقة الموضوع ده انا قعدت مع 3 اصحابى واحد قال مفيهاش تغيير وواحد قال موتور الاسترا وواحد قالى هتنزل مصر 1800 سى سى اصدق مين فيهم دول
و للناس اللى معاها العربية يا جماعة ايه مصداقية موضوع الحساسية المفرطة للكمبيوتر دى؟؟؟ سمعت انه بيضرف سوفت وير بسرعة جدا

**Hosam_Optrawy** · 23-02-2012 10:21 PM

1800 مستحيل طبعا

الموتور المفروض هايتغير ببتاع الاسترا 115 حصان بس مفيش معلومه مؤكده 100 %

**midobond** · 24-02-2012 10:45 AM

المشاركة الأصلية كتبت بواسطة lancer_ex

بص يا عم ميدو انت دماغك تعبتك جدا وحاسس بيك من الأخر كده مش حتلاقى عربيه فيها كل حاجه انت عاوزها

وحط فى دماغك كويس حاجه مهمه جدا جدا الا وهى الصيانه والتوكيل !!

لو عربيتك بيتعملها صيانه اى كلام وجوده قطع الغيار نفسها اى كلام حتكره حياتك ومش حتحس ان دى العربيه ايلى كنت شاريها من كام شهر (الكلام ده عن تجربه بجد)

انا عارف ان الشارك عاجباك هاتها ومش حتندم ركوبه وثبات وقطع غيار محترمه من بلدها

طبعا سعر قطع الغيار غالى بس حاجه محترمه

عندك برده توكيل نيسان حاجه محترمه لو بتفكر فى عربيه نيسان

مازدا.....توكيل تعبان بس عربيه محترمه جدا بس حتكرها مع الوقت

سوبارو .... زى المازدا

كورولا.....معرفش معادش فى ثقه فيها من ساعه موضوع الفتيس

العربيات الأوروبى طبعا محترمه بس مش اعتماديه زى اليابانى (عن تجربه برده)

استخير ربنا وفكر فى كلامى بهدوء

وتقبل مرورى

ربنا يخليك يا كبير و هى شكلها فعلا الشارك خلاص انا قلبتها فى دماغى و لقيتها اكتر صفقة رابحة