سلامو عليكم يا رجالة، يا رب تكونوا بخير.
من فضلكم ممكن أعرف رأيكم في توكيل مقار إللي في الدقي عشان أنا قررت أروح له و عايز أعرف أرائكم و تجاربكم معاه؟
شكراً جزيلاً
عرض للطباعة
سلامو عليكم يا رجالة، يا رب تكونوا بخير.
من فضلكم ممكن أعرف رأيكم في توكيل مقار إللي في الدقي عشان أنا قررت أروح له و عايز أعرف أرائكم و تجاربكم معاه؟
شكراً جزيلاً
ناس محترمة
ناس جامدين ومحترمين جدا ومن اول محبت عربيتى وانا بروحلهم, بس اسعارهم زادت شوية الفترة الاخيرة.
من ساعة ما جبت الأوبل 2003 ، لحد الأن و أنا بعمل كل حاجة عندهم ، هم محترمين بس الأسعار عليه شوية بس بشكل مش مبالغ فيه
بص يا مان .... خليهم يعملوا كشف كامل على العربية ..... وبعدين بعد ما تستلم التقرير انزل اشترى قطع الغيار من عند أى حد علشان تكلفة قطع الغيار فى مقار حوالى الضعف ..... واطلع على حد ميكانيكى تثق فيه ..... يركب قطع الغيار بدون ما يفتى فى أى حاجة ..... أو حتى ارجع بيها لمقار علشان يركبوها .... هما بيقبلوا قطع غيار من بره .
طب و علي كدة قطع غيارهم أصلية ولا لأ؟ و بيبقوا زحمة ولا مش قوي و شغلهم نظيف و بيدوا ضمان عالشغل؟
محتاج أعرف معلومات أكتر من فضلكم.......شكراً
ناس محترمه
بيدوا ضمان على قطع الغيار و الشغل لو كل حاجة من عندهم
فرق السعر عن اغلى حته بره 25% فى قطع الغيار
و 35% فى المصنعيات
بس كويسين
و اما تعمل حجز مسبق
او تروح بدرى الصبح
مع احترامى يا رجاله انا اتعاملت معاهم 10 ستين دفعتلهم اكتر من 50 الف جنيه من قبطات لصيانات وغيرو العيال اللى جوه حرميه وبيبدلو حاجات سليمه بحاجات بيظه حصلت اكتر من مره ورجعت هزقتهم ورجعو الحاجه والخبره تعبانه كل المهندسين المحترمين مشيو زى المهندس محمد مدير الاستقبال والعيال اللى كانو بيركنو العربيات زمان هم اللى عملين مهندسين حالياً يعنى اللى مكنش بيروح زمان هيفتكر دول بيفهمو وعلى فكره بيخدو نسبه على الفتوره وده اسلوب رخيص يعنى كل ما يلبسك فى قطع غيار ياخد نسبه من الاخر الصيانات العاديه يعملوها عادى الحاجات الصعبه انسى انا روحتلهم السنه اللى فاتت اسأل على زيت الفتيس الايزى ترونيك محدش عرف روحت منصور فى ثانيه اخدت الرقم بتاع الزيت وده مش معناه ان منصور تمام بس هو فعلاً افضل من مقار انا بعتبر مقار ميكانيكى قريب من البيت :) هو فعلاً جنب البيت يعنى بسيب العربيه واروح مشى ده الميزه الوحيده عندى وللحاجات البسيطه يعنى مثلاً صيانة الكاتينه مش هعملها عندو بس الصيانات العاديه ممكن وهم عرفين انى بفضحهم فمحدش هيبدل حاجه من العربيه :)
ناس محترمه جدااااااااااااااااااااااا ا من هنا للصبح و فاهمين كووووووووويس اوى
مع انى مش اتعاملت معاهم بس ليا ناس جوه التوكيل نفسه اصحابى
بس غاليين شويه بس بتاخد شويه شغل 10/10
^_^
أنا لسة جاي من هناك استقبلني واحد اسمه المهندس عماد خطاب ، شكله محترم و فاهم....سمع الشكوي بتاعتي بس قاللي إحنا محتاجين يوم فاضي من الصبح عشان نمشي ورا المشكلة من أول الكومبيوتر لحد أطراف الضفيرة....
اتفقت معاه علي يوم الجمعة الصبح بدري....يا تري إيه رأيكم؟ و حد يعرف المندس عماد ده و اتعامل معاه؟