الموضوع: معرفه الرصيد بقى ب 5 قروش فى اتصالات

المشاركة الأصلية كتبت بواسطة nabaster

الموضوع ببساطه علشان الناس الي بتستغل الخدمه استغلال سيء

وكل شويه يستخدم الخدمه حتي لو معملش اي مكالمه

وده بيعمل ضغط علي الشبكه

الموضوع مش موضوع 5 قروش قد ما موضوع تسعير الخدمه لمنع الاستغلال السيء ليها

ولو عايز تعرف الرصيد هيجيلك عادي مجانا بعد كل مكالمه

a.yakout

الموضوع دا ممكن يتحكموا فيه يعني في موبينيل بيعمل المرة الاولي في اليوم ب 1 قرش و المرة البعد كدا ب 10 قروش
يعني ممكن يتحكموا فيها يخلوا مثلا 3 مرات مجانا و بعد كدا بفلوس

المشاركة الأصلية كتبت بواسطة mramzy

مش عارف ايه اللى حصل والشركات اتغيرت ليه بجرب اشوف رصيدى امبارح عند طريق *555# لقيت بيقول لمعرف الصيد ب 5 قروش ومبقاش يجيب الرصيد بعد المكالمه
هو احنا بنطلع لقدام والثورة ترخص
والا نقفل شركات ونقلل مرتبات ونرفع اسعار
ده غير موضوع خصم 51 قر ش من الرصيد كل شهر

انت ممكن تعرف رصيدك فى اتصالات ببلاش عن طريق قائمة خدماتى فى الموبايل هتجبلك الرصيد ببلاش
انما حكاية ال 51 قرش انا اول مرة اعرف من حضرتك بصراحة

المشاركة الأصلية كتبت بواسطة shaddadfalcon1

موبينيل بقت برده بتاخد حوالي قرشين او اربعه بعد ماكان ببلاش
ده غير ان اوقات كتيير بحس انهم بيسرقو
يعي المفروض بعد كل مكالمه بيجبلك سعر المكالمة والمده ومن فتره لاحظت ان الرساله مش بتطلع او بتطلع وفميش كلام مكتوب ولاحظت بعد كده ان الرصيد بيخلص بسرعه وساعات بيحاسبني علي المكالمه لموبيل موبينل بنفس سعر الخطوط التانيه مع ان المفروض يبقي ارخص

عامة شركات الموبايل مش ناس قاعدة تعد الدقايق بتاعتنا وتخصم من الرصيد دى حاسبات آلية والحاسب الآلى ممكن يعطل يهنج لكن استحالة يغلط لأنه ببساطة له البيانات ليها مجرى معين لو خرجت براه باظت وبكدا نقول الحاسب هنج وبعدين هما بينبهوا انهم هياخدوا قرش من الرصيد مش بياخدوه على طول

هما لما يحبوا يضحكوا علينا بجد يبقى عن طريق المسابقات اللى بيعملوها دى اللى فعلا ممكن نقول عليهم بيسرقونا فيها بس برضه انا منطقيا أكسب ليه حاجة انا متعبتش فيها ؟؟

وحكاية انه يحاسبك على موبايل موبينيل بنفس سعر فودافون مثلا ؟ وانتى مشتركة على نظام فيه موبينيل ارخص دا مستحيل أكيد حضرتك مش فاهمة النظام كويس كلمى 300 مجانا هتعرفى أكتر عن الأنظمة

المشاركة الأصلية كتبت بواسطة أحمد كمال

موضوع موبينيل بسعر فودافون تفسيره الوحيد ان الرقم المتصل به نمرة 012 بس صاحبها حول لفودافون

تصدق فعلا ممكن يابوكمال
يعني الواحد كده بيتبعت من الناس :)