حد سمع عن عربية نوعها جوميرا

السلام عليكم:
اليومين دول ببحث عن عربية ابدأ اتعلم عليها وقررت ابدأ ب 128 زي معظم الناس ما نصحوني - لكن صديق لى اتصل بي:b4_564: وقال لى انه شافلي عربية فيها باورز وزجاج كهربا وكماليات كنتييييييير وسعرها 13 الف بس - لكن مشكلتها انها نزلت مصر سنة واحدة بس و العربية دي اسمها جوميرا وبيحكيلى انها شبه 132 لكن كشافها مستطيل وموديل 80 وكل قطع غيار 132 بتركب عليها - بحثت على النت ملقتش كلمة واحدة مكتوبة عنها ولا حد باعها ولا حد اشتراها قبلى - حاولت اتأكد من الاسم منه اكد لي ان اسمها جوميرا - فهل حد شاف العربية دي او عنده اي معلومة عنها

بصراحه اول مره اسمع الاسم ده بس ممكن يكون حد سمع عنها قبل كده استنى باقي الاعضاء

طب مقالكش هيا بلدها ايه ؟ جايز نعرف نساعدك

ممكن ( ارجينتا )

http://www.auto-sep.com/fiat80/images/argenta.jpg

http://www.targhenere.net/gallery/im...clima84fil.jpg

لا هو كل اللى قاله اسمها جيميرا او جوميرا وشبيهة بال 132 لكن كشافها مريع وبيركب لها كل قطع غيار 132 ومكيفة وفيها باور وزجاج كهرباء وموديل 1980 ومنزلش منها غير الموديل دا بس.

اقتباس:

---

المشاركة الأصلية كتبت بواسطة al_manara

ممكن ( ارجينتا )

http://www.auto-sep.com/fiat80/images/argenta.jpg

http://www.targhenere.net/gallery/im...clima84fil.jpg

---

تصدق معاك حق لان كل اللى قاله بينطبق على العربية اللى حضرتك عارض صورها

بفضل مشاركتكم وجدت موضوع عن السيارة دي هنا فى المنتدى
بسم الله الرحمن الرحيم . مقدم هذا الموضوع اخوكم الشيخ طارق ابوذيد تاجر قطع غيار استيراد . السياره المانيه الصنع وهى تشبه كثيرا السياره 132 والموتور والعفشه واحد تقريبا مع اختلاف بسيط فى المقصات فى اطول 1سم . اما بالنسبه الى شكل الصالون من الداخل فهو من اجمل صالونات السيارات فى ذاك الوقت فالسياره اخر موديل لها 1984 وهى كانت سياره كامله الاوصاف فمعظمها كانت اوتوماتيك ومكيفه وبور وزجاج كهرباء وفرش داخلى تحفه ولكن عيبها الوحيد هو قله قطع غيار السياره سواء جديد او استيراد ولكن قطع غيار الموتور والعفشه كلها 132 ولكن للاسف بودى السياره بالكامل لا يوجد بديل له . ولكنها بالفعل من اجمل السيارات لولا عدم توافر قطع الغيار بوفره لكانت احسن سياره فيات . واخيرا ادعو للساده زوار الموقع بدوام الصحه والعافيه والسلام عليكم ورحمه الله وبركاته .

اللى نزل بالمواصفات اللى بتقول عليها هيا الارجينتا

اقتباس:

---

المشاركة الأصلية كتبت بواسطة Hany A Fattah

اللى نزل بالمواصفات اللى بتقول عليها هيا الارجينتا

---

ايوة بس انا استنتجت ان زميلى يكون اخطأ فى الاسم وبدل ما يقول ان اسمها ارجنتا قالى ان اسمها جوميرا خاصة انه قالى ان كشافتها وشبكتها وصاجها غير متوفرين فى حين ان باقى قطع غيارها هي قطع غيار 132 - والكلام دا بالظبط مذكور فى موضوع الشيخ طارق جزاه الله وجزاكم كل خير
"رابط الموضوع"
http://...........com/vb/showthread.php?t=51224&page=4

ياباشا ممكن يكون يقصد فيات ارجنتا هى دى اللى شبه 132 وفعلا مفيش منها كتير فى مصر ونازله بكل الكماليات ده اكيد قصده

اقتباس:

---

المشاركة الأصلية كتبت بواسطة mrghost

ياباشا ممكن يكون يقصد فيات ارجنتا هى دى اللى شبه 132 وفعلا مفيش منها كتير فى مصر ونازله بكل الكماليات ده اكيد قصده

---

بالظبط كدا - هل يا ترى 13 الف جنيه مناسب كسعر للعربية الارجنتا؟ مع العلم ان فيها اربع فرد كاوتش جداد وبطارية جديدة

زميلنا قالو الكلام اللى كنت عايز اقوله
ونصيحة من اخ ابعد عن اى عربية مش معروفة لان حضرتك لسه بتتعلم يعنى وارد لقدر الله السيارة تتخبط ينكسر فانوس الحاجت ديه كلها لو فى عربية مش منتشرة وموجوده بكثرة فى مصر وسعر قطع غيارها غالى ومش موجوده بسهولة يبئا انت اللى هتتعب نفسيا وماديا على متجيب ليها حاجتها ده غير الوقت.
شوف حد يتقى الله فيك ويكون ثقة يجبلك عربية 28 او حتى 27 القديم واتعلم فيها واتودك فى السواقة واعرف الميكانيكية والعفشجية وبتوع الفرامل وقطع الغيار ولما ربك يكرم وتبئا تمام بعها وزى متجيب وقتها وهات العربية اللى نفسك فيها .
والعربية اللى حضرتك بتتكلم عليها ديه شكل صاحبها عايز يدبسها لاى حد مش فاهم
وربنا يكرمك ويبعد عنك الناس اللى عايزة تعمل عليك شغل

اقتباس:

---

المشاركة الأصلية كتبت بواسطة specialist50

بفضل مشاركتكم وجدت موضوع عن السيارة دي هنا فى المنتدى
بسم الله الرحمن الرحيم ...............

واخيرا ادعو للساده زوار الموقع بدوام الصحه والعافيه والسلام عليكم ورحمه الله وبركاته .

---

السلام عليكم و رحمة الله و بركاته

أنا -لو الموضوع مايعتبرش دعاية و لا حاجة- كنت عاوز أعرف شغال فى عربيات ايه يا أستاذ طارق و فاتح فين ؟؟

شكرا و جزاكم الله خير.