استفسار بخصوص صيانة ال 40000 كم

**yalahwy2010** · 24-02-2012 04:09 PM

انا كنت عايز أعرف هعمل ايه فى صيانة ال 40000 كم
اصل انا بفكر اعملها بعيد عن التوكيل لو مافيهاش حاجة مهمة
وعايز أجيب زيت غير موبيل اللى بيغيروا بيه
انا كنت شوفت فى الكتالوج بتاعها ان اللى هيتعمل
1. طبعا زيت وفلتر
2. تغيير فلتر الهوا كل 20000 كم ...(انا بفكر أجيب فلتر k&n ....ايه رأيكم فى الفلتر ده ويعمل كام ومنين...وهل هيرضوا يركبوه فى التوكيل؟.)
3. فحص خلوص الصمام...(يعنى ايه خلوص الصمام ده؟؟)
4. فحص وضبط سيور الادارة؟؟؟!!!..........(ما المقصود بسيور الادارة؟؟؟)
5. متهيألى مش محتاج أغير زيت الفتيس ......هم كاتبين ان فى الظروف الشاقة يتغير على 60000 كم........ولا عادى يتغير على 120000 كم......متهيألى مصر مش من الاماكن اللى فيها الجو حار....ولا ايه؟؟؟

مستنى ردود الوحوش

**yalahwy2010** · 11-03-2012 11:37 PM

فين الردود يا رجالة
الصيانة ميعادها قرب

**SAMEH_FOUAD** · 12-03-2012 09:26 AM

المشاركة الأصلية كتبت بواسطة yalahwy2010

انا كنت عايز أعرف هعمل ايه فى صيانة ال 40000 كم
اصل انا بفكر اعملها بعيد عن التوكيل لو مافيهاش حاجة مهمة
وعايز أجيب زيت غير موبيل اللى بيغيروا بيه
انا كنت شوفت فى الكتالوج بتاعها ان اللى هيتعمل
1. طبعا زيت وفلتر
2. تغيير فلتر الهوا كل 20000 كم ...(انا بفكر أجيب فلتر k&n ....ايه رأيكم فى الفلتر ده ويعمل كام ومنين...وهل هيرضوا يركبوه فى التوكيل؟.)
3. فحص خلوص الصمام...(يعنى ايه خلوص الصمام ده؟؟)
4. فحص وضبط سيور الادارة؟؟؟!!!..........(ما المقصود بسيور الادارة؟؟؟)
5. متهيألى مش محتاج أغير زيت الفتيس ......هم كاتبين ان فى الظروف الشاقة يتغير على 60000 كم........ولا عادى يتغير على 120000 كم......متهيألى مصر مش من الاماكن اللى فيها الجو حار....ولا ايه؟؟؟

مستنى ردود الوحوش

1- تغير فلتر k&n عادى جدا هتغيرة مافيش مشاكل

2- بالنسبة للزيت هات معاك شيل الترا او الزيت اللى يعجبك واديلهم الزيت وقولهم انا عايز احط دة بردة مش هيتكلموا

3- فحص خلوص الصمام يعنى هيراجع على التاكيهات بتاعة السيارة

4- سيور الادارة هية ( سير الدينامو + سير التكييف + سير الكاتينة )

5- زيت الفتيس بيتغير عند 60000 الف كيلو لسة شوية علية بس خليهم يكشفوا على المقاس بتاعة

شوف الصيانة دية كلها المهم فيها اللى يتعمل فى التوكيل هو ( ظبط خلوص الصمامات ) بس كدة غير كدة اى حاجة برة

وبعدين اية اخبار تيل الفرامل معاك خليهم بردة يكشفوا علية

**SAMEH_FOUAD** · 12-03-2012 11:11 AM

المشاركة الأصلية كتبت بواسطة yalahwy2010

ألف شكر يا سمسم على ردك
معلش عندى كام سؤال تانى.....معلش استحملنى......انا جديد فى السيفك وما بحبش أعمل أى حاجة فى العربية الا لما آخد رأى رجالة المنتدى
هو السيفك بتاخد كام لتر زيت؟؟؟؟؟؟
أجيب فلتر k&n منين؟؟؟......وسعره كام تقريبا؟؟؟؟.......
تيل الفرامل عندى بيصفر وعايز أغيره.......وكنت قريت قبل كدة انك قولت الرمسا الأسبانى أحسن من الأصلى.......وأنا ناوى ان شاء الله أجيب رمسا.......بس أجيبه منين؟.؟؟؟.....مكان ثقة يعنى؟؟؟
الصيانة دى تتكلف كام كمصنعية بس.......انا بصراحة الواحد بيصعب عليه الفلوس اللى بتدفع على حاجة هايفة فى التوكيل.........بيضربوا فى جيبهم أكتر من 300 جنيه فى تغيير زيت .......هل انت شايف انى لو عملتها برة يبقى أفضل...........ولو هعملها برة .....ترشحلى مين؟؟؟؟؟..........وأدفع كام فى الحاجات دى كلها
معلش هتعبك معايا

العربية بتاخد 3.7 بفلتر الزيت

هتجيب فلتر k&n وتمنة يتراوح من 200 الى 250 جنية وهتجيبة من ش دمشق او من محل الريس اللى امام مجدى الدسوقى فى الحرفيين

* موضوع التيل الريمسا دلوقتى انساة خالص لان خاماتة بقت وحشة جدا وبيصفر تقريبا بقى مضروب نفس الكلام للتيل ال niseen بقى مضروب دلوقتى حضرتك تجيب التيلل اليبانى العادى وسعرة مش هيعدى ال150 جنية واهم حاجة تشوف خامتة لازم تكون مافيهاش نحاس وتكون ناعمة مش خشنة

زى ماقولتلك تغير زيت وفلتر فى البنزينة لو هتحط على سبيل المثال شيل الترا يبقى التكلفة كلها بالزيت والفلتر ( 250 جنية زيت + 40 جنية فلتر + 5 جنية رسوم تغير الزيت ) هنقول 300 جنية

تغير فلتر الهواء حضرتك غيرة بنفسك دة سهل جدا لان بيتحط مكان الفلتر العادى ولو عايز توديها لميكانيكى عشان بالمرة تيل الفرامل يبقى التكلفة كلها لن تتعدى ال30 جنية

يبقى المشوار كلة ( تغير زيت + فلتر + تيل فرامل امامى + فلتر هواء )= 330 جنية باقصى الاحوال 350 جنية دة على افتراض يعنى

شوف هو التيل مش محتاج واحد محترف قولى بس حضرتك ساكن فين بدل ماتروح مشوار لاخر الدنيا عشان تغير تيل فرامل لان حضرتك ممكن مع الوقت بتغيرة بنفسك لو عايز

وعموما لو عايز مثلا فى الحرفيين هتلاقى ( جاسم - عصام )

**SAMEH_FOUAD** · 12-03-2012 11:28 AM

المشاركة الأصلية كتبت بواسطة hany63

فلتر k&n بيعمل دلوقت 410 جنيه عند عادل وجدي في الحرفيين خلف الثلاثي بتاع الزجاج
و لو العربيه لسه في الضمان اعملها في التوكيل احسن و خد معاك الزيت و فلتر الهوا مش هايقولوا حاجه

410 جنية دة غالى جدا انا عارف ان حضرتك جايبة بالسعر دة

شوف انا كلمت محل وهيجيبلى سعرة اخر اليوم

لان ممكن يكون عادل وجدى مبالغ فى سعر الحاجة

**haythamkmal** · 12-03-2012 12:26 PM

1.بالنسبة لفلترالزيت الاصلى هتلاقى موجود فى التوكيل ب 48 جنية عند مجدى الدسوقى ب 45 جنيه .
2- فلتر الهواء 140 توكيل و 120 مجدى وممكن تجيب k&n بــ 410 من عن عادل وجدى زى م الاستاذ هانى قال ،وانا مركبة عندى ممتاذ بس لازم تواظب على نظافتة على الاقل كل 5000 كم مش زى ما هم كاتبين علية ، وده فلتر لا يتم تغييره الا اذا باظ (و لازم تشترى 2 اسبراى معاه بتوع التنظيف ) .
3- ظبط التاكيهات (انصحك تعملها عندهم لان ليها ظبطة فى البارد والساخن ... )
4- سيور الادارة زى ما سمسم قال (تكيف ، دينامو) مع العلم ان الكاتينة الخاصة بالهوندا جنزير وليست سير .
5- زيت الفتيس خليك على ال60 معقول بس متزودش عن كده افضل.

المشاركة الأصلية كتبت بواسطة yalahwy2010

انا كنت عايز أعرف هعمل ايه فى صيانة ال 40000 كم
اصل انا بفكر اعملها بعيد عن التوكيل لو مافيهاش حاجة مهمة
وعايز أجيب زيت غير موبيل اللى بيغيروا بيه
انا كنت شوفت فى الكتالوج بتاعها ان اللى هيتعمل
1. طبعا زيت وفلتر
2. تغيير فلتر الهوا كل 20000 كم ...(انا بفكر أجيب فلتر k&n ....ايه رأيكم فى الفلتر ده ويعمل كام ومنين...وهل هيرضوا يركبوه فى التوكيل؟.)
3. فحص خلوص الصمام...(يعنى ايه خلوص الصمام ده؟؟)
4. فحص وضبط سيور الادارة؟؟؟!!!..........(ما المقصود بسيور الادارة؟؟؟)
5. متهيألى مش محتاج أغير زيت الفتيس ......هم كاتبين ان فى الظروف الشاقة يتغير على 60000 كم........ولا عادى يتغير على 120000 كم......متهيألى مصر مش من الاماكن اللى فيها الجو حار....ولا ايه؟؟؟

مستنى ردود الوحوش

**SAMEH_FOUAD** · 12-03-2012 01:01 PM

المشاركة الأصلية كتبت بواسطة yalahwy2010

أنا ساكن فى الزقازيق.........بس كدة كدة هكون فى القاهرة.....عندى شقة فى التجمع الأول.....فا الحرفيين أقرب حاجة لى
بالنسبة لفلتر الزيت.........هل أى نوع بيمشى عادى؟؟؟؟......ولا فى نوع مخصوص للسيفك أجيبه من مجدى الدسوقى
ممكن أعرف بالظبط أوصل ازاى لمجدى الدسوقى.........يعنى جنب ايه ؟؟؟.....انا طبعا هسأل فا يا ريت لو حاجة معروفة أول ما أوصل الحرفيين أسأل عليها.
بالنسبة للتيل يا سمسم........انا كدة احترت خالص........انا عايز حد أروح أشترى منه التيل وأعرف النوع اللى هشتريه
انا بقلق من التجار......مابيصدقوا يلاقوا حد مش عارف ويلبسوه علطول
يا ريت لو توصفلى المكان اللى أشترى منه ......والنوع اللى أشتريه
وألف شكر ليك يا كبير

هتجيب فلتر الزيت الاوريجينال هتلاقية موجود فى علبة بيضاء عليها استيكر احمر مكتوب علية سيريال , وصنع فى اليابان طبعا بالانجليزى , وهتفتح العلبة هتلاقى الفلتر متبرشم بالبلاستيك وعلية ختم هوندا اللى هو حرف ال h وتحتية كلام كتير وتمنة فى البنزينة اخر مرة انا جايبة ب 40 جنية وعند مجدى الدسوقى ب45 جنية

بالنسبة للتيل زى ماقولتلم مافيش قدامك غير التيل اليابانى لان nissen مضروب دلوقتى وغالى على الفاضى , بالنسبة للمكان انا احتمال اخر الاسبوع اخير التيل لو لقيت النوع اللى ركبتة كويس او خاماتة حلوة هقولك تجيبة منين او اسمة اية لانى مش باخد بالاسم باخد بالخامة

مجدى الدسوقى اول لما تدخل منطقة الحرفيين هتلاقى لوحة كبيرة عليها اسمة لانة فى اول مدخل الحرفيين