هل هذه مشكلة فى فتيس النترا ولا ده عادى؟؟؟؟

انا معايا النترا 2010 لسه شاريها مستعملة وعاملة 28000 الف كيلو ,انا بحس بنفلات الفتيس زى ما يكون فيه خطفة او نتشة بسيطة بتحصل تحصل كده فى العربية ساعو الغيار او النقلة , هل ده طبيعى ولا دى مشكلة او انا عشان مركز معاها ؟؟؟؟؟؟؟؟؟؟؟؟ انا مش عارف هو المفروش فتيس النترا بحس فيه بالنقلات ولا هو سى فى تى مبحسش فيه بالنفلات خالص , ياريت يا جماعة تتطمنونى عشان قلقان بجد ,او حتى حد يعرفنى المفروض احس بـأيه ساعة النقاة بالضبط يعنى ايه الطبيعى؟؟؟؟؟؟؟؟؟؟؟؟؟؟

النتشه دي بقالها كتير و لا ظهرت فجأه بعد (مطره_غسيل موتور ....)
و هل النتشه دي و العربيه سخنه و لا سخنه و بارده
و متقلقش العربيه في الضمان و أي حاجه فيها هاتتغير ببلاش

بس ياباشا انا اشتريت العربية الاحد اللى فات ولسه واخد بالى من الخطفة او النتشة دى امبارح معرفش عشان انا مركز فيها ولا ايه , من غير ما تسخن وهى باردة ولا مطرة او غسيل , هو طبيعى انى احس بالنقلة فى الالنترا اصلا

طيب ..
الموتور شكله مغسول ؟

اه شكله مغسول

طيب حضرتك تطلع علي التوكيل و تخلي المهندس يكشف عليها و ههو هايغير حساسين علي الضمان و هاترجع اعربيه زي الأول إن شاء الله
و متغسلش الموتور بالمياه أبدا بعدها
علي فكره المشكله متكرره للناس اللي بتغسل موتور عربياتها
\بالتوفيق

طيب ياباشا هو طبيعى انى احس بالنفلات فى فتيس التترا ولا ما بحسش خالص؟؟؟؟؟؟؟؟

لأ طبعا مش طبيعي إن النقله يبقي الواحد حاسسها و كأنها نتشه دي علامه علي وجود مشكله

طيب بتتحس على انها خطفة خفيفة ولا المفروض متتحسش اصلا

النقلات في الأوتو الهيونداي بتبقي غير محسوسه و لو حتي دايس كيك داون أقصي حاجه ممكن تحس بيها و ده في الكيك داون إن الفتيس ممكن يأخر النقله أو الإستجابه و دية أعراض مشاكل تانيه
غنما العربيه تنتش و ترزع دي تبقي المشكله اللي بنتكلم فيها و هي مشكله بسيطه و مش ميكانيكيه و لا عيب في العربيه دا عيب مستخدم قديم ميعرفش غن المواتير دي مبتتغسلش

أنا سقت العربية دى كتير 2009 .. و عمرى ما حسيت بالنتشة دى خالص.

عمرى ما حسيت بالنتشة دى فى عربيتى
زور اقرب مركز صيانة معتمد واكشف على العربية وان شاء الله تطلع بسيطة

وانا برده عمري ما حسيت بالنتشة دي في 2009 ... متغسلش الموتور بالمياه ... لا أظن انو عيب صناعه لان المشكلة دي كانت في التيوتا الجنوب افريقي و سحبوها يصلحوا العيب ده انما هيونداي عمرها محصل فيها كده عليك و التوكيل

يا جماعه دي مش مشكله جامده و مش مشكله في الفتيس نفسه كل ما في الامر إن فيه حساسين أسمهم (a&b) بيدخلهم مياه فمبيقوموش بوظيفتهم و بس

انا عربيتى 2008 و كانت نفس المشكلة فى الحساسين و طبعا علشان انا جديد فى الموضوع مشيت عليها و غيرت حساسين و ضفيرة لان الباشا اللى قبلى كان بيغسل الموتور بمياه

انا معايا الالنترا 2006 وبحس برضه بنتشة بين الغيار الاول والتاني ومش في كل الاوقات يعني ممكن تظهر مرتنين او تلاتة في اليوم وفيه ايام مبتظهرش فيها خالص وبرضه بتظهر والعربية باردة او سخنة بس انا مش بفكر فيها اوي وسايبها كده..

اقتباس:

---

المشاركة الأصلية كتبت بواسطة eslam9002011

انا معايا النترا 2010 لسه شاريها مستعملة وعاملة 28000 الف كيلو ,انا بحس بنفلات الفتيس زى ما يكون فيه خطفة او نتشة بسيطة بتحصل تحصل كده فى العربية ساعو الغيار او النقلة , هل ده طبيعى ولا دى مشكلة او انا عشان مركز معاها ؟؟؟؟؟؟؟؟؟؟؟؟ انا مش عارف هو المفروش فتيس النترا بحس فيه بالنقلات ولا هو سى فى تى مبحسش فيه بالنفلات خالص , ياريت يا جماعة تتطمنونى عشان قلقان بجد ,او حتى حد يعرفنى المفروض احس بـأيه ساعة النقاة بالضبط يعنى ايه الطبيعى؟؟؟؟؟؟؟؟؟؟؟؟؟؟

---

باشا لو نتشه خفيفة زى منتى بتقول ده شىء طبيعى وعادى انا كنت شارى عربية النترا 2011
جديدة وكانت فى نتشه خفيفه عند النقل لمل عملت صيانة 1000 فى التوكيل قلى ده شىء عادى عشان انت مركز معاه مكتفتش براى التوكيل ركبت مع واح صحبى عربيه كيا سيراتو ولقيت نفس النتشه فيها سألت واحد عنده عربيه ديهاتسو واحد عنده تويوتا كرورولا 2007 كله اتوماتيك طبعا
قلولى ده شئ طبيعى ان يكون فى نتشه خفيفه عند النقل وانصحك متركز كتير معها إلا اذا حسيت ان النتشه مديئاك فعلا