طبعا كلنا فوجئنا بنزول اللوجان الاوتوماتيك اليومين دول .. وطبعا لظروف الزحمه وشوارع بلدنا وقرف سواقة المانيوال فأصبح الاوتوماتيك اساسى ف عربياتنا مش كماليات .. ولأن كلنا حبينا اللوجان ومتفقين انها عربية شامله كامله وطبعا اصبحت اكثر شمولية بعد نزول الاوتوماتيك ف ناس كتير نفسها تبيع المانيوال و تجيب الاوتوماتك .. انا حبيت بس انقل مشاركة أحد اصدقاءنا وهو الاخ يوسف محمد فى جروب اللوجان ع الفيس بوك .. الاستاذ يوسف كان كاتب رقم المختص بقسم السيارات المستعملة في رينو و هو الاستاذ احمد طعيمة .. انا اتصلت بالاستاذ احمد و سألته عن امكانية استبدال المانيوال المستعملة بواحده اوتوماتيك زيرو و الراجل تفضل مشكورا وشرحلى نظام الاستبدال .. مفروض انك بتروح تحجز لوجان اوتوماتيك في التوكيل (دفعة الحجز 10000 جنيه) وطبعا الاستلام بيكون بعدها ب 3 أو 4 شهور .. قبل معاد الاستلام بيومين بتروحله بالعربية القديمه بيشوفها و يفحصها و يقدرها علي حسب حالتها و عامله كام كيلو وموديل سنة كام و بياخدها منك وبيسلمك الجديدة .. انا ماتعمقتش أوى ف المعلومات عشان ماعنديش النية حاليا للتغيير بس حبيت اعرض الامر عشان افيدكم ولتسهيل الامر علي ناس كتير ممكن يكونوا محتارين ف موضوع البيع .. رقم الاستاذ احمد طعيمه 01001675136 للي عايز يعرف معلومات اكتر