حراااااااااااااااااااااام يا توكيل قليوب ليه كدة بس اروح منك فين

يا جماعة أنا عضو لسة جديد فى المنتدى يوم السبت اللى فات انا رحت توكيل قليوب عشان صيانة ال 70000كم و كان عندى عدة مشاكل فى عربيتى الانسر موديل 2005 سبورت 1300 ولما سلمت العربية بعدها بشوية ندهو عليا و قالولى انى محتاج اغير تيل الفرامل الامامى و شوية حجات تانية كتير كدة و انا وافقت على كل اللى قالو علية و دفعت دم قلبى فى الاخر لكن لما جربت العربية ظهر فيها اصوات فى العجل الامامى يعنى غيرولى التيل و اللى ماكنتش بشتكى منه و دفعونى تمنه و كمان تمن تركيبة و فوق البيعة صوت زى الطقطقة كدة لما احود يمين او شمال
زى ما اكون عملت الصيانه دى عند الاسطى بلية و دفعت و كمان رضيت الرجاله و لسة عربيتى زفت

يجماعة انا راضى حكمكم دة مش حرااااااااااااااااااااااا اااام و لا انا غلطان
طيب لو التوكيل بيعمل كدة معانا و الميكانيكية بره معندهمش ضمير نصلح عربيتنا فين و لا لازم على كل مالك سيارة انه يتعلم ميكانيكا و برضه مش حتتصلح

ارجو من السيد مصراوى جدا (طارق زويل ) الرد على هذا الموضوع للاهميه

الاستاذ طارق برجاء بحث الموضوع والتحقق من الموضوع
وربنا يخليك لاعضاء المنتدى

http://www.imgall.com/img2/ef10dd3bc7.jpg

http://www.imgall.com/img3/12ba19a913.gif

انا كمان بعد ما كشفوا على الفرامل في التوكيل
رحت بعد كده كشفت عليها بره لقيت اللينات اللي بتبقى على التيل مش موجودة اظاهر نسيوا يحطوها
على العموم كنت المفروض تاخد التيل القديم و تشوفه بنفسك اضمن

بس الصراحة بشمهندس طارق و بشمهندس محمد عبد المنعم ما بيقصروش ابدا وقمة في الاحترام
بس للأسف الفنيين اللي هناك بعضهم مش برفكت اوي (كروتة يعني)

انا كنت فى صيانه 20000 فقلتلهم ان الفرامل بتطلع صفارة وكمان ضعيفه طحن المهم قالولى التيل عاوز يتغير وبعدين غيروا . المهم لقيت نفس العيب موجود صوت صفارة والفرامل ضعيفه جدا . المهم بالصدفه ماشى انا وواحد صحبى كل واحد بعربيته فقاللى دة الفردة اليمين قدام فيها رفه .رحت ظبطت زوايا وترصيص ولقيت الفرامل اتظبطت مفيش صوت وبقت اقوى بكتير . الخلاصه انهم فى التوكيل غيروا التيل وخلاص من غير ما يعرفوا هل دة فعلا العيب من التيل ولا لأ

اقتباس:

---

المشاركة الأصلية كتبت بواسطة wekaso

يا جماعة أنا عضو لسة جديد فى المنتدى يوم السبت اللى فات انا رحت توكيل قليوب عشان صيانة ال 70000كم و كان عندى عدة مشاكل فى عربيتى الانسر موديل 2005 سبورت 1300 ولما سلمت العربية بعدها بشوية ندهو عليا و قالولى انى محتاج اغير تيل الفرامل الامامى و شوية حجات تانية كتير كدة و انا وافقت على كل اللى قالو علية و دفعت دم قلبى فى الاخر لكن لما جربت العربية ظهر فيها اصوات فى العجل الامامى يعنى غيرولى التيل و اللى ماكنتش بشتكى منه و دفعونى تمنه و كمان تمن تركيبة و فوق البيعة صوت زى الطقطقة كدة لما احود يمين او شمال
زى ما اكون عملت الصيانه دى عند الاسطى بلية و دفعت و كمان رضيت الرجاله و لسة عربيتى زفت

يجماعة انا راضى حكمكم دة مش حرااااااااااااااااااااااا اااام و لا انا غلطان
طيب لو التوكيل بيعمل كدة معانا و الميكانيكية بره معندهمش ضمير نصلح عربيتنا فين و لا لازم على كل مالك سيارة انه يتعلم ميكانيكا و برضه مش حتتصلح

---

استاذي العزيز اولا اهلا بيك معانا في المنتدى

طبعا مركز صيانة التوكيل غير ورشة ميكانيكي في الشارع ، فاطمن حضرتك حقك محفوظ ومكتوب في آخر الفاتورة عند حضرتك ان خلال اسبوع من الاصلاح لو مش راضي عنه من حقك مراجعة مركز الخدمة بخصوص اي اصلاح تم فيه ، وانا باقول لحضرتك كمان اكتر من اسبوع لو ظروفك مش سامحة ، يعني شوف اي يوم يناسبك وبلغني بيه وشرفنا فيه ، وباذن الله المهندس عبد الجليل مدير الاستقبال هيطلع يختبر العربية الأول معاك ويشوف الشكوى بنفسه ثم يتم اصلاحها وانا علطول بابلغه بأي شكوى او استفسار سواء من ايميل او من المنتدى

شكرا للرد يا شباب و شكر خاص لبابا نويل الانسروية الباشمهندس طارق زويل
يا باشا ان شاء الله يوم السبت حكون هناك اتمنى اشوفك انا لما كنت هناك المرة اللى فاتت قلت اعدى عليك لكن اتكسفت عشان لسة مكنتش حتى اتكلمت معاك
المهم خيرها فى غيرها