النهارده غيرت مجموعة الدبرياج والفلولام لانه كان عامل خشانه فى الدواره واليكم الاسعار
اسطوانه يوغسلافى مقدونيا 105 جنيه
دسك يوغسلافى 130 جنيه
بلية الدبرياج روسى اصلى 55 جنيه
جميع هذه القطع محفور عليها بلد الصنع محفور وليس مكتوب
فورش وبليه صغيره كده للفورش واويل سيل تقريبا للجيربوكس مش عارف بتاع ايه 55 جنيه
تم تغيير العلبه الخصة بزيت الفرامل لاتها كانت مكسوره 18 جنيه
تم تغيير خراطيم زيت الفرامل والدبرياج بالكوليهات 8 جنيه
غيرت فلتر البنزين 5 جنيه
اما الفولام حكاته حكايه ما فيش منه جديد كله مستعمل انا كنت عاوز الترس بس
بس انا جيبت فولام كامل بالترس بسعر 75 بعد الفصال والراجل كان عاوز 120
مصنعية 100 جنيه الشغل من بعد صلاة الظهر حتى اذان المغرب
وعلى فكرة هو حل الجيربوكس مش الموتور
الاجمالى كده حوالى 550 جنيه
وان شاء الله اغير ترس البندكس بتاع المارش وادعولى
ويا رب يكون حد استفاد من تجربتى دى ولو حد عاوز يسأل على اى حاجه انا فى الخدمه