السفر بالياريس ...... تنصحوني بإيه؟

**goodwave** · 02-06-2008 01:34 PM

استاذ حسا م
شكرا لمداخلتك
ممكن أعرف قد إية المسافة بالظبط بين إسكندرية والبردويل (قبل العريش) ولو خريطة جوجل يبقى كتر خيرك.
وهل حضرتك بتتكلم عن الطريق الساحلى الجديد إللي من إسكندرية طوالي ولا طريق تاني من داخل القاهرة؟

وشكرا

**hazem_khidr** · 02-06-2008 01:47 PM

تروح و تيجي بالسلامه يا باشا
المشوار بالنسبه للعربيه مافيهوش مشاكل انا اخدتها من المحله للطور بالياريس و رجعت في نفس اليوم باجمالي مسافه 1000 كيلو والحمد لله مافيش حاجه
و روحت عملت صيانه ال 5000 و انا ماشي 7500 كيلو كمان و محدش اتكلم!!!.
بس زي ما محمد باشا قالك كده خدوا ميه و سير دينامو معاكم (45 جنيه في اي محل قطع غيار) و لعلمك بيركب علي العربيتين و بيبقي امان برضه.

**goodwave** · 02-06-2008 01:59 PM

حازم باشا
ربنا يكرمك ويبارك لك في عربيتك
والله طمنتني وريحتني وإن شاء الله يكون السفر سهل والطريق متيسر

**som3aa** · 02-06-2008 02:41 PM

العربية بقالها معايا 3 شهور ... تفتكر 4000 كم كتييير ؟؟؟

طيب بالنسبة لموضوع صيانة ال 5000 أعمل إية؟

لأ بالعكس كدا قليل جدا , المعدل الطبيعى حوالى 2000كم فى الشهر .

بالنسبة للصيانة انا برده بعملها متاخر اوى حوالى 2500 كيلو بعدها و مفيش مشكلة خالص عادى

**goodwave** · 02-06-2008 02:50 PM

som3a باشا
شكرا على المداخلة والتوضيح

**Hossam_Hassan** · 02-06-2008 02:55 PM

المشاركة الأصلية كتبت بواسطة goodwave

استاذ حسا م
شكرا لمداخلتك
ممكن أعرف قد إية المسافة بالظبط بين إسكندرية والبردويل (قبل العريش) ولو خريطة جوجل يبقى كتر خيرك.
وهل حضرتك بتتكلم عن الطريق الساحلى الجديد إللي من إسكندرية طوالي ولا طريق تاني من داخل القاهرة؟

وشكرا

انا معرفش المسافة من اسكندرية كام، بس انت لو وصلت بورسعيد او القنطرة، من هناك حوالى 150 كم للعريش و تقريبا 100 لبحيرة البردويل، بس المهم فين فى البحيرة لأنها ممتدة مع الطريق، للأسف معنديش جوجل ايرث فى الشغل و ان شاء الله لما اروح ابقى اظبطهالك.

**goodwave** · 02-06-2008 03:02 PM

استاذ حسام
جزاك الله كل خير
شوف انا إن شاء الله رايح بوغاز 2 في البردويل بس هم بيقولوا الدخول محتاج عربية دفع رباعي بس دي امرها إن شاء الله محلول بتأجير عربية نص نقل من البردويل.

بالنسبة للطريق من بورسعيد إلى البردويل هل هو كويس وفي إنارة وكدة ولا طريق وحش اصل إحنا إن شاء الله ناويين نسافر بالليل علشان إن شاء الله نكون في البردويل الفجر.

**ahmedfd** · 02-06-2008 03:10 PM

المشاركة الأصلية كتبت بواسطة hazem_khidr

تروح و تيجي بالسلامه يا باشا
المشوار بالنسبه للعربيه مافيهوش مشاكل انا اخدتها من المحله للطور بالياريس و رجعت في نفس اليوم باجمالي مسافه 1000 كيلو والحمد لله مافيش حاجه
و روحت عملت صيانه ال 5000 و انا ماشي 7500 كيلو كمان و محدش اتكلم!!!.
بس زي ما محمد باشا قالك كده خدوا ميه و سير دينامو معاكم (45 جنيه في اي محل قطع غيار) و لعلمك بيركب علي العربيتين و بيبقي امان برضه.

بسم الله ما شاء الله.. الف كيلو صد رد في يوم واحد ده رقم قياسي... الياريس ما شاء الله عربية تسد 100% بدون أدنى مشكلة إن شاءالله بس المشكلة في الصحة .. ربنا يباركلك في ركبك و ضهرك يا حازم باشا :) (مش حسد و الله).
الحقيقة أنا سمعت عن الأرقام دي بس بيعملها الناس السوواقين عندنا في الشركة و ممكن يكون جزء منها كمان في مدقات في الصحرا.
طب تخيلوا ده ممكن يكون موضوع جديد إيه أكثر مسافة سقتها مرة واحدة .. إيه رأيكو؟ بس طبعاً موضوع تاني مش هنا علشان goodwave ميدعيش علينا.

**MMamdouh** · 02-06-2008 03:11 PM

do don't need to do anything to your car... actually i don't recommend going to the agency before you travle as they might mess anything up and you will end up in problems on the road... don't fix it unless it is broke

drive safly... and God bless you

MMamdouh

-

الموضوع: السفر بالياريس ...... تنصحوني بإيه؟

LinkBack

أدوات الموضوع

عرض

-

-

-

-

-

-

المواضيع المتشابهه

عايز أشتري موتوسيكل تنصحوني بإيه ؟

تنصحوني بإيه يا جماعه في سياره من 30 الف ل 35 الف

معايا عشرين ألف وعايز 28 تنصحوني بإيه

تنصحوني بإيه ؟

تنصحوني بإيه ؟؟

الكلمات الدلالية لهذا الموضوع

المفضلات

المفضلات

ضوابط المشاركة