نداء الى ملاك a113

**almosecar** · 25-02-2012 12:07 AM

السلام عليكم
بصراحه كنت عاوز اخد رايكو فى موضوع بخصوص الاسبيرانزا a113 نزلت اليوم انا واخويا لكى نشتريله العربيه دى وفعلا لقيت عربيه موديل 2010 عامله 114000 كيلو وحالتها كويسه جدا فبريكه من برا ومن جوا بس كان عاوزها غاليه شويه 42000 جنيه المهم فاصلت معاه فى 1000 وطلعنا بيها مشيها زى الفل بس اتفاجئت بان الدبرياج ثقيل جدا جدا وبيه صوت تزييقه فسالته فقالى كل الa113 كده فبعد ما دفعتله عربون سحبته تانى ورجعت العربيه فسؤالى هل كل العربيات كده دبرياجها ثقيل وبيه صوت يا ريت خدمه منكم تردو عليا لان العربيه عجبانى وعاوز اخدها لاخويا فارجو الرد والاهتمام واسف على الطاله

**sv065** · 25-02-2012 01:02 AM

وعليكم السلام ورحمة الله

أعتقد كتير 114000 كم علي موديل 2010 جدا بمعني العربية معدل إستهلاكها العام عالي ويفضل كم أقل لهذا الموديل في حدود 40000 كم مثلا

وأدعو الله أن يوفقك في الشراء ولا تنسي الإستخارة

خالص تحياتي

**M_Marwan** · 25-02-2012 01:08 AM

ديه كده غاليه جدا على العداد ده !!!! دور فى كونتاكت حتلاقى حاجات ماشيه اقل من كده كتيير وبنفس السعر

**almosecar** · 25-02-2012 11:53 AM

انا اسف يا جماعه انا غلطت فى الرقم هى ماشيه 14000 بس وسؤالى هل كل الموديل ده الدبرياج بتاعهم ثقيل ارجو الرد وشكرا للجميع

**osa92003** · 25-02-2012 08:00 PM

لا طبعا الدبرياج خفيف جدا ده واضح ان فيه مشكله فى مجموعه الدبرياج وممكن يكون الفتيس كمان نصيحتى الكشف عليها فى مركز معتمد عند المتحده فى طريق الدائرى انت هتدفع 42 الف ومش علشان 10 الاف جنيه فرق عن الجديده تتدبس؟؟؟؟؟؟؟