سؤال عن الجاكيت السيفتى

**bassoom007** · 25-02-2012 02:07 AM

مساء الخير يا اقوى بايكرز فى الوطن العربى ...كنت عاوز اجيب جاكيت سيفتى يكون قوى وبيستحمل بس اهم حاجة يكون مش علية لوجوهات او استيكرات يكون سادة وبرضة مش يكون سعرة جامد اوى لانى لقيت حاجات ب 3000 و2000 جنية ....لقيت عند احمد فهمى فى العجوزة حاجات alpine star بس صينى وقالى دة اصلى ...بس بصراحة مغليه اوى 1500 جنية (هو مغلوانى شويه) ...حد يعرف واحد تانى بيبيع جواكت غيرة وتكون نظيفة ويكون معاملتة وسعرة احسن من كدة ..او لو حد يعرف احمد فهمى شخصيا يعملنا واجب ....فى النهاية مستنى ردودكم وشكرا مقدما

**bassoom007** · 25-02-2012 05:39 PM

يعنى 32 واحد شاف الموضوع ومحدش هان علية يرد بنص كلمة ....عموما متشكريين اوى ليكو ..وانسو الموضوع خلاص ...انا أسف لوقتكو ..

**Hesham94** · 25-02-2012 06:46 PM

السلام عليكم اولا

ثانيا مش كل اللى هنا من القاهرة ياباشا علشان كده ممكن ميكونش فى ردود

ثالثا ماتزعلش لان هنا احنا كلنا ايد واحدة لكن كل ما فى الحكاية ان ماحدش راضى يفتى فى الموضوع

وانا حقولك مكان ان شاء الله حتلاقى عنده حاجات حلوة اوى رغم اننى من الاسكندرية

فى واحد فى الحى السابع بمدينة نصر جنب مطعم ابو رامى اسمه bikes house لسه فاتح جديد عنده اسعار جااامدة

تبقى روح شوف عنده

**sno7y** · 25-02-2012 08:11 PM

بص يا سيدى انا اعرف واحد بيجيب السيفتى من بره باسعار حلوه جدا لو انتا بتفكر قولى وابعتلك نمرته على الخاص واسمه

**zoom2zoom** · 26-02-2012 02:48 AM

نصيحه خلي حد يجيبهولك من برا

**Melego323** · 26-02-2012 08:18 AM

Jackets Directory of Jackets Products from China Wholesalers, Manufacturers, Suppliers and Exporters

**Melego323** · 26-02-2012 08:43 AM

الجاكت ال alpinastars دا الحمد لله شال منى حادثة جامدة
بس طبعا مش جايبه بالسعر اللى حضرتك كاتبه دا
انا شاريه من هنا بسعر اقل كتير اوى

**bassoom007** · 26-02-2012 08:28 PM

الحمد لله ربنا رزقنى بجاكيت سيفتى alpinestar بعد ما لفيت كتيير ....اقوى واجمد وارقى واكبر تشكيلة من حيت الاسعار والالوان والمقاسات عند احمد فهمى فى العجوزة...الجاكيت تقييل جدا من كتر السيفتى اللى فية الصدر والظهر والكتاف والذراع والكوع فعلا حاجة محترمه....شكرا ياجماعة ليكو جدا