يارت ياجماعة اللى عندو فكرة او طريقة تانيه بتتسرق بيها الصفحة يفيدنا
‫شوفو ازي بيسرقو صفحتك من ال فيس بوك‬‎ - YouTube
عرض للطباعة
يارت ياجماعة اللى عندو فكرة او طريقة تانيه بتتسرق بيها الصفحة يفيدنا
‫شوفو ازي بيسرقو صفحتك من ال فيس بوك‬‎ - YouTube
جزاك الله خيرا
شكرا
جزاك الله خير .. معلومة مفيدة بجد
حركة قديمة جدا و بيقع فيها ناس كتير
نفس فكرة cgi webpage اللى كنا بنعملها
... ملغي
قديمه جدا وبيتسرق بيها حسابات بنيكه وفيزا واميلات .. واصبحت حركه يعني شبه روتينيه ومفقوسه
صفحه وهميه بنفس شكل الموقع الرسمي .. لكن اللي مستحيل يتقلد هو الادريس لينك
ملحوظه : هو بيقول ان مفيش www .. مش دة السبب .. ودة طبيعي عادي المواقع بتشتغل ب www او بدونها
لكن هو اللينك اصلا دومين اخر اخره .info .. ومعمول عليه صب دومين بشكل facebook.com
يعني ممكن نعمل صب دومين على نايل موتورز كدة
http:facebook.com.nilemotors.net/Nile/273959-a.html
مجرد تصحيح .. علشان الناس ماتركزش مع ال www .. وتسيب الدومين نفسه
والله انا بالنسبة ليا كانت معلومة جديدة وقلت يمكن محدش يكون عارفها
بس ياترى فى طرق تانية ؟ وايه الاحتياطات اللى الواحد ممكن ياخدها ؟
كنت سامعه بيقول ان ممكن حد يدخل على جهازى وياخد البيانات اللى عليه ...فعلا ممكن ؟
هديلك زاتونه الموضوع
محدش يقدر يخترق جهازك او يسرق حساباتك .. الا بمساعدتك
يعني ايه
يعني لازم انت تساعده .. طبعاً بدون ماتشعر
يعني زي الصفحة الوهميه دي .. انت لما فتحت اللينك .. عادي
لكن تكتب اليوزر والباس في صفحة وهميه .. هنا الغلط منك .. انت كدة قدمتله المساعدة
يخترق جهازك .. لازم توافق انت على استقبال ملف تجسس ( تروجن ) يتزرع في جهازك .. يتجسس عليك
ازاي هتوافق عليه بقى .. عن طريق ملف تحمله .. برنامج فيه فيروس .. اميل معاه ملف مرفق فيه فيروس .. الخ
ومانصحكش تفتح اي موقع بدون ماتدخل عليه من جوجل
لأن المواقع المفيرسه او الخداعيه .. بيكون عليها تحذير في جوجل .. وكمان تقدر تشوف هل الموقع جديد ولا موثوق فيه وقديم عالنت
الطريقة الوحيدة ال ممكن واحد ياخد بياناتك أو يقدر يدخل على جهازك ... إنه يصيبك بـ"تروجان" وال "تروجان" ده يكون مع كمان "باكدور".. الباكدور ده عبارة عن منفذ مخفي يستطيع إن يوصل لجهازك ويدخلوا عن طريقه .. بس كده ... مفيش طرق تانية نهائي ... ألا لو MicroSoft اللي حبت تعمل كده .. وفي برده Applications عالفيس بوك بتقولك إنك محتاج تحمل مثلا ال Flash أو Java أو Shockwave... كل ده طرق لتحميل الباكدور ده ... لو حصل حاجة كده .. خد اسم الحاجة اللي عايزة تتحمل وحملها من موقعها الأم ....
يا سبحان اللة أنا و DreAmO في نفس الوقت ... هههه
في طرق تانية
في طريقة إن أنا أعمل شبكة واي فاي واي بدون باسورد .... و أي حد يدخل عليها أعرف هو بيعمل ايه وايه كلمات المرور
وبالمناسبة أي حد شغال في موزع انترنت زي لينك مثلا يقدر يتابع اي حد ويعرف كل كلمات المرور اللي بيستخدمها
وطريقة تانية أن أنا ممكن أشوف كابل النت ورك اللي واصل و أخذ البيانات اللي بتتحرك
وطريقة تانية الناس اللي بتدخل سايبر انترنت ممكن يكون الجهاز عليه برامج تسجل كلمات المرور
وطرق تانية كتيييييييييير