عرض للطباعة
هو يا جماعة الموضوع ده يخص واحد صاحبي معاه نوبيرا و لسه مغير سير التقسيمة من حوالي اسبوعين بس هو ملاحظ ان صوت العربية علي السلانسيه مرتفع نسبيا و بيتهيالي ان مفيش سبب غير سير التقسيمة لانه ظهر بعد التغيير مباشرة فهل ممكن يكون السير مقدم سنه او حاجة يخلي الصوت يعلي و هو ماشي علي الوضع ده حوالي 400 كم . هو عاوز يعرف ازاي يتاكد من ان السير راكب صح و لا مقدم سنه و هل فيه ضرر علي الموتور من الفترة اللي فاتت لو السير مش مضبوط اوي . ارجو الافادة و شكرا
هوه لو مش مضبوط اكيد يأثر طبعا
بس هوه حاسس ان العربية مكتومة ؟؟ و الار بى م على السالانسية بيرعش ولا ثابت ؟؟
نوع البلي الي ركبه ايه لانه احتمال ارتفاع الصوت من البلي بتاع سير الكاتينة اما لو مقدم سنه ومشي 400 كم كان زمان الصبابات اتعوجت كلها فدا مستبعد لان العربية دايرة وماشية مظبوط
شكرا لكل من ساهم المهم انا ذهبت معاه امبارح لميكانيكي تاني و لقينا ان السير مش راكب بصورة سليمة تماما فتم فكه و اعادة تركيبه و طبعا غير البليتين بتوع الشداد و الموضوع و لله الحمد اتحل تماما و شكرا للجميع