تابع: الحمد لله اشتريت لانوس

**towfeq** · 25-02-2012 11:45 AM

السلام عليكم و رحمة الله و بركاته
معلش كنت مش موجود الفترة اللي فاتت
المهم
الحمد لله غيرت زيت ليكوي مولي..و هو باين عليه محترم..هي بس النقطة ان انا معنديش مقياس اذا كان الاداء اتحسن ولا لا..المهم هو ان شاء كويس لان السحب بيتحسن بالتدريج

المهم..عايز من الناس الافاضل بعد اذنكم تبعتوا اللينك بتاع تنظيف الايدل كنترول و البوابة و طريقة عمل الايدل ليرن بالتفصيل ..
بالنسبة للاخ mano كان بيسال علي السعر
خلصت 48500 بالعافية..ليه بقى...
العربية طبعا فبريقة جوا و رشة برة نظافة من غير معجون و من بره مفيش غير كام خدش في الحزام و العتب مكان الركن ..صالونها باسم الله ماشاء الله نظيف جدا جدا....ماشية 64 الف كم...جنوط 14 و كاوتش جديد عامل الفين كم... شكمان ديفيل...زينون عالي و واطي و في الفوجات كمان...معمول فيها شغل تغيير الاضاءة زي موضوع استاذ عصام غنايم..الفوانيس كلها ليدات بيضاء تلجي.. عالية ماشاء الله ولا قوة الا بالله عليها...دي في دي تتش بشاشة 10 راكب في الكونسول ..جي ام و راكب معاه كاميرا في الخلف بتعرض فيديو على شاشة الدي في دي ..بازوكة كينوود تهمة عاملة زي انبوبة البوتاجاز...وحدات رفع ال4 ابواب..2 مفتاح ريموت..طارة سبور..الزجاج كله فاميه...بصراحة ماشاء الله ولا قوة الا بالله..
انتوا ايه رائيكم في السعر .... انا بردو هشوف رائ استاذ شريف وهبة على الشغل ده و العربية تعمل كام..
عموما ربنا يرزقنا جميعا خير سيارتنا و يكفينا شرها و يستر لينا طريقنا و المسلمين جميعا و يبعد عن مصر و سائر بلاد المسلمين جميع الفتن...
و ادعوا لي ان ربنا يبعد عني و عننا وعن كل المسلمين شر كل ذي شر
متنسوش الايدل كنترو و الايدل ليرن

**towfeq** · 25-02-2012 11:57 AM

العربية بالمناسبة لانوس 2 موديل 2002..معلش نسيت

**towfeq** · 25-02-2012 05:02 PM

ايه يا جماعة..فين الناس

**m0hsen** · 25-02-2012 05:13 PM

على الاضافات اللى معمولة دى السعر مش وحش وربنا يباركلك فيها ويكفيك شرها

**emnewer** · 25-02-2012 11:53 PM

الله يباركلك ياريس ويكفيك شرها

**osama.m** · 26-02-2012 12:31 AM

دا اللينك اللي حضرتك بتسال علية
و الف مبروك على العربية و ربنا يديك خيرها و يكفيك شرها

http://www.nilemotors.net/Nile/103773-a.html

**towfeq** · 26-02-2012 01:15 PM

السلام عليكم و رحمة الله و بركاته
شكرا ليكم يا جماعة بجد والله بالاخص الاخ اسامه على اللينك

بس بجد يا جماعة السعر ده مناسب ولا غالي ولا ايه....في ناس قالت ليا انه كتير و ناس قالت انه لقطه..يا ريت تشاركوني برائيكم.. دي حاجة

الحاجة التانية...في معايا جنوط 15 نيكل اللي كانو جايين في العربية و معاهم 4 فرد كاوتش 195/50 ..2 منهم معقولين و 2 مش قد كده...
انا كنت اخدت 4 جنوط 14 مستعملين بالاربع فرد 185/60 حاله كويسة من واحد معرفة بتاع كاوتش بس لسه محاسيبتوش...

الموضوع ده يتسوى ازاى ..يعني اديلوا كام ولا اخد منه كام ولا حبايب على كده...و يا ريت اللي يعرف نمرة حد ثقة بتاع جنوط يقولي عشان ابقى عارف الموضوع يمشي ازاى..
وشكرا لاحسن رجاله اللانوس