و بدأت المعاناه مع عز العرب
صباح الخير
الاسبوع اللي فات كنت بعمل صيانة ال 1000 كيلو لعربيتي البيرسونا 2012
كنت بشتكي من حدفة جامدة يمين
المهندس قاللي العربية محتاجة مقص امامي يمين و مش متوفر اتصل السبت اللي جاي (النهارده) اسأل عليه
اتصلت فعلا بسأل على المقص حولتني الانسة اللي في الكول سنتر على قطع الغيار و ده كان بعد عناء عشان تليفونهم كان مشغووووووووووووووووووول
الحمد لله ربنا وفقني و وصلتلهم
بسأله عن المقص قاللي مجاش في البضاعة
قولتله طب هايبقى متوفر امتى قاللي اسأل بعد اسبوعين تلاتة
و حسيت من كلامه انه شخص مش مؤهل للتعامل مع العملاء
اتصلت تاني بالكول سنتر قولتلها عايز اكلم المسئول عن قطع الغيار
قالتلي هاحولك عليه شوية و رجعت قالتلي ده مش على مكتبه اتصل بيه عالموبايل و اديتني النمرة
اكلمه موبايله مقفول!!!!!!!!!!!!!!!
اتصلت بيها تاني قولتلها عايز اكلم حد مسئول
قالتلي ثانية واحده و رجعت قالتلي ده المسئولين عن قطع الغيار أ/عبد الباسط و أ/داليا اجازة النهارده
قولتلها طب انا عايز اكلم قسم الشكاوي
قالتلي برضه لو عندك شكوى أ/عبد الباسط اللي بيحلها
حد يلحقني يا جماعة
انا حاسس اني بغرق
حدي يقولي اعمل ايه مع الناس دي