انا عايزة اشترى جين تو بس..........

**haneena** · 02-06-2008 01:48 PM

[FONT='Arial','sans-serif']السلام عليكم ورحمة الله وبركاته[/FONT]
[FONT='Arial','sans-serif']اولا احب اشكر القائمين على المنتدى المتميز وده وادعوا لهم بان يجعله فى ميزان حسناتهم ان شاء الله[/FONT]
[FONT='Arial','sans-serif']انا عضوة جديدة بقالى حوالى شهر متابعة المنتدى وبالذات القسم ده لانى لما شفت البروتون جين تو وقعت فى غرامها على طول[/FONT]
[FONT='Arial','sans-serif']وحبيت انى اعرف عنها اكتروانا تقريبا قريت كل المواضيع المتعلقة بيها وقريت كمان تعليقات الاعضاء الكرام عن كل موضوع[/FONT]
[FONT='Arial','sans-serif']وشفت قد ايه الاستاذ توت متحمس ليها وربنا يكرمه يارب على المعلومات المفيدة والتحليل المنطقى وكلامه دايما بيقنعنى ويحسسنى براحة اكتر ويحببنى اكتر فى التحفة الرائعة اللى اسمها جين تو[/FONT]
[FONT='Arial','sans-serif']بس فى نفس الوقت كلام استاذ احمد صيام مخوفنى وكل لما اقرا تعليق ليه عن العربية اتردد فى شرائها[/FONT]
[FONT='Arial','sans-serif']المهم انا انشاء الله نويت انى اشترى فى خلال عشر ايام بس خايفة قوى وانا اصلا معايا بيكانتو اوتو فلو هاجيب عربية تانية يبقى لازم تكون اوتو كمان ياريت تفيدونى ربنا يكرمكوا ويبعد عنكم الحيرة والقلق اشترى الجين تو اوتو ولا ايه ؟؟؟؟؟؟[/FONT]

**haneena** · 02-06-2008 01:56 PM

انا باعتذر عن اللخابيط المكتوبة دى انا مش عارفة دى طلعت منين معلش اصلى اول مرة اكتب موضوع هنا سامحونى بكرة هاتعلم

ارجو افادتى بسرعة وشكرا مقدما لكل من يسدى النصيحة

**fahd_628** · 02-06-2008 02:04 PM

اهلا بيكى معانا

اولا حتلاحظى فرق جامد ما بين عربيتك و الجين 2 فى استهلاك البنزين هية استهلاكها عالى شوية

و اسمع ان الطلعة بتاعتها ضعيفة يعنى لازم تدوسى بنزين جامد علشان تطلع ! ( دة فى الأوتوماتيك فقط )

الشكل الجديد نازل خلاص يعنى كمان كام شهر كدة !
و حيكون بمحرك محسن

لو عاجباكى الشكل الحالى توكلى على الله ( الجديد بس متغير تغيرات طفيفة من الخارج بس متغير كتيير من الداخل )

بس اتأكدى ان كل حاجة فى العربية شغالة كويس يعنى الريموت و الزجاج و المرايات و اى حاجة كهرباء

و اتأكدى انها موديل 2008 الدفعة الجديدة عن طريق ان فتح الكبوت ناحية السواق مش ناحية الراكب

و ربنا يوفقك

**haneena** · 02-06-2008 02:37 PM

اشكرك يا استاذ فهد على الرد السريع جزاك الله خيرا

بالنسبة لموضوع البنزين مش فارق معايا قوى لان مشاويرى بسيطة

لكن اللى مخلينى عايزة اغير عربيتى اصلا انى باحس ان سحبها فى الاول مش قد كده ولازم ادوس جامد على البنزين فهل الجين تو كده كمان تبقى مشكلة لان ده اللى خانقنى من عربيتى فاياريت تقولى سحب الجين تو ايه نظامه

وبالنسبة لموضوع الموديل الجديد ده انا راى ان فرق الفلوس 10000 مايستاهلش الزيادات اللى عاملينها فى العربية خصوصا بالنسبالى لانى مشاويرى بسيطة ولو على الجلد انا ممكن اركب جلد على مزاجى وشكرا

**Ahmed Samy** · 02-06-2008 02:43 PM

العربية كويسة جدا و سحبها جميل لا يعاب يعني
و ان كنت أفضل لحضرتك شراء الدفعة الجديدة حتى علشان الموتور على الأقل

و ربنا يبارك لحضرتك فيها

**crazylambada** · 02-06-2008 02:53 PM

حضرتك 10000 الاف جنيه مستخدمينهم
في موتور محسن موفر للبنزين و حيبقى اقوى في الاتوماتيك لانه بيدي عزم كبير على
Rbm منخفض
دا غير انه متقفل من جوا حلو اوي
يعني مش حتشتكي نهائي من اي عيب من عيوب التقفيل
دا غير الكماليات و حتبقى اضمن و امن
و اهم حاجة صلاة الاستخارة

**ahmedsiyam** · 02-06-2008 03:36 PM

السلام عليكم

حضرتك مشاويرك قليلة يبقى عربية 1300 فما اقل انما الجين 2 عايزة طرق سريعة لانها مالهاش لزمة جوه البلد هى او اى عربية تانية 1600

**mazagnge** · 02-06-2008 03:40 PM

انا رآي لحل المشكلة دي اننا

نخطـــف

أحمــــــد صــــيام

**haneena** · 02-06-2008 03:43 PM

اشكركم يا جماعة ربنا يطمنكوا

وبالنسبة لموضوع الجديدة انا للاسف لازم اشترى دلوقتى لانى بعت عربيتى ومش هاقدر اقعد شهور من غير عربية دا غير بصراحة ان مفيش كلمة فى البلد دى بتتنفذ يعنى اللى يقولك شهر تسعة اعرف انه ممكن يتمد لاكتر من كده

الالتزام عندنا للاسف بقى عملة نادرة واشكرك يا استاذ احمد سامى ويا استاذ كريزى وطبعا الاستخارة دى مش عايزة كلام انا مش باخد اى قرار فى حياتى بدونها والحمد لله

وارجو من الاخوة اللى معاهم العربية يقولولى سحبها ايه نظامه دى اهم نقطة عندى وشكرا

**haneena** · 02-06-2008 04:00 PM

استاذ احمد صيام
انا عايزة فى العربية الجديدة حاجتين اساسيتين وهما اولا سحب كويس وثانيا وجود شنطة وحجم معقول للعربية فلو حاجيب عربية حجمها فى حجم الجين تو وتكون 1300 متهايالى مش هايكون سحبها كويس وده غير مقبول بالنسبالى يبقى لازم اجيب 1600 عشان اخد معاها حجم وتقل وثبات للعربية وانا اختى كان معاها يارس بصراحة كانت تخنق فى سحبها برده وعربية كتير عليها جدا الفلوس اللى بتندفع فيها كانى باشترى اسم تيوتا فقط ودى طبعا عقدة الخواجة اللى فينا انا مع استاذ توت فى كلامه ان كلمة يابانى او اوربى فقط ماتستهالش فلوس لانى بادفع الفلوس عشان اخد بيها عربية هى فى حد ذاتها كويسة مش اسم ماركتها هو اللى كويس وخلاص