ارجو المساعده فى شراء كاسيت و سماعات
الساده خبراء قسم الصوتيات
بعد انتقال كاسيت سيارتى الى رحمه الله (كلاريون شرائط و راديو فقط) و فشل اغلب محاولات اصلاحه قررت شراء كاسيت جديد من النوع الحديث اللى بيشغل Mp3 و اسطوانات و بالمره كمان نطلع السماعات الصينى اللى راكبه الى المعاش و نشترى سماعتين جداد من نفس نوع الكاسيت علشان يبقى طاقم واحد
المهم و بما اننى لا اعرف اى الانواع احسن فقررت ان اسألكم
متطلباتى هى :
1- كاسيت صناعه اى بلد الا الصين يكون فيه فيه راديو و يشغل اسطوانات Mp3 و خلافه - و لو امكن لو فيه فتحه Usb بحيث اشترى فلاشه احمل عليها الاغانى بدل الاسطوانات
2- سماعاتين من نفس نوع الكاسيت يكون صوتها حلو و نقى و مش عالى (200 واط او 300 كحد اقصى) و شكلها بيضاوى علشان تركب فى الفتحه الموجوده وراء الكرسى الخلفى
3- محل ثقه يكون فيه الاثنين معاً بحيث اشتريهم و يقوم هو بتركبيهم و تجربتهم و يستحسن لو كان نواحى وسط البلد او مدينه نصر
الميزانيه المقترحه و المتاحه اخرها 1000 او 1200 جنيه كحد اقصى
ياريت طلبى ميكونش صعب
فى انتظار الردود
و شكراً مقدماً