إستفسار بخصوص نقل ملكية سيارة مملوكة لورثة

مساء الخير يا شباب

السيارة الاوكتافيا و التي كانت ملك لوالدي رحمه الله حالياً في حوزتي و الرخصة لسة بإسمه طبعاً و هاتنتهي في شهر 9\2012

الورثة فيها هم أمي و أختي و انا...و حالياً إحنا بصدد بيع السيارة و عندنا الأسئلة الاتية:

1- ما هي إجراءات نقل الملكية في حالة الورثة؟ علماً بأنه تم إستخراج إعلام الوراثة و لا يوجد قٌصر
2- هل الأفضل نقل الملكية لي و تسجيل السيارة بإسمي ثم نقلها للبائع أم ليس هناك داعي لذلك؟

و عموماً هل يوجد أي ملاحظات أو تجارب سابقة في هذا الموضوع؟

جزيل الشكر...و ربنا ما يحطكوا في المواقف دي أبداً...

حضرتك لو هتبيع على حالة ديه لازم الورثة المذكورين فى اعلام الوراثة يمضوا على عقد البيع او كلهم يعملوا لحضرتك توكيل بالبيع

مش لازم تسجل العربية باسمك

السلام عليكم و رحمة الله و بركاته

ان شاء الله, أدام مافيش قصر, يبقى مفيش مشاكل, لأن القرف كله بيكون لما يبقى فيه قصر, او حد ماترفعتش عنه الوصاية, بيحتاج موافقة المجلس الحسبى و شغلانة طويلة و عرييييييييييضة.

ساعة البيع, أنتوا التلاتة لازم تمضوا على عقد البيع أو لو كان فيه حد مش هيكون موجود ساعتها, يبقى يعمل للى هيبيع توكيل, زى أن والدتك و اختك يعملولك توكيل بالبيع و خلاص, و المشترى, ابقوا اعطوله أصل لاعلام الوراثة, لأنه ده اللى بيوضح كل الورثة و بيوضح أنه مافيش ورثة مامضوش عالبيع, أعتقد ده المشترى هيحتاجه لما ييجى ينقل ملكية فى الشهر العقارى.

بالتوفيق فى البيع ان شاء الله.

اقتباس:

---

المشاركة الأصلية كتبت بواسطة maserati

السلام عليكم و رحمة الله و بركاته

ان شاء الله, أدام مافيش قصر, يبقى مفيش مشاكل, لأن القرف كله بيكون لما يبقى فيه قصر, او حد ماترفعتش عنه الوصاية, بيحتاج موافقة المجلس الحسبى و شغلانة طويلة و عرييييييييييضة.

ساعة البيع, أنتوا التلاتة لازم تمضوا على عقد البيع أو لو كان فيه حد مش هيكون موجود ساعتها, يبقى يعمل للى هيبيع توكيل, زى أن والدتك و اختك يعملولك توكيل بالبيع و خلاص, و المشترى, ابقوا اعطوله أصل لاعلام الوراثة, لأنه ده اللى بيوضح كل الورثة و بيوضح أنه مافيش ورثة مامضوش عالبيع, أعتقد ده المشترى هيحتاجه لما ييجى ينقل ملكية فى الشهر العقارى.

بالتوفيق فى البيع ان شاء الله.

---

انا برضه عندنا نفس الحاله بس المشكله ان فيه اتنين قصر فى الورثه
فياريت تقولنا بالتفصيل ايه الخطوات اللى المفروض اتباعها ... لأن فيه بعض معارفنا عقدنى و قالى ان الموضوع مستحيل طالما هما لسه قصر و القصر دول لسه بدرى عقبال مايوصلو لل 21
فياريت تطمنى

اقتباس:

---

المشاركة الأصلية كتبت بواسطة khaled sabry

انا برضه عندنا نفس الحاله بس المشكله ان فيه اتنين قصر فى الورثه
فياريت تقولنا بالتفصيل ايه الخطوات اللى المفروض اتباعها ... لأن فيه بعض معارفنا عقدنى و قالى ان الموضوع مستحيل طالما هما لسه قصر و القصر دول لسه بدرى عقبال مايوصلو لل 21
فياريت تطمنى

---

السلام عليكم و رحمة الله و بركاته

اللى أنا أفتكره من الخطوات دى و طبعا الأفضل أنك تسأل فى النيابة الحسبية أو المجلس الحسبى أو أيا كان اسمها حاليا, أن الوصى أو الأم لو كانت هى الوصية على القصر زى ماكان حصل معانا أما والدى توفى, يروح النيابة الحسبية دى أو المجلس الحسبى ده و يقولهم أنكوا عاوزين تبيعوا الحاجة الفلانية دى و ليكن العربية دى مثلا.

و المجلس الحسبى ده هيسألها شوية أسألة و بعد كده المفروض أنه بينتدب خبير يقدر تمن العربية و التمن ده حاولوا تبيعوا العربية بيه, مش أقل منه, لأن المجلس الحسبى, بيبقى عاوز نصيب الورثة و ليكن ليهم التلت مثلا ده يتحط فى حساب القصر اللى أعتقد كان فى بنك مصر تقريبا.

أما المجلس الحسبى يوافق, تقوموا تاخدوا الموافقة دى و على أساسها هتبيعوا و تسجلوا و ترجعوا تحطوا الفلوس نصيب القصر فى الحساب بتاعهم اللى فى بنك مصر, أو زى ماتتفقوا مع المجلس الحسبى, ممكن مثلا, أنتوا تقرروا أنكوا هتبيعوا العربية دى عشان تشتروا بدل منها أرض مثلا, المهم, أنكوا قبل ماتبيعوا أى حاجة للقصر فيها نصيب, أو تشتروا أى حاجة بفلوس بتاع قصر, لازم تستأذن المجلس الحسبى, هيبدوا ليكوا فى الأول أن بتوع المجلس الحسبى دول ناس رزلة و باصينلك فى الفلوس و عاوزين ضرب الجزمة, بس فى الواقع, اذا كنت أنت انسان أمين و هتحافظ على فلوس القصر, فيه و العياذ بالله, ناس تانية, تلاقى الأم الأرملة عاوزه تاخد فلوس القصر دى عشان فيه واد صايع مثلا عاوز يتجوزها و يعيش على قفاها بالقرشين بتوع القصر, و بالتالى هتلاقى المجلس الحسبى بيبقى Aggressive معاكوا شويه, فطولوا بالكم و ربنا ييسر اللى فيه الخير ان شاء الله.

هو ده اللى أنا فاكره من الاجراءات, فعذرا لو كان فيه هناك حاجة غير صحية أو غير دقيقة.

اقتباس:

---

المشاركة الأصلية كتبت بواسطة maserati

السلام عليكم و رحمة الله و بركاته

اللى أنا أفتكره من الخطوات دى و طبعا الأفضل أنك تسأل فى النيابة الحسبية أو المجلس الحسبى أو أيا كان اسمها حاليا, أن الوصى أو الأم لو كانت هى الوصية على القصر زى ماكان حصل معانا أما والدى توفى, يروح النيابة الحسبية دى أو المجلس الحسبى ده و يقولهم أنكوا عاوزين تبيعوا الحاجة الفلانية دى و ليكن العربية دى مثلا.

و المجلس الحسبى ده هيسألها شوية أسألة و بعد كده المفروض أنه بينتدب خبير يقدر تمن العربية و التمن ده حاولوا تبيعوا العربية بيه, مش أقل منه, لأن المجلس الحسبى, بيبقى عاوز نصيب الورثة و ليكن ليهم التلت مثلا ده يتحط فى حساب القصر اللى أعتقد كان فى بنك مصر تقريبا.

أما المجلس الحسبى يوافق, تقوموا تاخدوا الموافقة دى و على أساسها هتبيعوا و تسجلوا و ترجعوا تحطوا الفلوس نصيب القصر فى الحساب بتاعهم اللى فى بنك مصر, أو زى ماتتفقوا مع المجلس الحسبى, ممكن مثلا, أنتوا تقرروا أنكوا هتبيعوا العربية دى عشان تشتروا بدل منها أرض مثلا, المهم, أنكوا قبل ماتبيعوا أى حاجة للقصر فيها نصيب, أو تشتروا أى حاجة بفلوس بتاع قصر, لازم تستأذن المجلس الحسبى, هيبدوا ليكوا فى الأول أن بتوع المجلس الحسبى دول ناس رزلة و باصينلك فى الفلوس و عاوزين ضرب الجزمة, بس فى الواقع, اذا كنت أنت انسان أمين و هتحافظ على فلوس القصر, فيه و العياذ بالله, ناس تانية, تلاقى الأم الأرملة عاوزه تاخد فلوس القصر دى عشان فيه واد صايع مثلا عاوز يتجوزها و يعيش على قفاها بالقرشين بتوع القصر, و بالتالى هتلاقى المجلس الحسبى بيبقى aggressive معاكوا شويه, فطولوا بالكم و ربنا ييسر اللى فيه الخير ان شاء الله.

هو ده اللى أنا فاكره من الاجراءات, فعذرا لو كان فيه هناك حاجة غير صحية أو غير دقيقة.

---

و عليكم السلام و رحمه الله و بركاته
الموضوع اللى عندنا ان والدى توفى (رحمه الله عليه ) و كنا عاوزين نبيع العربيه (بيجو 504 مو83) ليا انا ..و احنا 5 اخوات مننا 3 بالغين و 2 قصر فى رعاية الام
بس هو سؤال تانى معلشى ... المجلس الحسبى حيحتاج الام فى الاول بس و لا كل شويه حنحتاج منها ورق - بسأل كده لأنها المفروض حتسافر فى خلال اسبوع
- و هل تقييم المجلس الحسبى للعربيه بيبقى تقييم حقيقى و لا مبالغ فيه - احنا مثلا كنا مقيمين العربيه دى من 20 الى 25 الف
وشكرا على سرعة الرد

السلام عليكم و رحمة الله و بركاته

اللى أنا أعرفه أنه الأم لأنها هى الوصية, على القصر, هى اللى بتقوم بكل الخطوات, الا اذا كان ينفع أنها توكل محامى يكمل الاجراءات بعد ما تروح هى المجلس الحسبى.

أنا مايتهيأليش أن التقييم بيبقى مبالغ فيه و لا حاجة.

السؤال الأخير و هو معلش يعنى خارج عن الموضوع, هو فيه بيجو 504 مو 1983 و لا أنت قصدك على بيجو 505 ؟؟؟؟

أنا من رأيى, أنه من الأفضل أنك تروح للمجلس الحسبى و تسألهم أفضل, هو مشوار و السلام و ربنا يعينك ان شاء الله.

اقتباس:

---

المشاركة الأصلية كتبت بواسطة MASERATI

السلام عليكم و رحمة الله و بركاته

اللى أنا أعرفه أنه الأم لأنها هى الوصية, على القصر, هى اللى بتقوم بكل الخطوات, الا اذا كان ينفع أنها توكل محامى يكمل الاجراءات بعد ما تروح هى المجلس الحسبى.

أنا مايتهيأليش أن التقييم بيبقى مبالغ فيه و لا حاجة.

السؤال الأخير و هو معلش يعنى خارج عن الموضوع, هو فيه بيجو 504 مو 1983 و لا أنت قصدك على بيجو 505 ؟؟؟؟

أنا من رأيى, أنه من الأفضل أنك تروح للمجلس الحسبى و تسألهم أفضل, هو مشوار و السلام و ربنا يعينك ان شاء الله.

---

بالفعل اخويا سأل فى المجلس الحسبى و قالوله ان الام بتعمل
1- طلب بيع نصيب القصر و بتكتب فيه حتحتط نصيبهم فين و حتبيع ليه
2- بعد كده المجلس بيطلع حكم بالموافقه على البيع
3- بيبعت للمرور و المرور بيبعت حد يقيم العربيه و بعد كده بتحصل الموافقه و خلاص كده

فالمفروض من الكلام ده انهم مش حيحتاجوها الا فى الخطوه الاولى فقط - ربنا يستر و مايحتاجوهاش تانى لأن حكم الموافقه بالبيع (الخطوه رقم 2) حتحصل فى شهر 10 باذن الله (بروقراطيه الحكومه) و الموضوع مش ناقص عطله اكتر من كده

و بالنسبه لموديل العربيه فالبيجو 504 تم تصنيعها بين الأعوام 1968 و 1983 حسب كلام الويكيبيديا ... فالعربيه دى اخر موديل طلع فى 504 و هى غاليه علينا اوى لأن والدى (عليه رحمة الله) هو الى اشتراها زيرو من السعوديه