الموضوع: ما هى أنسب ضغوط لكاوتش اللوجان؟؟؟؟

السلام على احلى اعضاء منتدى،،،،،،،
انا كنت من اسبوع فى توكيل اسيوط لأن كان عداد ال rpm بيتمرجح من 750 الى 1250 لما بشغل التكييف و ده بيخلى العربية تتنطط و انت ماشى و ممكن يسبب مشاكل فى الزحمة.
المهم لما روحت التوكيل و جربوا العربية فعلا لقو الكمبرسور بتاع التكيف بيفصل و يشتغل بسرعة كبيرة و ده طبعا بيخف و يتقل الحمل على المحرك مما يؤدى لهذه المشكلة و تم حل المشكلة فعلا.

طبعا كل اللى انا قلته ملوش علاقة بالسؤال، جايلكوا فى الكلام حالا، انا أول ما أستلمت العربية من شهر قمت مزودها نيتروجين بالضغوط المجودة على الإستيكر الملصق على الباب الأمامى و كان 29 للأمامى و 32 للخلفى لمقاس 185/65/15 و لكن لاحظت ان الكاوتش الأمامى مريح شوية.

لما رحت التوكيل فى المشكلة اللى فوق سأل المهندس بالمرة فقالى زود على 30 امامى و خلفى فقلتله ده عكس المكتوب فقالى يا باشا المكتوب ده لطرق أوروبا اما طرق مصر فعايزه الضغوط 30. بصراحة انا مقتنعتش و خلتنى زى ما انا.

اللى انا عايز اقوله بعد الرغى الكتير ده اتى عايز نصيحيتكم "انسب ضغوط كااااااااام؟؟؟"