الموضوع: صيانة الـ 40 الف لهيونداي نيو اكسنت

المشاركة الأصلية كتبت بواسطة sheka

جدول مواعيــــد الصيانة

final

ألف شكر

المشاركة الأصلية كتبت بواسطة el_nahal2004

انا افضل بالذات صيانة ال 40000 وال 80000 ان شاء الله يكونوا داخل التوكيل عشان بيغيروا حاجات كتير اوى
وبيتم تغير الاتى
فلتر محرك و تغير زيت لو حضرتك مش مغيرة قريب
فلتر هوا
فلتر وقود
تغير البوجيهات
بيغيروا تيل الفرامل اذا احتاج تغيروا وبيقلوا لحضرتك قبل مايغيروه
تربيط العفشة
فحص دورة التبريد
تغير مياه الريداتير
فحص شدة سيور المحرك
فحص دورة الوقود
فحص توقيت الحقن
فحص اسلاك البوجيهات
فحص سير كاتينة
فحص مبرد الزيت
فحص مواسير العادم
فحص المحرك بالكمبيوتر
فحص بدال الدبيرياج
تزويد زيت الدبرياج
تغير زيت ناقل الحركة سواء كان يدوى او كان اتومتيك
تغير زيت الكرونة
فحص بدال الفرامل وفرامل اليد
تزويد زيت الفرامل

غير ان هما بيفحصوا على الكهرباء عمتا والبطارية والتكيييف وظبط الكاوتش وتبديل الاطارات

وعلى فكرة المصنعية الى حضرتك كاتبها بتزيد شوية عشان ضريبة المبيعات هتخشلها فى الاخر مصنعية بس بتاع 320
الى انا عارفه فى اسعار قطع الغيار
البوجيهات60
وتيل الفرامل لو غيروه ب 330
الفلترهوا 40تقريبا
فلتر بنزين 20تقريبا
ممكن حضرتك تعملى صيانات ال 45 وال 55 وال 65 ان شاء الله خارج التوكيل لان هما مش بيتعمل فيهم حاجة تقريبا
يارب اكون افادتك

متشكرة جدا لرد حضرتك واهتمامك
انا عموما مغيرة زيت قريب بره فمش هاغير زيت هناك
ومعايا فلتر هوا كانوا مدينهولي هدية في صيانة من الصيانات

المشاركة الأصلية كتبت بواسطة Ayman-Ahmed

زى ما محمود قال لحضرتك كدة واضيفلك ان الصيانة فى التوكيل بالكامل هتكلفك حوالى 1200 جنيه.ده فى حالة تغيير التيل الامامى لانه ب 350 لوحده وخلى بالك لما تسالى عن سعر قطعة غيار او مصنعية ابقى اسالى عنها بالضريبة ال 10% لانها بتفرق حبتين.

فلتر الهوا ب 57 تقريبا.

وخلى بالك من تقفيل الكنبة بعد الصيانة لان بعد تغيير فلتر البنزين فيه احتمال الكنبة متثبتش كويس.ولو فيها حاجة هيعملوها.

البطارية ضمانها 40000 كم فلو عندك قلق من البطارية ولسة معدتيش ال 40 قوليلهم عليها ولو محتاجة تتغير هتتغير بنوع افضل.

اذكرى بقى كل المشاكل مع مهندس الاستقبال ومتعتمديش انهم هيشيكوا على كل حاجة وخلاص.

متشكرة جدا لرد حضرتك واهتمامك
هما غيرولي البطارية في صيانة ال 30 الف على حسابهم لانها كانت بتنام وركبولي بطارية تانية والحمد لله حالتها كويسة اعتقد
كويس ان حضرتك نبهتني لموضوع الكنبة ده

المشاركة الأصلية كتبت بواسطة SE_coralsea

أولا .. مرحبا بيكي مرة أخري في عائلة هيونداي

1- طبعا يفضل أن الصيانات الرئيسية (40000 كم - 80000 كم - 120000 كم) تكون في التوكيل نظرا لتوافرا الامكانيات
2- ياريت حضرتك تطلبي من مهندس الاستقبال في التوكيل كتابة كل البنود التي ذكرها الاخوة في أمر الشغل و تتأكدي أنهم نفذوها كلها بالاضافة لأي مشكلة تكون عندك
3- بالنسبة للاطارات يفضل تكشفي عليها خارج التوكيل في أي مركز خدمة كويس (بريدجستون مثلا) و تعملي تبديل للاطارات و ممكن يقولك الحالة أيه

طلب أخير ...
ياريت حضرتك بعد ماتعملي صيانة العربية تفيدينا بالاتي :
1- أسم مركز الخدمة الذي تعاملت معه و هل هو معتمد ام لا
2- بنود الصيانة التي تمت و تكلفتها
3- قطع الغيار المستخدمة و أسعارها ان امكن
4- تقييمك للمركز
5- تقييمك لداء العربية بعد الصيانة

و ياريت حضرتك تشاركينا بالرأي في تطوير القسم و النهوض به من خلال المشاركة بالموضوعات التالية :

http://www.nilemotors.net/Nile/273614-a.html

http://www.nilemotors.net/Nile/273772-2012.html

http://www.nilemotors.net/Nile/274015-hyundai-team.html

بشمهندس سمير ازي حضرتك
اولا انا بحييك على مجهوداتك في قسم هيونداي وتنظيم المقابلة بتاعة الجمعة الجاية واتمني اني اقدر احضرها بإذن الله عشان اتشرف بمعرفة حضراتكم جميعاً
والحمد لله اخيرا هيونداي بقي ليها فريق منظم وانشطة وده اللي فعلا كنا مفتقدينه رغم ان عدد ملاك هيونداي كبير جدا في المنتدي.
عموما ان شاء الله لما اعمل الصيانة هاكتب تقرير صيانة وافي واقول فيه البنود اللي حضرتك ذكرتها.
وان شاء الله هادخل المواضيع اللي حضرتك كاتب لينكاتها وان شاء الله اقدر اساهم في تطوير القسم.
وميرسي جدا لاهتمام حضرتك

المشاركة الأصلية كتبت بواسطة SHNORY

40000 دول يعملوا كام لتر 95 من اللي بتحطيه
منوره المنتدي من تاني يا رانا بعد انقطاع
حبيت بس ادخل اسلم
وحطلع اجري قبل ما جماعه هيونداي يضربوني

شنوري ارحمني حرام عليك مش كفاية كمية الحوادث اللي حصلتلي بسبب نقك ده
عموما ياسيدي الله يسلمك وميرسي على سؤالك

المشاركة الأصلية كتبت بواسطة el_nahal2004

وعلى فكرة انا موديل 2010
وشاريها فى سبتمير 2009
وعامل 27500ك
مع انى بعمل بيها كل مشاويرى وسافرت بيها مرتين اسكندرية ومرة العين السخنة ومرة ايتاى البارود وصيانتى كلها فى قليوب
بس اظاهر ان مشاويرى هية الى قليلة

طب كويس لاقيت حد غيري عداد الكيلومترات بتاعه قليل يعني مطلعتش انا لوحدي بقي

المشاركة الأصلية كتبت بواسطة Kareem Fawzy

تمام زى ما اخواتى قالوا لحضرتك بس فى تعديل
سعر فلتر البنزين فى حدود 120 جنيه تقريباً محمود النحال نسى يحط الواحد وكتب 20 بدل 120

اه مانا بقول برده هو في حاجة سعرها 20 جنيه عند غبور اصلا