الموضوع: مطلوب أسعار هذه القطع للنوبيرا

أرجو من خبراء النوبيرا 2 الرد على بعض الأجزاء الغريبة مثل :
1- جنط حديد ( استيراد )
2- نوع كاوتش جيد ( جديد )
3- غطاء بلاستيك لعلبة الفيوزات ( الداخليه بجانب قدم السائق )
4- غطاء بلاستيك للقائمان الخلفيان ( الغطاء الفبر الداخلى للقوائم يمين وشمال الكنبه )
5- جوان وش الموتور ( هناك تسريب زيت منه )
6- حساس الشكمان
7- مرايه الصالون الوسطى الأماميه
8- تكلفه تغيير وتركيب مواسير التكييف بالشحن
9- عداد السرعه لا يعمل فما هو العيب ؟ وتكلفته ؟
الرجاء من خبراء النوبيرا سرعة الرد بثمن كل قطعه ومكان تواجدها
ولا تنسوا الطلب رقم 3 ، 4 الخاص بالأغطيه البلاستيك لأنى مللت من البحث عنها .

6 - حساس الشكمان بيكون تقريبا 180-185 جنيه
8 - المواسير حدود 150 جنيه دول الماسورتين اللى من الكمبريسور للتكييف جوه و شحنه تقريبا 350-400 جنيه

9 - لو عداد الار بي ام شغال يبقى العيب فى فيشه موجوده فى الفتيس نفسه ثمنها تقريبا 150 جنيه و غالبا مش حتلاقيسها لانها بتتباع مع الفتيس ممكن تشوفها مع حد غير الفتيس قبل كده
و اسمها بيبه فتيس الجزء اللى فى الفتيس مش الفيشه
بكده يا اما الفيشه نفسها بازت او البيبه هى اللى بازت
و ممكن تجرب و تعرف اى واحده اللى بايزه بانك توصل كهرباء للفيشه من البطاريه و تشوف العداد حيترفع و لا لا بس بسرعه تلميس بس علشان الضفيره متضربش



بالنسبه للاغطيه الفبر
ممكن لو نازل المنصورة يوم تشوفهم عند واحد اسمه كدش على الطريق السريع و المرايات كمان حتلاقيها بس فصاله كتير نوعا ما