انا كل اللي احتكم عليه حاليا هو لابتوب فهل ينفع ارهن اللاب في البنك مثلا ؟ محدش يتريق لاني فعلا مزنوق و محتاج الفلوس دي في شغل ربنا يساهلها و يتم و اخرج من الازمه الماليه الطاحنه دي
عرض للطباعة
انا كل اللي احتكم عليه حاليا هو لابتوب فهل ينفع ارهن اللاب في البنك مثلا ؟ محدش يتريق لاني فعلا مزنوق و محتاج الفلوس دي في شغل ربنا يساهلها و يتم و اخرج من الازمه الماليه الطاحنه دي
البنك بياخد حاجات كبيرة...عربية، بيت، أرض...لكن لابتوب مش عارف
طيب ما تشوف واحد صاحبك ياخده منك ويخليه عنده، ولما ربنا يفرجها وترجعله ال200$ يرجعهولك
وإن حصل أي حاجة هو معاه فلوسه في شكل اللابتوب
وابقوا تمنوه قبل ما ياخده عشان محدش يتظلم
وعشان تقطع الشك باليقين في حكاية البنك، أقولك أنا
اتصل بأي بنك على خدمة العملاء واسأل براحتك
نقيلك بنكين تلاتة وامسك التليفون وابتدي
بس لو الرهن فيه ربا، اوعى تقبله
خُسرااااااااان
طيب ما تبيع اللاب توب ولما ربنا يفرجها ابقى اشترى واحد تانى
وان شاء الله ربنا يفرج كربك ويرزقك من حيث لا تحتسب
مينفعش فكره البيع لاني كده هتعزل عن العالم و ان شاء الله ال 200 دولار هيتردوا قبل يوم 1 ابريل و في نفس الوقت محتاج ادفعهم في الشغل قبل يوم 1 ابريل ... اعمل ايه ؟
اوعا تخش بيهم كيو نت :pffft:اقتباس:
المشاركة الأصلية كتبت بواسطة Screenplays
انا بهرج يا باشا ربنا معاك و يفك زنقتك وزنقة كل الناس لان الكل مزتوق دلوقتي
هستلف عشان خاطر الكيو نت ؟ مش للدرجه دي يعني ... ده تمن اشتراك في مسابقه دعايه و اعلان لشركه كبيره اوي في امريكا
شوف حد من اهلك او صديق ليك يكون مقرب
وابعد عن القروض نهاااائى لانه ربا والعياذ بالله
خلي بالك مسابقات كتير بتبقى نصب وش عشان يلم الاشتراكات و خلاصاقتباس:
المشاركة الأصلية كتبت بواسطة screenplays
ينفع 200 دولار اخوان طيب؟ (معلش القلشة حبكت معايا هههههههه)
و الله الواحد مش عايز يستلف من بنوك بس للاسف كل القرايب و الاصدقاء عاملين فيها من طنطا و قال مفلسين و انا عارف ان معاهم فلوس بس بيستهبلوا ... معادن الناس بتبان ساعه الشدائد فعلا .
احمد كمال : المسابقه اللي داخلها مسابقه عالميه مشهوره و ليا اصدقاء من بره مصر دخلوها و كسبوا و هما اللي قالولي عليها و انا اصلا كنت عامل شغل للشركه دي قبل كده
مهو بصراحه متزعلش مني محدش هيريك المبلغ ره عشان تدخل بيه مسابقه ...الموضوع مش حياه او موت يعني مش عمليه ف مستشفي لاقدر الله...انا مش شايف اي شدائد تذكر
للتوضيح فقط المسابقه دي مش داخلها دلع انا داخلها عشان ارجع اشتغل تاني بعد ما قعدت في بيتنا بسبب الثوره و بعدين اللي بيكسب في المسابقه دي بياخد مبلغ و قدره جايزه + شغله بيتباع يعني مكسب زي الفل و ابتدي اشتغل بقي
والله ياباشا لو معايا(ببحبوحة) مااتأخر عليك
انت جاى فى ايام ضنك
ربنا يخليكوا يا جماعه و انا عارف انها ايام سوده ... انا مش عايز ابيع اللاب و لا استلف من بنوك مش عارف اعمل ايه ؟ ربنا يفرجها عليا و عليا قريب ان شاء الله