رأى مخالف شوية فى قانون المرور الجديد

**Ah.Farid** · 02-06-2008 03:45 PM

انا كنت عاوز اقول راى يا جماعة
القانون الجديد دة زية زى القديم ينقصة الناس اللى تطبقة يعنى احنا شاطرين جدا فى التغير من الاشتراكية الى الرأسمالية ومن الدكتاتورية الى الديمقراطية بس كل لما نجى نطبق اى حاجة نقعد نحورها لغاية لما التطبيق يكون حاجة تانية مختلفة عن المطلوب فعلا
ودة كانت مقدمة لابد منها اما بالنسبة لقانون المرور الجديد اعتقد ان كل اللى هايتغير هوا اسعار المخالفات ورسوم التراخيص وكما بالمرة اسعار الاكراميات وكمان اسعار الشاى اللى بيندفع لعساكر المرور اللى فى الشارع
يعنى هوا الموضوع زيادة اسعار مش اكتر ولا اقلnnnnn

لكن مش هانصلح الشوارع ولا الزحام ولا اسلوب القيادة ولا الادب العامة للسائقين ولا الرقابة على الطرق ولا اى حاجة ولا اى انضباط
وشكرا

**Dr.A.Nabil** · 02-06-2008 11:47 PM

طبعا

انت كده قلت كل حاجه على المكشوف

من الاخر هو ده الغرض من القانون

**botros** · 03-06-2008 12:03 AM

و بالنسبه للزحمه هتزيد جدا عن الاول لان التاكسيات القديمه هتتباع مستعمل ملاكى و صاحب التاكس هيشترى عربيه جديده . و بالتالى كل عربيه تاكس هتتبدل بعربيتين . و المشكله العربيه القديمه اللى كانت بتسبب تلوث و عشان كده هيسحبو ترخيصها هتفضل شغاله و تعطل على مطلع الكوبرى و وسط الشارع . يعنى مفيش ايجابيات جديده .

طبعا الشيئ اللى يخصنا هنا كافراد ان المستعمل سعره غالبا هينزل و العرض هيزيد و لو ان صعب جدا ان حد يشترى عربيه مستعمله كانت تاكس . و لو ان السعر هيكون هوا الفيصل فى المواضيع دى .

**alnhas** · 03-06-2008 12:23 AM

botros و بالنسبه للزحمه هتزيد جدا عن الاول لان التاكسيات القديمه هتتباع مستعمل ملاكى و صاحب التاكس هيشترى عربيه جديده

الكلام ده مش صح العربيات بيبوظوا رقم الشاسيه بتاعها باللحام وبتتباع خرده لاحمد بيه وز

**botros** · 03-06-2008 01:15 AM

فهمنى الحته دى ؟

مش ممكن صاحب التاكس يعمل كده لانه هيخسر

و بتوع المرور مش هيعملو كده لان القانون نص انه ممكن يحولو ملاكى .

ما هو مش ممكن اللى معاه بيجو 504 او 505 حالتها جيده و يبيعها خرده ؟

معلش فهمنى . يمكن انا مش واخد بالى .

**alnhas** · 03-06-2008 05:10 AM

اقولك ياسيدي0000انا كنت راكب تاكسي من الفيرنا الجداد و سالت السواق عن الموضوع فقالي ان ده حاجه زي نظام تعويضات يسلمهم العربيه يدولوا 10 الاف جنيه مقدم عربيه تمنها الاقصي 70 الف ولو في فرق هو يزود0000وهو مش حيخسر لانه حياخد نفس نمر عربيته من غير مايدفع حاجه زياده للتراخيص و بيعدموا العربيه قدامه بابره لحام يطمسوا بيه رقم الشاسيه000الموضوع معمول عشان يتخلصوا من العربيات القديمه مش يجيبوا جديد علي القديم000قلته احسن

**Islam_galal** · 03-06-2008 07:57 AM

العربيات التاكسي القديم حتقلب ملاكي

**botros** · 03-06-2008 11:13 PM

يا جماعه القانون بيقول ان العربيه التاكس هيتجدد ترخيصه عادى على انه ملاكى . و صاحب التاكس بقى يستعمله ملاكى لنفسه و عيلته او يبيعه هوا حر .
موضوع تسليم العربيه ده طمس الموتور ده اختيارى . و طبعا صاحب التاكس هيقلبه ملاكى و يبيع باكتر من 10000 جنيه قيمه التعويض .

يعنى لو 504 مثلا ممكن يبيعها على الاقل ب 20000 .

انا فعلا شايف عربيان فيرنا تاكس الاسبوعين اللى فاتو . بس دول تقريبا قبل القانون ما ينزل رسمى . لانى متاكد لو القانون كان نزل كانو هيجددو ملاكى و يبيعوها . لانه افضل ماليا .