الموضوع: مشكلة فى فيكترا 2001 ارجو المساعدة

بصوا يا جماعة انا عربيتى اوبل فيكترا 2001 1600 سىسى 2 كامة اوتوماتيك
العربية عندى لو طالع بيها الصبح اول ماجى طالع ساعات الاقى العربية اول ماتبدا تمشى تكن كدة وتلاقى دوستى على البنزين بتزيد والعربية مابتسحبش وتظهر علامة التشيك فى التابلوة بتعمل كدة مثلا مرة كل اسبوعين ولا حاجة والحل بتاعها ساعتها باطفى العربية واشغلها تانى بتروح علامة التشيك والعربية ترجع تشتغل ولا كأن كان فيها اى حاجة خليتها مرة قايدة علامة التشيك على الموضوع دة وكشفت عليها بالكمبيوتر ادت الايرور دى حتى بتاع الكمبيوتر ماعرفش اية المشكلة الايرور دة رقمو p1700-fa الكلام دة بيحصل ساعات وانا لسة طالع بالعربية او فى الزحمة العربية اوتوماتيك بتدى غيار اول كتير مثلا فى الاوقات دى بتدى اللى بيحصل دة باقوم طافى العربية ومشغلها تانى ولا كأن كان فيها اى حاجة محدش عارف المشكلة دى حلها اية قالولى غير زيت الفتيس الاوتوماتيك غيرتو وبردو نفس الوضع ومش عارف حل الموضوع دة اية ياريت يا جماعة حد يقولى العربية كدة محتاجة اية ؟؟؟