الوقوف على الطريق بقى خطر جداا اليومين دول ....
انا الحمد لله ربنا سترها معايا كنت فى القاهرة و راجع اسكندرية على الزراعى و العربية خلصت منى بنزين لانى مكنتش لاقى 92 خالص و كنت عامل حسابى امون و انا على الزراعى و وقفت منى فى حتة زى الفل و الدنيا ضلمة و حاجة جميلة يعنى بقول ياللى عايز تثبت تعالى و وقفت حوالى ساعتين و نص و جه 3 راكبين توك توك و شكلهم يخوف اساسا و سألونى عايز حاجة فانا دخلت فيهم شمال و قلت احسسهم انى مش خايف منهم و اهى يا صابت يا خابت و قلتلهم مش عايز حاجة انا اصحابى جايين بعد 5دقائق واول ما مشيوا رحت راكب العربية و قافلها على نفسى و قلت هى و نصيبها بقى و العربية اساسا سوده و متفيمة الترا دارك و الدنيا ضلمة و انا مطفى النور جوه العربية عشان محدش يشوفنى و بقت كانك داخل فيلم رعب لغاية اصحابى ما وصلوا
بس احلى حاجة بعد ده كله لقيتهم جايين و مش معاهم بنزين برضه ههههههههههه كنت عايز اقتلهم
فقلنا ننقلها الاول من المكان ده لمكان منور و صاحبى قعد على كبوت عربيته و قعد يزقنى لغاية ما وصلنا لمكان منور و قلتله يالا بينا نروح نجيب بنزين بس كان يوم زى الفل :)