أشكر للجميع اهتمامهم وبعتذر عن الرد السريع و المسلوق ده لانشغالي الشديد. وللحديث بقيه ان شاء الله
عرض للطباعة
أشكر للجميع اهتمامهم وبعتذر عن الرد السريع و المسلوق ده لانشغالي الشديد. وللحديث بقيه ان شاء الله
و حصلت في تويوتا (ياريس) موديل 2008 كتير و للأسف عاصرت مشكلة في عربيتين منهم لناس أصحابي ده غير عربيتي اللي كان فيها مشكلة برضه في المقص و أتعمل في التوكيل
للأسف .... المشاكل اللي زي دي مابتفرقش بين كوري و ياباني و أوروبي كمان
لكن اللي بيفرق هو تصرف الوكيل بعد كده لما بتظهر المشكلة و بيكون بيحاول يحترم أسم العربية اللي هو مسئول عنها أو بيحاول يستهبل و يسحب من الزبون فلوس و خلاص
السلام عليكم .....
انا الحمد لله عندى النترا 2012 وعندى نفس المشكلة ... خبط فى العجلة اليمين .... بس فى المطبات زى عين القطة وما شابه .
روحت التوكيل وبدأنا بما يلى :
1 - غيرولى مساعد يمين ... ولسه الصوت
2 - غيرولى تيش امامى ... ولسه الصوت
3 - ان شاء الله ميعادى معاهم كمان 4 أيام لتغيير علبة الدركسيون لانه تم طلبها من كوريا ب dhl واتمنى ان الموضوع يتحل
على فكرة الناس محترمين جدا جدا ( انا باتكلم على توكيل غبور الغردقة ) مهندس ميشيل
ان شاء الله المشكلة تتحل عندى وعند سيادتك
أستاذ / نبيل ..
شكرا علي مشاركتك في الموضوع و ياريت تقول لنا أيه اللي هايتم معاك في المرحلة القادمة أن شاء الله
كمان ياريت لو توضح لنا رأيك بشكل تفصيلي عن التوكيل هناك بالغردقة و تبعت لنا اي تفاصيل خاصة بالاتصال بهم أو بالمهندس/ ميشيل لتوثيق العلاقات معهم لما فيه فائدة للجميع بأذن الله
اخيرا كلمت غبور اول امبارح قالولي علبه الدريكسيون وصلت(بعد حوالي شهر) رحتلهم النهارده في حدود التاسعه الا ربع صباحا .دخلت علي موظفه الاستقبال ادتني رقم عميل حاجز بعدها ب10 دقائق جاتلي المهندسه وسالتني اكتر من مره انت بتعمل الصيانات عندنا قولتلها ايوا حتي الخمس الاف قلتلها ايوا .بعد كده سالتني عن اللي قالي ان العلبه موجوده وراحت مكلماه وقالها ايوا العلبه موجوده علي اسم صاحب الرخصه. المهم ركبو ا العلبه وعلي حظي العربيه كانت واقفه تحت الشباك بتاع الاستراحه وبعد كده ظبطو زوايا بتاعت العجل واستلمت العربيه بعد 3 ساعات بالتمام والحمد لله جرابتها واصبحت تمام التمام
وطبعا مدفعتش ولا مليم .بصراحه التعامل كان محترم والناس كانو ودودين جدا وما اضطرونيش اني ازعق او اقل ادبي و الحمد لله. وربنا يجعلها اخر الاحزان و شكرا للجميع اهتمامه