الموضوع: رجعت من رحلة العمرة (بل رحلة العمر)

المشاركة الأصلية كتبت بواسطة shenoo

الف مبروك و ربنا يتقبل منك و يكتبهالنا ان شاء الله

كنت عايز اعرف منك تقريبا مصاريفك اليومية من اكل و مشروبات تتكلف كام؟ و كمان يستحسن تبدل ريالات من هنا ولا من هناك؟ ولو في خبره عايز تنقلها لنا يبقي كتر خيرك

الله يبارك فى حضرتك ويتقبل منك

بالنسبة للمصاريف اليومية فدى بتختلف طبعا من واحد للآخر حسب أكله وشربه وكده لكن أقدر أدى لحضرتك حد أدنى : فمثلا أنا كان فطارى بيكلفنى من 3 إلى 5 ريال وبابقى مبسوط جدا والغدا فى حدود 20 ريال مثلا وفل الفل بالنسبة لى (كنت واخد بعض المعلبات اللتى تكفينى لمدة 3 أيام ) .
بالنسبة للريالات أنا غيرت من مصر وده اتضح انه احسن لى لأن الصرافة هناك وخصوصا مكة زحمة جدا جدا جدا وطوابير فظيعة بجد فحمدت ربنا انى غيرت من مصر لأنى باكره الزحمة جدا .
الخبرات :
1- حاول دايما تجهز نفسك للصلوات من قبلها بوقت كافى حتى لا تفوتك اى صلاة بإذن الله .
2- لو طالع مصر للطيران فيستحسن يكون الوزن بتاعك متناسب مع تعليمات مصر للطيران لأنهم واخدينها جد جدا وممكن يتكلموا على موضوع الوزن الزائد ويبوظولك الترتيب كله ويدفعوك فلوس كمان .
3- خد فكرة عن المناسك قبل ما تروح فعلا علشان يكون عندك خلفية بالسنن والفروض اللى واردة فيها .
4- إذا كنت حتحلق بموس تأكد إن الحلاق بيحلق بموس يستعمل لمرة واحدة ويترمى بعد كده (الحلاق بيبقى عنده امواس ويمكن تاخد واحد او تشترى من هناك ومتوفر جدا )
5- توخى النظافة فى كل الأحوال .


وبالتوفيق ولا تنسانا بالدعاء