ياجماعة انا محتاجة مساعدة بخصوص موضوع ترخيص العربية
المفروض انا ف خلال كام يوم هرخص العربية لانى كنت ماشية بتوكيل
فكنت محتاجة اعرف تكلفة الترخيص ونقل الملكية والحوار ده كام
العربية فيرنا 2010 .. 1600 سى سى فول اوبشن
فياريت لو حد يقدر يفيدنى :)
عرض للطباعة
ياجماعة انا محتاجة مساعدة بخصوص موضوع ترخيص العربية
المفروض انا ف خلال كام يوم هرخص العربية لانى كنت ماشية بتوكيل
فكنت محتاجة اعرف تكلفة الترخيص ونقل الملكية والحوار ده كام
العربية فيرنا 2010 .. 1600 سى سى فول اوبشن
فياريت لو حد يقدر يفيدنى :)
أولا .. اجراءات الترخيص و نقل الملكية :
1- عمل عقد مسجل باسمك موثق فى الشهر العقاري
2- عمل الفحص الفنى للسيارة وغالبا ما يقوم مهندس الفحص بأدارة المرور التي تتبعيها بارسال رسالة الى المرور السابق لعمل مطابقة لبصمات الموتور والشاسيه ويكون هناك طفاية حريق لا يكون مر عليها اكثر من 5سنوات
3-بعد هذا يتم البدء في أجراءات التجديد بتقديم ملف به الاتي ( صورة البطاقة الشخصية سارية - نموذج التجديد من شباك النماذج - 3 جنيه طوابع شرطة ) و يقوم الموظف علي الشباك بتقدير الضريبة و يتم دفعها في الخزينة و وضع الايصال بالملف
4- عند دفع التامين الاجبارى يكون باسمك وليس بالاسم الموجود بالرخصة وتعرفي موظف شركة التامين ان ده نقل ملكية
5- يكون معك شهادة مخالفات سارية بحيث لايكون مر على تاريخ اصدارها اكثر من شهر
6- يتم شراء ملف نقل ملكية وبيتم بيعه فى كشك التصوير الموجود داخل وحدة المرور ويحتوى هذا الملف على بيان صرف لوحات+ امر صرف لوحات+ امر استلام لوحات
7- تصويرالبطاقة الشخصية
8-يتم وضع كل الاوراق السابقة داخل الملف والتوجة به الى شباك نقل الملكية وتقديم الاوراق الموجودة + جميع سندات الملكية ثم الحصول علي بيان صرف اللوحات +امر استلام اللوحات+اللوحات الموجودة بالسيارة من الموظف علي الشباك ثم تسليمها على شباك اللوحات وبعد ذلك الرجوع الى الموظف بعد توقيع موظف شباك اللوحات باستلام اللوحات القديمة ويسلمه امر الصرف والاستلام
ثانيا.. الرسوم و التكلفة (تقريبا) :
علي حسب ما أفتكر :
الضريبة بتكون في حدود 220 جنيه
التأمين الاجباري بيكون علي ما أفتكر في حدود 30 جنيه
و زي ماذكرت لو فيه لوحات جديدة هاتدفعي حوالي 120 جنيه
بالاضافة الي المخالفات لو فيه مخالفات
كالعادة اجراءات تجيب للواحد توهان بالذات فى التعامل مع موظفى المرور
ربنا يعدل الحال ان شاء الله
شكرا ليك جداااااااااا
بس انا سمعت ان نقل الملكية لوحده ب 1700ج
ده صح ولا لا؟
التسجيل في الشهر العقاري اللى بيكلف
انما المرور تجديد سنه بيدخل في 400 جنيه
فعلاً تكلفة نقل الملكيه فى الشهر العقارى 1670
الافضل قبل ما تروحى الشهر العقارى تجيبى حاجه اسمها شهادة منشأ ( اظن انه من المرور من ملف العربيه )يعنى اثبات ان العربيه تجميع مصرى وليست مستورده بالكامل لانه فى فرق فى الرسوم وهذا حسب معلوماتى المتواضعه مع التوفيق
فعلاً علشان العربية موديل جديد فمصاريف نقل الملكية
بمعنى ان الرخصة تبقى اسم حضرتك
المصاريف تقريباً فى حدود 1600 جنيه تزيد شوية او تقل شوية
لنا الله بجد فى البلد دى
العربية بتاعتى بأسم والدى وكل لما انوى انقل ملكيتها معرفش اجمع الفلوس اضطر اسيبها وهو يدفع ضريبة رفاهية لانها لسة بأسمه