عربيتى مازدا 323 موديل 82 غيرت عفشه وكاوتش جديد واخر سرعه العربيه مابتزيدش عنها هيا ال120 125 بالعافيه مابتجبش اكتر من كده ومش عارف ايه السبب
عرض للطباعة
عربيتى مازدا 323 موديل 82 غيرت عفشه وكاوتش جديد واخر سرعه العربيه مابتزيدش عنها هيا ال120 125 بالعافيه مابتجبش اكتر من كده ومش عارف ايه السبب
الاهم حالة الموتور و الفتيس و حالة طقم الدبرياج
الموتور 1300 ولا 1500 و الاتنين بيعدوا الرقم ده
ارجع لطقم الدبرياج بلكامل بلاسطوانه + البوجيهات + الكربيراتير و الفلتر + حاله الموتور العامه يعنى فيه تخبيط او ترزيع و الكلام ده
لو حاله الموتور كويسه يبقى ارجع لطقم الدبرياج + تغيير البوجيهات + الكربيراتير و الفلتر
^_^
يا باشا حلو اوي كده عليها دي بقالها 30 سنة شغاله مبتقولش عني :)
+1111111111
ههههههه هو في سؤال عاوز أضيفوو كمان ... هو انتا عاوز تجري على سرعة كام بالضبط ؟؟
ياحبيب قلبي كل شيء ليه عمر ... يعني مينفعش مثلاً تلاقي راجل عجوز قاعد يجري ويطن طط ، حتى لو كانت صحتو مسعداه ومركب تيربو ..لأنو ممكن يتجزع ممكن يجيلو لاقدر الله فتئ أو أنزلاق غضروفي كزالك العربية ... راعي عامل السن يا أبني بدل ما تاخود بأيديها وتحطلها كرسي كده وتركنها على جنب ، تاخود مثلاً بأيديها وأنتا بتعديها الشارع ... شفت الدنيا حر تجيب ليها كوباية حاجة ساقعة منظف الكربيتر كده يعني ... شفت الدنيا حـــــــر أركنها في حته ضلة علشان متخدش ضربت شمس ... مش نركبلها جناحين ونطير بيها .
وحتى لو عملتلها عملية تجميل وركبتلها متور زيرو ... وكوتشات جديدة ... الا متلاقي صامولة دايبة فيها ... تقدر تقولي عتمل ايه لو لاقدر الله ماشي على سرعة 140 وصامولة فوتت فيها ولا كوبلن أتكسر ولا أو ولا أو ولا ... ربنا يستر طريقك يارب ويحميك ... وتحياتي
ههههههههههه لا كفاية حاجة سقعه بلاش منجا علشان ممكن تتعب المتور ... حبيب قلبي واللهي ... عندي أخويا لسه شب يعني حوالي 26 27 سنة كدة ... أتبح صوتي معاه ان البلد دي مش بتاعت سرعة ، ومن التأني السلامة ، وعربيتك حتى لو كانت جديدة فانتا طحنها ، يعني قللت من قوتها ومتانتها ودي عربية كوري لانوس بتجري أأأأاه تقف لأ .ومفيش فايدة سبحان الله مفيش شهريين وهو ماشي طاير كالعادة مش عارف ايه رمان بلي ولا بيض المفصلات حاجة كده تحت اتكسرت وفقد السيطرة ... وياريتو حصلو حاجة لأ ... كان في راجل محترم راكب مع مراتو ياعيني قام لاطش فيهم وطيرهم فوق الرصيف الي في النص ... ومن بخت الراجل الغلبان قام كمان علشان تكمل الراجل يا ولداه دخل في عمود نور الي فوق الرصيف يعني خبطة من قدام وورى ... الحمدالله الراجل ومراتو طلعو سلام ... بس انا بصراحة مش أخويا لغيات دلوقتي مش مسامحو علي عاملوا ... وبقول حسبي الله ونعم الوكيل فيه وفي الي زيو ... وحتى لو عوض وصلح للراجل عربيتو ... فعمر مالعربية هترجع تمنها زي ماكان ولا حالتها هترجع زي مكان والراجل يا ولداه خبطة زي كده أكيد قطع فيها الخلف ... ويمكن مراتو حرمت تطلع تتفس معاه بعد كده لأنها أكيد خايفة لأنها شافت الموت بعنيها ... وكل ده علشان واحد زي أخويا بيحب يحرك الاندراليين بتاعوو وبيحب السـرعة ، ومش عارف ان في يا ولداه ناس خايفه بس مطرة انها تركب عربيات وتسوق علشان يشوف لقمة عيشو ... وناس كمان سواقتها على قدها ... بس بطلوع الروح طالع مع مراتو يفسحها ويغيرو غو ... أحسن من بهدلت الميكروبصات وسئالت سواقين التكسي الي تقولوا حسابك كام يسطة يقلك الي تجيبو وتيجي تديه عشرة جنية يقولك أدددددددددددددددددة عشرة جنية دا انا جايبك من مش عارف فين لفين ويحسسك انو جايبك من القاهرة للساحل الشمالي ... وأديك شايف الطريق عامل ازاي يابيه ... كأن الطريق أدزحم أول أمبارح ... وطول عمر الطريق رايق ... ولا كأن الزبون هو الي مصنع الطريق على أيدو وزحمو .
بس الغريب سبحانك ياربي ... ليه حكمة دايما في خلقووو ... تلاقي واحد سويق وحررررريف ... بس ربنا مش مدية أكتر من 128 ... وتلاقي واحد تاني يادووب بيعرف يفك الخط في السواقة وتاته تاته وراكب بورش او عربية بي ام دبليو ولا حتى جاكور ... بس لحكمة لله عز وجل ... بس بصراحه بصراحة عمري ما شفت واحد عندو بورش ولا جاكور او بأماية ولا مرسيدس وتلاقيها بيجري بيها أبدا أبدا أبداً ... ده بالعكس تلاقيه ماشي على أقل أقل من مهلو بيستمتع بالطريق وبالدنيا ... وشباب مش معاهم عربيات اسمها سيتي كار يعني مخصصة للمدينة فقط وتلاقيه مصرررر وفي أشد الاصرار أنو يخليها بورش بالعافية زي أخويا الي معاه لانوس دهو ... وكل ما أكلمو يقولي ماهو الي صمم الشاسية بتاع الانوس شركة بورش ياسلام ياسلام ... شوف الحكم والمواعظ شوف شوف .
انا زمان كان معايه لانوس وعارف تجري تجري وتجمع سرعات تعاله دوس فرامل مفيش فرامل يافرحتي يافرحتي . هههههههههههههههه وتحياتي .
اخي الكريم
احتمال كبير في عيب في اسطوانة الدبرياج