ياهل المعرفة والكرم ، عاوز معلومات عن خدمة gps
ياجماعة بافكر أغير الموبيل بتاعى واتعرف على الخدمات الجديدة فى مجال الاتصالات
وفى موبيل جديد نازل من سامسونج به خدمة Gps و 2 شريحة بافكر اشتريه
ولكن الاول عاوز اعرف معلومات عن خدمة ال GPS
- هل أى موبيل مكتوب فى مواصفاته A-GPS ، يبقى بيدعم الـ GPS ؟ مش استعراض الخرايط بس ؟
- على النت قريت ان فيه نوعين من خدمات الـ GPS
- خدمة GPS Navigation
- خدمة GPS tracking للتتبع على الاقمار الصناعية.
واسئلتى هى :-
1- هل الخدمتين مسموح بهم فى شركات الاتصال للمحمول فى مصر ؟
2- كيفية الاستفادة عمليا الخدمة الاولى ؟
- هل للخرائط وتحديد اماكن السير ، وقياس المسافات من مكان لاخر فقط ام لها استخدامات تانية
وهل خدمة الارشاد والتوجيه بتكون صوتية كما فى اجهزة GPS السيارات ام لا ؟
- هل ضرورى علشان استخدام خدمة التوجيه الصوتى ، انى اشغل النت على الموبيل بالاضافة للاقمارالصناعية?
- هل هناك تكلفة للاشتراك فى الاقمار الصناعية ولا مادام الخرائط نازلة على الموبيل ، فخدمة الارشاد الصوتى تشتغل تلقائيا دون اى مصاريف ؟
لان زمان كانت نوكيا بتنزل الخدمة فى هواتفها وتقول معها 3 شهور اشتراك مجانى ، هل ده لسه موجود ؟
3- بالنسبة للخدمة الثانية tracking كان فيه بعض الزملاء فى المنتدى بيتناقشوا فى تامين السيارات عبر ال gps بحيث يحددوا مكانها لو اتسرقت فكده معناه ان خدمة التتبع مسموح بها فى مصر ولاتعترض عليها شركات الاتصالات
وهناك على النت كلام كتير عن الاشتراك فى سيرفرات لتتبع السيارة على جوجول مابس maps
ياريت اللى عنده معلومات عن كده يقولنا عليها بتفصيل اكتر
يعنى كيفية عملها ، والمتطلبات الخاصة بها ، نوع الموبيل اللى يتم تتبعه هل يجب توافر مواصفات اخرى فيه غير gps والسيفرات وكده ....
ياريت اللى مشغل خدمة ال GPS على هاتفه يحكى لنا على تجاربه
ولكم كل الشكر والتقدير ..
تحياتى
